SBI: క్రెడిట్ కార్డు వినియోగదారులకు షాక్ ఇచ్చిన ఎస్బీఐ..

దీపావళి పండుగ ముందు ఎస్బీఐ తమ క్రెడిట్ కార్డు వినియోగదారులకు షాక్ ఇచ్చింది. ఈఎంఐ లావాదేవీలపై పలు ఛార్జీలు పెంచింది. సవరించిన ఛార్జీలు నవంబర్ 15 నుంచి అమలులోకి వచ్చాయి. ఈఎంఐ లావాదేవీలపై ప్రస్తుతం ఉన్న ప్రాసెసింగ్‌ ఫీజుపై అదనంగా రూ.100 వసూలు చేయడంతో పాటు కొత్తగా రెంట్‌ పేమెంట్‌పై ఛార్జీలు వసూలు
చేయనున్నట్లు వినియోగదారులకు సమాచారం ఇచ్చింది.

రెంటుపై రూ.99
కస్టమర్లకు ఎస్‌బీఐ పంపిన మెసేజ్‌ ప్రకారం.. ఎస్‌బీఐ క్రెడిట్‌ కార్డు ద్వారా రెంటు పే చేస్తే.. ఆ రెంటుపై రూ.99+ జీఎస్టీ 18 శాతం వసూలు చేయనున్నట్లు తెలిపింది. ఈ కొత్త ఛార్జీలు నవంబర్‌ నెలనుంచి అమల్లోకి రానున్నట్లు అందులో పేర్కొంది. ఇంతకు ముందు ఇంటి రెంట్ క్రెడిట్ కార్డుతో చెల్లిస్తే ఛార్జీలు విధించేవారు కాదు.

క్రెడిట్ కార్డు ద్వారా
మీరు మీ ఇంటి అద్దె రూ.8 వేలు ఉంటే మీరు క్రెడిట్ కార్డు ద్వారా 8 వేలు చెల్లిస్తే అదనంగా ప్రాసెసింగ్‌ ఫీజు రూ.99, జీఎస్టీ 17.82 శాతం చెల్లించాల్సి ఉంటుంది. అంటే రూ.142 చెల్లించాలి. అద్దె, ఛార్జీలు, ట్యాక్స్ తో కలిపి మొత్తం రూ.8241 చెల్లించాలి.