Srikanth venkatachary: రిలయన్స్ చీఫ్ ఫైనాన్షియల్ ఆఫీసర్‍గా శ్రీకాంత్ వెంకటాచారి

రిలయన్స్ ఇండస్ట్రీస్ లిమిటెడ్(Reliance) చీఫ్ ఫైనాన్షియల్ ఆఫీసర్ గా శ్రీకాంత్ వెంకటాచారి నియామకమయ్యారు. ఆయన జూన్ 1 నుంచి విధుల్లో చేరుతారు. ప్రస్తుతం చీఫ్ ఫైనాన్షియల్ ఆఫీసర్ గా అలోక్ అగర్వాల్ పని చేస్తున్నారు. ఆయన 2005 నుంచి ఈ పదవిలో కొనసాగుతున్నారు. వెంకటాచారి 14 సంవత్సరాల క్రితం రిలయన్స్‌లో చేరారు. ప్రస్తుతం జాయింట్ చీఫ్ ఫైనాన్షియల్ ఆఫీసర్‌గా పనిచేస్తున్నారు.

జాయింట్ CFOగా, అతను గత కొన్ని సంవత్సరాలుగా అగర్వాల్‌తో కలిసి పని చేశారు. గతంలో అతను సిటీ గ్రూప్‌లో పని చేశాడు. సిటీ గ్రూప్ లో ఫారెక్స్ ట్రేడింగ్, డెరివేట్‌లలో రెండు దశాబ్దాలు పనిచేశాడు. శ్రీకాంత్ 'అగర్వాల్ వారసత్వాన్ని ముందుకు తీసుకువెళ్లడానికి, సంస్థ భవిష్యత్తు అధ్యాయాలను స్క్రిప్ట్ చేయడంలో తన సామర్థ్యాన్ని నిరూపించుకున్నాడు' అని రిలయన్స్ తన పత్రికా ప్రకటనలో పేర్కొంది.