రిలయన్స్, టీసీఎస్ సహా 6 కంపెనీల రూ.1 లక్ష కోట్ల మార్కెట్ క్యాప్ ఆవిరి, ఇన్ఫోసిస్ అదుర్స్
భారత అతివిలువైన 10 కంపెనీల మార్కెట్ క్యాపిటలైజేషన్ గతవారం భారీగా క్షీణించింది. పది కంపెనీల్లో ఆరింటి మార్కెట్ క్యాప్ రూ.1,02,779.4 కోట్లు తగ్గింది. నాలుగు కంపెనీల మార్కెట్ క్యాప్ పెరిగింది. గతవారం భారీగా నష్టపోయిన కంపెనీల్లో రిలయన్స్ ఇండస్ట్రీస్ ముందు ఉంది. వారంలో సెన్సెక్స్ 526.51 పాయింట్లు లేదా 1.29 శాతం మేర నష్టపోయింది. గురువారం సెన్సెక్స్ వెయ్యి పాయింట్లకు పైగా నష్టపోయిన విషయం తెలిసిందే. శుక్రవారం స్వల్పంగా కోలుకుంది.
దేశంలో ఫస్ట్ టైం డిజిటల్ క్రెడిట్ కార్డు... రూ.2 లక్షల వరకు వెంటనే రుణం
రిలయన్స్, టీసీఎస్ ఎం-క్యాప్ డౌన్
రిలయన్స్ ఇండస్ట్రీస్, టాటా కన్సల్టెన్సీ సర్వీసెస్(TCS), హెచ్డీఎఫ్సీ బ్యాంకు, ఐసీఐసీఐ బ్యాంకు, హెచ్సీఎల్ టెక్నాలజీస్, భారతీ ఎయిర్టెల్ కంపెనీల మార్కెట్ క్యాప్ క్షీణించింది.
హిందూస్తాన్ యూనీలీవర్ లిమిటెడ్, ఇన్ఫోసిస్, హెచ్డీఎఫ్సీ, కొటక్ మహీంద్ర బ్యాంకుల మార్కెట్ క్యాపిటలైజేషన్ పెరిగింది.
రిలయన్స్ ఇండస్ట్రీస్ మార్కెట్ క్యాప్ రూ.39,355.06 కోట్లు క్షీణించి రూ.14,71,081.28 కోట్లుగా ఉంది. దీంతో రూ.15 లక్షల కోట్ల కిందకు దిగి వచ్చింది.
టీసీఎస్ మార్కెట్ క్యాప్ రూ.19,681.25 తగ్గి రూ.10,36,596.28 కోట్లుగా ఉంది.
హెచ్డీఎఫ్సీ బ్యాంకు ఎం-క్యాప్ రూ.19,097.85 కోట్లు తగ్గి రూ.6,59,894.13 కోట్లుగా ఉంది.
భారతీ ఎయిర్టెల్ మార్కెట్ క్యాప్ రూ.12,875.11 క్షీణించి రూ.2,19,067.91 కోట్లు నమోదయింది.
హెచ్సీఎల్ టెక్ మార్కెట్ క్యాప్ రూ.7,842.49 పడిపోయి రూ.2,24,447.24 కోట్లుగా ఉంది.
ఐసీఐసీఐ బ్యాంకు మార్కెట్ క్యాప్ రూ.3,927.64 కోట్లు క్షీణించి రూ.2,73,075.43 కోట్లుగా ఉంది.
ఈ కంపెనీల మార్కెట్ క్యాప్ అప్
దేశీయ రెండో ఐటీ దిగ్గజం ఇన్ఫోసిస్ మార్కెట్ క్యాపిటలైజేషన్ రూ.8,540.12 కోట్లు పెరిగి రూ.4,80,291.25 కోట్లు నమోదయింది.
కొటక్ మహీంద్ర బ్యాంకు మార్కెట్ క్యాప్ రూ.3,290.64 కోట్లు పెరిగి రూ.2,64,555.97 కోట్లకు చేరుకుంది.
హిందూస్తాన్ యూనీలీవర్ లిమిటెడ్ ఎంక్యాప్ రూ.2,795.97 కోట్లు ఎగిసి రూ.5,05,330.81 కోట్లుగా నమోదయింది.
హెచ్డీఎఫ్సీ మార్కెట్ క్యాప్ రూ.502 కోట్లు పెరిగి రూ.3,51,986.24 కోట్లుగా ఉంది.
టాప్ 10 కంపెనీలు
మార్కెట్ క్యాపిటలైజేషన్ పరంగా రిలయన్స్ ఇండస్ట్రీస్ మొదటి స్థానంలో నిలిచింది. ఇటీవలే రూ.10 లక్షల కోట్లను దాటిన టీసీఎస్ రెండో స్థానంలో కొనసాగుతోంది. ఆ తర్వాత హెచ్డీఎఫ్సీ బ్యాంకు, హెచ్యూఎల్, ఇన్ఫోసిస్, హెచ్డీఎఫ్సీ, ఐసీఐసీఐ బ్యాంకు, కొటక్ మహీంద్ర బ్యాంకు, హెచ్సీఎల్ టెక్నాలజీస్, భారతీ ఎయిర్ టెల్ ఉన్నాయి.
ఇన్ఫోసిస్ ఇటీవలే రూ.5 లక్షల కోట్ల మార్కెట్ క్యాపిటలైజేషన్ను దాటింది. అయితే ఆ తర్వాత ఆ మార్క్ కిందకు దిగి వచ్చింది.