WoW.. భారత స్టార్టప్ కంపెనీలో సౌతాఫ్రికా క్రికెటర్ ఎబి డివిలియర్స్ పెట్టుబడి..!

AB De Villiers: ఇప్పటికే కొన్ని స్టార్టప్ కంపెనీలు పెట్టుబడులు లేక తమ వ్యాపారాలను ముగించిన సంగతి తెలిసిందే. అయితే.. భారతీయ స్టార్టప్ కంపెనీలు ప్రస్తుతం కొత్త పుంతలు తొక్కుతున్నాయి. చాలా కాలం తర్వాత ఫండింగ్ వింటర్ ముగిసినట్లు పరిస్థితులను చూస్తుంటే అర్థమవుతోంది.

సౌత్ ఆఫ్రికా మాజీ క్రికెటర్ ఎబి డివిలియర్స్ Supply6 అనే స్టార్టప్ కంపెనీలో ఇన్వెస్ట్ చేశారు. బెంగళూరుకు చెందిన న్యూట్రిషన్ స్టార్టప్ క్రికెటర్ ఎంత పెట్టుబడి పెట్టారనే విషయాన్ని బయటకు వెల్లడించలేదు. అంతే కాకుండా AB డివిలియర్స్ కూడా సప్లై6లో బ్రాండ్ అంబాసిడర్‌గా చేరినట్లు బెంగళూరుకు చెందిన హెల్త్ ఫుడ్ బ్రాండ్ ప్రకటన తెలిపింది. ఆరోగ్యకరమైన జీవనాన్ని ప్రేరేపించే లక్ష్యంతో స్టార్టప్ ముందుకెళుతున్నట్లు వెల్లడించింది.

వాస్తవానికి ఈ కంపెనీని వైభవ్ భండారి, రాహుల్ జాకబ్ జనవరి 2019లో స్థాపించారు. సప్లై6 అనేది హెల్త్ ఫుడ్ అండ్ కన్వీనియన్స్ బ్రాండ్. స్టార్టప్ కంపెనీతో భాగస్వామ్యంపై మాజీ క్రికెటర్ AB డివిలియర్స్ వ్యాఖ్యానిస్తూ.. బ్రాండ్ వేగవంతమైన విస్తరణ ఆకట్టుకుంటుందని అన్నారు. కంపెనీ ఆరోగ్యకరమైన జీవనశైలిని ప్రోత్సహించే మిషన్‌కు మద్దతు ఇవ్వడానికి తాను ఆసక్తిగా ఉన్నానని పేర్కొన్నాడు.

ఎబి డివిలియర్స్ తన కెరీర్, ఆరోగ్యం రెండింటికీ డైనమిక్ విధానం కారణంగా బ్రాండ్‌కు అద్భుతమైన ఫిట్‌గా ఉన్నారని సహ వ్యవస్థాపకుడు రాహుల్ జాకబ్ అన్నారు. ఈ సహకారం మా వినియోగదారులతో అనుబంధాన్ని మెరుగుపరుస్తుందని విశ్వసిస్తున్నట్లు పేర్కొన్నారు. స్పోర్ట్స్ రంగంలో డివిలియర్స్ గౌరవప్రదమైన కీర్తి మా ఉత్పత్తులను అందించాలనే లక్ష్యంతో ఉన్న నమ్మకం, నాణ్యతకు ప్రపంచం అద్దం పడుతుందన్నారు.