ఒక్కరోజులో వేల కోట్లు పోగొట్టుకున్న హెచ్‌సిఎల్ ఛైర్మన్.. కానీ ఆయన వన్ డే విరాళం రూ.5.9 కోట్లు.. వావ్!!

భారతదేశంలో ముఖేష్ అంబానీ, గౌతమ్ అదానీ వంటి చాలా మంది బిలియనీర్లు ప్రపంచపు అత్యంత సంపన్నుల లిస్టులో చోటు దక్కించుకున్నారు. అయితే శివ్ నాడార్ మాత్రం దాతృత్వానికి అతీతంగా నిలిచే వ్యాపారవేత్త. శివ్ నాడార్ హెచ్‌సిఎల్ టెక్ ఛైర్మన్. తాజాగా హెచ్‌సిఎల్ టెక్ కంపెనీ షేరు ధర పడిపోవడంతో శివ నాడార్ మొత్తం సంపద విలువ కూడా భారీగా క్షీణించింది. దింతో 14 జనవరి మంగళవారం రోజున అతని సంపద విలువ రూ.46,485 కోట్లకు తగ్గింది.

హెచ్‌సిఎల్ టెక్ షేరు ధర 9% తగ్గడంతో శివ్ నాడార్ సంపద విలువ కూడా భారీగా క్షీణించింది. దేశంలోని అతిపెద్ద ఐటీ కంపెనీల్లో ఒకటైన హెచ్‌సిఎల్ టెక్ డిసెంబర్ 2024 త్రైమాసిక ఫలితాలను ప్రకటించిన తర్వాత షేర్లు పడిపోయాయి. షేర్ మార్కెట్ ఆశించిన స్థాయిలో బిజినెస్ గ్రోత్ లేకపోవడమే ఇందుకు ప్రధాన కారణం.

మంగళవారం జనవరి 14న BSEలో షేరు ధర 8.63% తగ్గి రూ.1,813.95కి చేరుకుంది. నిన్నటి ట్రేడింగ్‌లో ఈ షేరు 9.41%గా క్షీణించి రూ.1,798.40కి చేరుకుంది. నేషనల్ స్టాక్ ఎక్స్ఛేంజీలో ఈ షేరు 8.51 శాతం పడిపోయి రూ.1,819.95 వద్ద ముగిసింది. దీనితో BSE అండ్ NSEలలో లిస్టెడ్ కంపెనీలలో HCL టెక్నాలజీస్ అతిపెద్ద క్షీణత నమోదు చేసింది. దీంతో కంపెనీ మార్కెట్ విలువ రూ.4,92,245.28 కోట్లకు పడిపోయింది. బుధవారం ఉదయం షేర్లలో స్వల్ప పెరుగుదల తర్వాత, హెచ్‌సిఎల్ మార్కెట్ క్యాప్ రూ.4,92,475 కోట్లకు పెరిగింది. ఇంత భారీ తగ్గుదల ఉన్నప్పటికీ ఫోర్బ్స్ నివేదిక ప్రకారం శివ నాడార్ రియల్-టైం మొత్తం సంపద విలువ 39.4 బిలియన్ డాలర్లు అంటే సుమారు రూ. 3,40,793 కోట్లు.

79 సంవత్సరాల వయస్సుగల శివ్ నాడార్ కేవలం టెక్ మాగ్నెట్ మాత్రమే కాదు, భారతదేశ అత్యంత ఉదారమైన పరోపకారి కూడా. నవంబర్‌లో విడుదల చేసిన EdelGive-Hurun ఇండియా ఫిలాంత్రోపీ లిస్టులో 2024 ప్రకారం అతను FY 2024లో ప్రతి రోజు రూ. 5.9 కోట్లకు సమానమైన రూ. 2,153 కోట్లను విరాళంగా ఇచ్చాడు. అతను భారతదేశ అత్యంత ఉదారమైన పరోపకారిగా గుర్తింపు పొందడం ఐదేళ్లలో ఇది మూడోసారి.

స్టాక్ మార్కెట్ అస్థిరత ఫలితంగా హెచ్‌సిఎల్ టెక్ వాల్యుయేషన్‌లో తాత్కాలికంగా తగ్గుదల ఏర్పడినప్పటికీ, భారతదేశ ఐటి రంగానికి శివ్ నాడార్ చేసిన కృషి ఇంకా అతని దాతృత్వ సేవల కారణంగా అతనిని నిజమైన మార్గదర్శకుడిగా అలాగే భవిష్యత్ తరాలకు రోల్ మోడల్‌గా నిలిపింది.