స్టాక్ మార్కెట్ ఇన్వెస్టర్లకు బిగ్ షాక్.. గత 5 రోజులు లాభాలన్నీ ఆవిరి.. నష్టాల్లోనే ముగిసిన సూచీలు..

భారత స్టాక్ మార్కెట్లో గత ఐదు రోజులుగా కొనసాగుతున్న విజయయాత్రకు బ్రేక్ పడింది. జూన్ 19, శుక్రవారం నాటి ట్రేడింగ్‌లో దేశీయ బెంచ్‌మార్క్ సూచీలు భారీ నష్టాలను చవిచూశాయి. అంతర్జాతీయ మార్కెట్ల నుండి వచ్చిన బలహీన సంకేతాలు, ముఖ్యంగా ఐటీ రంగంలో వ్యక్తమైన ఆందోళనల కారణంగా ఇన్వెస్టర్లు అమ్మకాలకు మొగ్గు చూపారు. ట్రేడింగ్ ముగిసే సమయానికి బిఎస్‌ఇ సెన్సెక్స్ 607 పాయింట్లు కుప్పకూలి 76,803 వద్ద స్థిరపడగా, ఎన్‌ఎస్‌ఇ నిఫ్టీ 155 పాయింట్ల నష్టంతో 24,013 వద్ద ముగిసింది. ఒక దశలో మార్కెట్లు రోజువారీ కనిష్ట స్థాయిల వద్ద మరింత దిగువకు పడిపోయినప్పటికీ, చివరి గంటల్లో కొంత రికవరీ సాధించడం వల్ల నష్టాల తీవ్రత స్వల్పంగా తగ్గింది.

ఈ పతనానికి ప్రధాన కారణం గ్లోబల్ ఐటీ దిగ్గజం 'యాక్సెంచర్' తన వార్షిక అమ్మకాల వృద్ధి అంచనాను తగ్గించుకోవడమే. ఈ ఒక్క నివేదికతో దేశీయ ఐటీ కంపెనీల భవిష్యత్తు ఆదాయాలపై పెట్టుబడిదారులలో ఆందోళనలు రేకెత్తాయి. ఫలితంగా నిఫ్టీ ఐటీ సూచీ ఏకంగా 4 శాతం పడిపోయి, ఈ రోజు ట్రేడింగ్‌లోనే అత్యంత పేలవమైన పనితీరు కనబరిచిన రంగాల సూచికగా నిలిచింది. నిఫ్టీలో అత్యధికంగా నష్టపోయిన కంపెనీల జాబితాలో దేశీయ ఐటీ అగ్రగాములైన ఇన్ఫోసిస్, టీసీఎస్, హెచ్‌సీఎల్‌టెక్ మరియు టెక్ మహీంద్రా వంటి షేర్లు ముందు వరుసలో నిలిచాయి. ఐటీ షేర్లతో పాటు హెచ్‌డిఎఫ్‌సి బ్యాంక్, మహీంద్రా & మహీంద్రా కూడా మార్కెట్‌ను కిందకు లాగడంలో కీలక పాత్ర పోషించాయి.

stock m

మరోవైపు, ఇంతటి ప్రతికూల వాతావరణంలోనూ కొన్ని రంగాలు మార్కెట్‌కు అండగా నిలిచాయి. సెన్సెక్స్ బాస్కెట్‌లో ట్రెంట్ లిమిటెడ్, అపోలో హాస్పిటల్స్, టైటాన్ కంపెనీ, నెస్లే ఇండియా, ఎన్‌టిపిసి మరియు భారతి ఎయిర్‌టెల్ వంటి షేర్లు గరిష్ట లాభాలను ఆర్జించి అతిపెద్ద విజేతలుగా నిలిచాయి. విదేశీ సంస్థాగత పెట్టుబడిదారులు (FIIs) మార్కెట్ నుండి నిధులను ఉపసంహరించుకోవడం, ఆసియా మార్కెట్లలో నెలకొన్న మిశ్రమ ధోరణి కూడా నేటి మార్కెట్ సెంటిమెంట్‌ను బలహీనపరిచాయని విశ్లేషకులు అభిప్రాయపడుతున్నారు. మొత్తానికి, ఐటీ రంగంలో వచ్చిన ఈ ఆకస్మిక విక్రయాల ఒత్తిడి దలాల్ స్ట్రీట్ బుల్స్‌కు గట్టి బ్రేక్ వేసింది.

Also Read

స్టాక్ మార్కెట్ కుప్పకూలింది.. ఇన్వెస్టర్ల కొంపలు ముంచిన ఐటీ షేర్లు.. తీవ్ర నష్టాల్లో సూచీలు..

బీఎస్ఈ సెన్సెక్స్ (BSE Sensex): 557 పాయింట్ల నష్టంతో 76,852 వద్ద ప్రారంభమైన సెన్సెక్స్, ఒక దశలో 800 పాయింట్లకు పైగా పతనమై 76,603 స్థాయికి పడిపోయింది. అయితే చివరి గంటల్లో కొద్దిగా కోలుకుని, ముగింపు సమయానికి 750 పాయింట్ల (0.97%) పతనంతో 76,661 వద్ద స్థిరపడింది.ఇక ఎన్ఎస్ఈ నిఫ్టీ 50 (NSE Nifty 50): 176 పాయింట్లు నష్టపోయి 23,991 వద్ద ట్రేడింగ్ ప్రారంభించిన నిఫ్టీ, ఒక దశలో కీలకమైన 24,000 మార్కు కంటే దిగువకు చేరింది. చివరికి 209 పాయింట్ల (0.87%) నష్టంతో 23,958 వద్ద ముగిసింది.

ఇన్వెస్టర్లలో ఆందోళన పెరగడంతో మార్కెట్ భయాల సూచీ 'ఇండియా విక్స్' ఏకంగా 5.20% పెరిగి 13.33 స్థాయికి చేరింది. నిఫ్టీ ఐటీ సూచీ గరిష్టంగా 5.55% వరకు పడిపోయి రూ. 26,886 వద్ద ట్రేడైంది. ఇంట్రాడేలో ఇది 52 వారాల కనిష్ట స్థాయి (26,634) ని తాకడం గమనార్హం. ఇన్ఫోсиస్, టీసీఎస్, టెక్ మహీంద్రా, హెచ్‌సీఎల్‌టెక్ షేర్లు అత్యధికంగా నష్టపోయాయి. వీటితో పాటు హెచ్‌డీఎఫ్‌సీ బ్యాంక్, టాటా స్టీల్ షేర్లు కూడా నష్టాల బాట పట్టాయి.

ఇంతటి భారీ పతనంలోనూ అదానీ ఎంటర్‌ప్రైజెస్, ఎన్‌టీపీసీ, భారతి ఎయిర్‌టెల్, ట్రెంట్, పవర్ గ్రిడ్ షేర్లు లాభాల్లో ముగిసి మార్కెట్‌కు కొంత అండగా నిలిచాయి. అమెరికా-ఇరాన్ మధ్య తాత్కాలిక శాంతి ఒప్పందం కుదిరి క్రూడ్ ఆయిల్ ధరలు బ్యారెల్‌కు 78 డాలర్ల కంటే దిగువకు పడిపోవడం భారతదేశానికి సానుకూల అంశమే అయినప్పటికీ, గ్లోబల్ ఐటీ మందగమనం మరియు ఆసియా మార్కెట్ల బలహీనత కారణంగా నేడు బుల్స్ వెనకడుగు వేయాల్సి వచ్చింది.