10 కంపెనీల్లో ఆరింటి వ్యాల్యూ రూ.74,240 కోట్లు జూమ్, పడిపోయిన ఇన్ఫోసిస్, హెచ్‌డీఎఫ్‌సీ ఎం-క్యాప్

మోస్ట్ వ్యాల్యూడ్ టాప్ 10లోని ఆరు కంపెనీల మార్కెట్ క్యాపిటలైజేషన్ గతవారం రూ.72,240 కోట్ల మేర పెరిగింది. ఆదాయంలో ముఖేష్ అంబానీ నేతృత్వంలోని రిలయన్స్ ఇండస్ట్రీస్ ముందు నిలిచింది. గత వారం రిలయన్స్‌తో పాటు టీసీఎస్, హెచ్‌డీఎఫ్‌సీ బ్యాంకు, భారతీ ఎయిర్‌టెల్, ఐటీసీ, ఐసీఐసీఐ బ్యాంకుల మార్కెట్ క్యాప్ పెరిగింది. హిందూస్తాన్ లీవర్ లిమిటెడ్, ఇన్ఫోసిస్, హెచ్‌డీఎఫ్‌సీ, కొటక్ మహీంద్రా బ్యాంకు ఎం-క్యాప్ తగ్గింది.

ఏ కంపెనీ ఎం-క్యాప్ ఎంత పెరిగిందంటే?

- రిలయన్స్ ఇండస్ట్రీస్ మార్కెట్ క్యాపిటలైజేషన్ రూ.50,556.75 కోట్లు పెరిగి రూ.13,60,879.96 లక్షల కోట్లుగా నిలిచింది.

- ఐసీఐసీఐ బ్యాంకు ఎం-క్యాప్ రూ.7,092.05 కోట్లు పెరిగి రూ.2,31,751.90కోట్లకు చేరుకుంది.

- హెచ్‌డీఎఫ్‌సీ బ్యాంకు వ్యాల్యూ రూ.6,241.63 కోట్లు పెరిగి రూ.5,74,119.37 కోట్లుగా ఉంది.

- టెక్ దిగ్గజం టీసీఎఎస్ మార్కెట్ క్యాపిటలైజేషన్ రూ.4,690.48 కోట్లు పెరిగి రూ.8,61,153.53 కోట్లకు చేరుకుంది.

- భారతీ ఎయిర్‌టెల్ ఎం-క్యాప్ రూ.3,136.95 కోట్లు పెరిగి రూ.3,05,838.55 కోట్లుగా నమోదయింది.

- ఐటీసీ ఎం-క్యాప్ రూ.2,522.24 కోట్లు పెరిగి రూ.2,41,182.98 కోట్లుగా ఉంది.

ఏ కంపెనీ ఎం-క్యాప్ ఎంత తగ్గింది?

- ఇన్పోసిస్ మార్కెట్ క్యాపిటలైజేషన్ రూ.6,601.91 కోట్ల మేర తగ్గి రూ.4,04,952.60 కోట్లుగా ఉంది.

- కొటక్ మహీంద్రా బ్యాంకు ఎం-క్యాప్ రూ.5,016.44 పడిపోయి రూ.2,65,584.08 కోట్లకు పరిమితమైంది.

- హెచ్‌డీఎఫ్‌సీ మార్కెట్ క్యాప్ రూ.849.96 కోట్లు తగ్గి రూ.3,08,404.13 కోట్లుగా ఉంది.

- హిందూస్తాన్ యూనీ లీవర్ లిమిటెడ్ మార్కెట్ క్యాపిటలైజేషన్ రూ.505.15 కోట్లు తగ్గి రూ.5,19,426.78 కోట్లకు పరిమితమైంది.

టాప్ 10 కంపెనీలు వరుసగా..

గత వారం బీఎస్ఈ సెన్సెక్స్ 433.68 పాయింట్లు లేదా 1.15 శాతం ఎగిసింది. మార్కెట్ క్యాపిటలైజేషన్ పరంగా రిలయన్స్ ఇండస్ట్రీస్ మొదటి స్థానాన్ని నిలబెట్టుకుంటోంది.

రిలయన్స్ తర్వాత వరుసగా టీసీఎస్, హెచ్‌డీఎఫ్‌సీ బ్యాంకు, హిందూస్తాన్ యూనీ లీవర్, ఇన్ఫోసిస్, హెచ్‌డీఎఫ్‌సీ, భారతీ ఎయిర్‌టెల్, కొటక్ మహీంద్ర బ్యాంకు, ఐటీసీ, ఐసీఐసీఐ బ్యాంకు ఉన్నాయి.