Spiecejet News: కళానిథి మారన్‌కు ఢిల్లీ హైకోర్టు భారీ షాక్.. ఈ పోటు తట్టుకోవడం కష్టమే..

Kalanithi Maran: ఎంతోకాలంగా సాగిన ఓ కేసులో ఎట్టకేలకు ప్రముఖ విమానయాన సంస్థ స్పైస్‌ జెట్ విజయం సాధించింది. దాని మాజీ ప్రమోటర్ కళానిధి మారన్ కు వ్యతిరేకంగా న్యాయస్థానం తీర్పునిచ్చింది. దీంతో ఎయిర్‌లైన్స్ తన కార్యచరణ ప్రణాళికను వెల్లడించింది.

తమ సంస్థ మాజీ ప్రమోటర్ కళానిధి మారన్ మరన్ మరియు KAL ఎయిర్‌వేస్ నుంచి 450 కోట్ల వాపసు కోరుతున్నట్లు లో కాస్ట్ క్యారియర్ స్పైస్‌ జెట్ ప్రకటించింది. ఢిల్లీ హైకోర్టు డివిజన్ బెంచ్ నుంచి తీర్పు తమకు అనుకూలంగా రావడం పట్ల హర్షం వ్యక్తం చేసింది. ఈ మేరకు స్టాక్ ఎక్స్ఛేంజ్ ఫైలింగ్‌ లో వివరాలు వెల్లడించింది.

గతంలో మారన్ మరియు అతని సంస్థకు ఎయిర్‌లైన్ 730 కోట్లు చెల్లించింది. ఇందులో అసలు 580 కోట్లు కాగా వడ్డీ 150 కోట్లు. కేసు విషయంలో ఎదురైన అనేక క్లిష్టమైన సమస్యలను ఎదుర్కొని కోర్టు నుంచి అనకూల తీర్పు వచ్చేందుకు స్పైస్‌జెట్ మరియు దాని ఛైర్మన్ అజయ్ సింగ్ ఎంతో కృషి చేసినట్లు తెలుస్తోంది. దీంతో నగదు వాపసు పొందడానికి మార్గం సుగమం అయినట్లు భావిస్తున్నారు.

జులై 31, 2023 నుంచి సింగిల్ జడ్జి ఉత్తర్వులను సవాలు చేస్తూ స్పైస్‌జెట్ పలు అప్పీళ్లను దాఖలు చేసింది. న్యాయమూర్తులు జస్టిస్ యశ్వంత్ వర్మ, జస్టిస్ రవీందర్ దూడేజాలతో కూడిన ఢిల్లీ హైకోర్టు డివిజన్ బెంచ్ మే 17న ఎట్టకేలకు నగదు వాపసుకు అనుమతించింది. మధ్యవర్తిత్వ తీర్పును సవాలు చేస్తూ దాఖలైన పిటిషన్‌ల పునఃపరిశీలన కేసు ఇప్పుడు సంబంధిత కోర్టుకు తిరిగి రావడం గమనార్హం.