బంగారం కొంటున్నారా? ఈ చిన్న రూల్స్ తెలియకపోతే మీ డబ్బులు బూడిదలో పోసిన పన్నీరే!

ఈ రోజుల్లో మార్కెట్ ఎప్పుడు ఎలా ఉంటుందో ఎవరూ ఊహించలేకపోతున్నారు. ఒకపక్క ద్రవ్యోల్బణం (ధరల పెరుగుదల), మరోపక్క షేర్ మార్కెట్ ఒడిదొడుకులు.. వీటన్నిటి మధ్య ఇన్వెస్టర్లకు, సామాన్యులకు ఒకే ఒక నమ్మకమైన ఆప్షన్ కనిపిస్తోంది. అదే బంగారం (Gold).

బ్రిటానియా బులియన్ సహ-వ్యవస్థాపకుడు , ప్రెసియస్ మెటల్స్ అనలిస్ట్ మాథ్యూ జోన్స్ ప్రకారం.. కేవలం 2025లోనే రాయల్ మింట్ ద్వారా గోల్డ్ బులియన్ కొనుగోళ్లు ఏకంగా 142 శాతం పెరిగాయి. దీన్నిబట్టే అర్థం చేసుకోవచ్చు, జనాలకి కంటికి కనిపించే ఆస్తిపై ఎంత నమ్మకం పెరుగుతుందో!
అయితే, బంగారం కొనడం అంటే ఏదో షాపుకెళ్లి నచ్చింది తెచ్చుకోవడం కాదు. దానికి ఒక పద్ధతి ఉంది. టాక్స్ సేవ్ చేసుకుంటూ, సురక్షితంగా బంగారం ఎలా కొనాలో ఇప్పుడు స్టెప్-బై-స్టెప్ చూద్దాం.

స్టెప్ 1: అసలు బంగారం ఎందుకు కొంటున్నారో తెలుసుకోండి

బంగారం అనేది రాత్రికి రాత్రి మిమ్మల్ని కోటీశ్వరులను చేసే షార్ట్ టర్మ్ ఇన్వెస్ట్‌మెంట్ కాదు. మీ సంపదను భద్రపరుచుకోవడానికి, రూపాయి వాల్యూ పడిపోతున్నప్పుడు మీ డబ్బు నష్టపోకుండా ఉండడానికి ఇదొక అద్భుతమైన మార్గం.

స్టెప్ 2 & 3: పేపర్ గోల్డ్ వద్దు.. ఫిజికల్ గోల్డ్ బెస్ట్

మార్కెట్లో కాయిన్స్, బిస్కెట్లు, ఈటీఎఫ్‌లు, డిజిటల్ గోల్డ్ ఇలా చాలా ఆప్షన్స్ ఉన్నాయి. కానీ చాలామంది ఫైనాన్షియల్ ప్రొడక్ట్స్ (పేపర్ గోల్డ్) వైపు వెళ్తుంటారు, దీనివల్ల థర్డ్ పార్టీ రిస్క్ ఉంటుంది. అదే మీ చేతిలో ఫిజికల్ గోల్డ్ (కాయిన్స్ లేదా బార్స్) ఉంటే ఆ నమ్మకమే వేరు. ఎలాంటి బ్యాంక్ సంక్షోభాలు వచ్చినా మీ బంగారం మీ దగ్గరే సేఫ్‌గా ఉంటుంది.

స్టెప్ 4 & 5: కాయిన్స్ Vs బార్స్.. టాక్స్ రూల్స్ ముఖ్యం

మీరు పెద్ద మొత్తంలో కొంటే గోల్డ్ బార్స్ (బంగారు బిస్కెట్లు) తక్కువ ప్రీమియం ధరకే రావచ్చు, కానీ యూకే టాక్స్ రూల్స్ ప్రకారం సావరిన్, బ్రిటానియా లాంటి కొన్ని లీగల్ కాయిన్స్‌కు క్యాపిటల్ గెయిన్స్ టాక్స్ (CGT) నుండి మినహాయింపు ఉంటుంది. పైగా కాయిన్స్ అయితే ఎప్పుడు పడితే అప్పుడు చిన్న మొత్తంలో సులువుగా అమ్ముకోవచ్చు.

స్టెప్ 6, 7 & 8: నమ్మకమైన డీలర్‌ను ఎంచుకోండి

బంగారం కొనేటప్పుడు అర్జెంటుగా కొనేయాలంటూ ప్రెజర్ పెట్టే కంపెనీల జోలికి వెళ్లకండి. మంచి రేటింగ్స్, రివ్యూస్ ఉండి, కస్టమర్లకి పూర్తి అవగాహన కల్పించే డీలర్ల దగ్గరే కొనండి. ఒకటికి రెండుసార్లు కన్సల్టెంట్లతో మాట్లాడి క్లారిటీ తెచ్చుకోండి.

స్టెప్ 9 & 10: దాచడం ఎలా? అమ్మడం ఎలా?

బంగారం కొనడానికి ముందే దాన్ని ఎక్కడ దాచాలో ప్లాన్ చేసుకోవాలి. ఇంట్లో దాచుకుంటే ఫీజులు ఉండవు కానీ సెక్యూరిటీ, ఇన్సూరెన్స్ రిస్క్ ఉంటుంది. అదే ప్రొఫెషనల్ వాల్ట్ స్టోరేజ్‌లో దాచితే సేఫ్, కానీ కొంత ఫీజు కట్టాలి. అన్నిటికంటే ముఖ్యంగా, ఫ్యూచర్‌లో దాన్ని ఎలా అమ్ముకోవాలి (ఎగ్జిట్ స్ట్రాటజీ), బై-బ్యాక్ ఆప్షన్స్ ఎలా ఉన్నాయో ముందే అడిగి తెలుసుకోవాలి.

చివరగా చెప్పేదేంటంటే.. బంగారం మార్కెట్ టైమింగ్ కంటే, మీరు కొనే విధానం కరెక్ట్‌గా ఉందో లేదో చూసుకోవడమే లాంగ్ టర్మ్ సక్సెస్‌కి అసలైన సీక్రెట్!