Bonus Shares: ఫ్రీ ఫ్రీ ఫ్రీ.. ఒక్క షేరు ఉంటే 9 షేర్లు ఇస్తున్న మల్టీబ్యాగర్ కంపెనీ..!

Free Shares: దేశీయ స్టాక్ మార్కెట్లలో ఒకపక్క ఐపీవోల కోలాహలం కొనసాగుతుంటే మరోపక్క కార్పొరేట్ కంపెనీలు తమ రెండవ త్రైమాసిక ఫలితాలను ప్రకటిస్తున్నాయి. ఈ క్రమంలో అనేక సంస్థలు తమ పెట్టుబడిదారులకు బోనస్ షేర్లు, డివిడెండ్ వంటి బహుమతులను ప్రకటిస్తున్న సంగతి తెలిసిందే.

ఇప్పుడు మనం మాట్లాడుకోబోతున్నది స్కై గోల్డ్ కంపెనీ షేర్ల గురించే. తాజాగా మల్టీబ్యాగర్ స్టాక్ తన పెట్టుబడిదారులకు బోనస్ షేర్లను అందించనున్నట్లు ప్రకటించటంతో కంపెనీ షేర్లలో ర్యాలీ నమోదైంది. ప్రధానంగా రత్నాలు, ఆభరణాల తయారీ రంగంలో పనిచేస్తున్న కంపెనీ షేర్లు బీఎస్ఈలో లిస్ట్ అయి ఉన్నాయి. కంపెనీ ఉచిత షేర్ల ప్రకటన తర్వాత స్టాక్ ధర ఇంట్రాడేలో 5 శాతం పెరగటంతో రూ.3606.05కి చేరుకున్నాయి. కంపెనీ అర్హులైన పెట్టుబడిదారులకు 9:1 ​​నిష్పత్తిలో బోనస్ షేర్ల జారీకి కంపెనీ బోర్డు ఆమోదం తెలిపింది. దీని ప్రకారం కంపెనీలో రికార్డు తేదీ నాటికి ఒక షేరుకు కలిగి ఉన్న ఇన్వెస్టర్లకు ఉచితంగా కంపెనీ 9 షేర్లను బహుకరించనుందని వెల్లడైంది.

కంపెనీ ప్రస్తుతం రెండోసారి తన ఇన్వెస్టర్లకు బోనస్ షేర్లను అందిస్తోంది. దీనికి ముందు 2022లో 1:1 నిష్పత్తిలో బోనస్ షేర్లను తొలిసారిగా ఇన్వెస్టర్లకు అందించింది. అప్పట్లో ఇన్వెస్టర్లు హోల్డ్ చేస్తున్న ప్రతి షేరుపై మరో షేరు ఇవ్వబడింది. వాస్తవానికి స్టాక్ లిక్విడిటీని పెంచడానికి, దాని ధరను తగ్గించడానికి కంపెనీ తన పెట్టుబడిదారులకు బోనస్ షేర్లను జారీ చేస్తోందని తెలుస్తోంది. బోనస్ షేర్లు అందించిన తర్వాత కంపెనీ షేర్లు పెట్టుబడిదారులకు మరింత అందుబాటు ధరలోకి రానున్నాయి. అలాగే దీర్ఘకాలిక పెట్టుబడిదారులకు స్కై గోల్డ్ కంపెనీ మల్టీబ్యాగర్ రాబడులను అందించింది.

గడచిన 5 ఏళ్ల కాలంలో స్టాక్ తన ఇన్వెస్టర్లకు 3600 శాతం మెగా రాబడిని అందించింది. నవంబర్ 6, 2019న రూ.90 వద్ద ఉన్న కంపెనీ షేర్లు ప్రస్తుతం ఒక్కోటి రూ.3,606.05కి చేరుకున్నాయి. అలాగే గత రెండేళ్ల కాలంలో 2000 శాతం కంటే ఎక్కువ రిటర్న్ పెట్టుబడిదారులు అందుకున్నారు. అలాగే గడచిన ఏడాది కాలంలో కంపెనీ షేర్లు 418% పైగా పెరుగుదలను చూశాయి. కంపెనీ ప్రస్తుతం దీనికి సంబంధించిన రికార్డు తేదీని మాత్రం ప్రకటించలేదు.

Note: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.