Starbucks Layoff: వెయ్యికి పైగా ఉద్యోగులు ఇంటికి.. ఈ ఏడాదిలో పెద్ద తొలగింపులు.. ఇది కాఫీ వ్యాపారం..

కాఫీ విషయానికి వస్తే స్టార్‌బక్స్ కాఫీ పేరు టక్కున నోట్లోకి వస్తుంది. అవును, ఈ కంపెనీ ప్రపంచవ్యాప్తంగా కాఫీ హౌస్ చైన్‌ నడిపిస్తుంది. అలాగే భారతదేశంలో టాటా గ్రూప్‌తో జాయింట్ వెంచర్‌ ఉంది. ఇప్పుడు, ఈ పెద్ద కంపెనీ ఉద్యోగుల తొలగింపుల ప్రక్రియ చేపట్టింది. దింతో సుమారు 1100 మంది ఉద్యోగులకు ఇంటికి పంపించేందుకు ఒక లిస్ట్ రెడీ చేసింది. అయితే కంపెనీ పునర్నిర్మాణ ప్రణాళికలో భాగంగా స్టార్‌బక్స్ సీఈఓ ఈ తొలగింపును ప్రకటించారు.

సేల్స్ తగ్గడంతోనే ఉద్యోగుల తొలగింపులు
రాయిటర్స్ నివేదిక ప్రకారం, స్టార్‌బక్స్ కార్ప్ ఉద్యోగుల నుండి 1100 మంది ఉద్యోగులను తొలగించబోతోంది. ఛైర్మన్ అండ్ CEO బ్రియాన్ నికోల్ 2024 సెప్టెంబర్‌లో పదవీ బాధ్యతలు స్వీకరించిన తర్వాత సేల్స్ తగ్గుముఖం పట్టడంతో గత సంవత్సరం ఉద్యోగుల తొలగింపులను ప్రకటించారు. అయితే సోమవారం ఉద్యోగులకు జారీ చేసిన ఓ లేఖలో ఈ సమాచారాన్ని వెల్లడించామని, ఈ తొలగింపులకు గురైన ఉద్యోగులకు మంగళవారం మధ్యాహ్నం నాటికి సమాచారం అందిస్తామని కంపెనీ చెప్పినట్లు నివేదికలో పేర్కొంది.

CEO బ్రియాన్ నికోల్ 2025 సంవత్సరం ప్రారంభంలోనే ఈ తొలగింపు గురించి సూచించాడు. మార్చి ప్రారంభంలో స్టార్‌బక్స్ తొలగింపు చర్య తీసుకోవచ్చని కూడా ఆయన అన్నారు. ఇప్పుడు 1100 మంది ఉద్యోగులను తొలగించడంతో పాటు కంపెనీలో ఖాళీగా ఉన్న వందలాది ఉద్యోగాలను కూడా తొలగిస్తామని ఆయన చెప్పారు. ప్రపంచవ్యాప్తంగా స్టార్‌బక్స్‌లో దాదాపు 16,000 మంది ఉద్యోగులు పనిచేస్తున్నారు. ఈ కంపెనీకి ప్రపంచవ్యాప్తంగా 80 దేశాలలో 36,000 కంటే ఎక్కువ స్టోర్స్ ఉన్నాయి.

తొలగింపుల ప్రభావం ఉండదు.
నివేదిక ప్రకారం, స్టార్‌బక్స్ సీఈఓ బ్రియాన్ నికోల్ తొలగింపులకు సంబంధించి విడుదల చేసిన తన లేఖలో మరింత సమర్థవంతంగా పనిచేయడం, అకౌంటబిలిటీ పెంచడం, సంక్లిష్టతను తగ్గించడం, మెరుగైన ఇంటిగ్రేషన్ ప్రోత్సహించడం మా ఉద్దేశ్యం అని స్పష్టం చేశారు. ఈ దృష్ట్యా వర్క్ ఫోర్స్ తగ్గించడానికి చర్యలు తీసుకుంటున్నారు, అయితే ఈ తోలగింపులు మేకింగ్ అండ్ వేర్ హౌస్ సంబంధిత సిబ్బందిని ప్రభావితం చేయదు. దీనితో పాటు, ఈ తొలగింపుల బాధిత ఉద్యోగులు మే 2, 2025 వరకు జీతం ఇంకా ఇతర బెనిఫిట్స్ పొందుతారు.

భారతదేశంలో స్టార్‌బక్స్
భారతదేశంలో స్టార్‌బక్స్'కి కూడా పెద్ద వ్యాపారాన్ని ఉంది. ఈ కంపెనీ దేశంలోని టాటా గ్రూప్ కంపెనీ అయిన టాటా కన్స్యూమర్ ప్రొడక్ట్స్‌తో జాయింట్ వెంచర్‌ను నడుపుతోంది. టాటా స్టార్‌బక్స్ భారతదేశంలో కాఫీహౌస్ చైన్ వ్యాపారాన్ని అక్టోబర్ 2012లో ప్రారంభించింది అలాగే వ్యాపారాన్ని విస్తరించడంపై నిరంతరం దృష్టి సారిస్తోంది. గత సంవత్సరం 2024 నాటికి ఇండియాలో 390 స్టోర్స్ ఉన్నాయి. ఇంకా 2028 నాటికి 1000 స్టోర్స్ ప్రారంభించాలని టార్గెట్ పెట్టుకుంది.