క్యూ3 ఫలితాలకు ముందే చెల్లాచెదురుగా కంపెనీ షేర్లు.. క్రికెటర్ సహా హీరోయిన్ భారీగా పెట్టుబడి..

తాజాగా దిగ్గజ కంపెనీలు ప్రకటిస్తున్న అక్టోబర్-డిసెంబర్ త్రైమాసిక ఫలితాల ప్రభావం స్టాక్ మార్కెట్ పై స్పష్టంగా కనిపిస్తోంది. ఈ వారంలో మూడవ ట్రేడింగ్ రోజున బుధవారం చాలా పెద్ద కంపెనీలు క్యూ3 ఫలితాలను ప్రకటించనున్నాయి అయితే దానికి ముందే వాటిలో కొన్ని కంపెనీల షేర్లు ఊపందుకోగా, కొన్ని భారీ క్షీణతను చూస్తున్నాయి.

ఇక బీమా రంగ సంస్థ గో డిజిట్ గురించి మాట్లాడినట్లయితే త్రైమాసిక ఫలితాల ప్రకటనకు ముందే ఈ కంపెనీ స్టాక్‌లో భారీ క్షీణత కనిపిస్తోంది. ఈ కంపెనీలో టీమిండియా మాజీ కెప్టెన్ విరాట్ కోహ్లీ, అతని భార్య బాలీవుడ్ నటి అనుష్క శర్మ కూడా కోట్లలో పెట్టుబడి పెట్టారు.

గత ఏడాది మే నెలలో స్టాక్ మార్కెట్‌లోకి ప్రవేశించిన బీమా రంగ సంస్థ గో డిజిట్ ఇన్సూరెన్స్ ఈరోజు డిసెంబర్ త్రైమాసిక ఫలితాలను ప్రకటించబోతోంది. అయితే వీటిని ప్రకటించకముందే కంపెనీ షేర్లు చెల్లాచెదురు అయ్యాయి. బుధవారం ఉదయం స్టాక్ మార్కెట్‌లో ట్రేడింగ్ ప్రారంభంలో గో డిజిట్ షేర్ రూ. 295.05 వద్ద ప్రారంభమైంది, కానీ ఓపెన్ అయిన వెంటనే స్టాక్ పతనం ప్రారంభమైంది అలాగే కొద్దీ సేపటి క్రితం చూస్తే దాదాపు 4 శాతానికి పైగా పడిపోయింది. మధ్యాహ్నం 1 గంటకు షేర్ ధర రూ. 277.40 పడిపోయింది. షేర్ల విభజన ప్రభావం కంపెనీ మార్కెట్ క్యాపిటల్‌పై కూడా కనిపించి రూ.25,900 కోట్లకు పడిపోయింది.

విరాట్-అనుష్క భారీ పెట్టుబడి:
టీమిండియా దిగ్గజం విరాట్ కోహ్లీ కూడా గో డిజిట్‌లో భారీగా పెట్టుబడులు పెట్టాడు. నివేదికల ప్రకారం, విరాట్ కోహ్లీ ఫిబ్రవరి 2020 నెలలో కంపెనీలో 2,66,667 స్టాక్‌లను ఒక్కో షేరుకు రూ.75 చొప్పున కొనుగోలు చేశారు. విరాట్ కోహ్లీతో పాటు అతని భార్య అనుష్క శర్మ కూడా ఇందులో పెట్టుబడి పెట్టగా, అనుష్క శర్మ కూడా ఒక్కో షేరుకు రూ.75 చొప్పున కంపెనీ షేర్లలో రూ.50 లక్షలు పెట్టుబడి పెట్టి 66,667 షేర్లను కొనుగోలు చేసింది.

మేలో లిస్ట్ అయిన కంపెనీ షేర్లు
గో డిజిట్ కంపెనీ IPO 15 మే 2024న ఓపెన్ అయ్యింది అలాగే మే 17 వరకు పెట్టుబడిదారులు ఇందులో డబ్బును పెట్టుబడి పెట్టారు. దీని తర్వాత, కంపెనీ షేర్ల లిస్టింగ్ 23 మే 2024న 5 శాతం ప్రీమియంతో జరిగింది. కంపెనీ IPO కింద షేర్ల గరిష్ట ధరను రూ. 272గా నిర్ణయించింది ఇంకా నేషనల్ స్టాక్ ఎక్స్ఛేంజ్ (NSE)లో 5 శాతం ప్రీమియంతో ఒక్కో షేరుకు రూ. 286 చొప్పున లిస్టింగ్ చేసింది. గో-డిజిట్ కంపెనీ IPO సైజ్ రూ. 2,614.65 కోట్లు.

IPO పెట్టుబడిదారుల నుండి స్పందన
గో డిజిట్ కంపెనీ IPO పెట్టుబడిదారుల స్పందన గురించి మాట్లాడినట్లయితే, మే 17న ముగిసే వరకు మొత్తం సబ్‌స్క్రిప్షన్‌ 9.60 రెట్లు. వివిధ వర్గాల వివరాలను పరిశీలిస్తే, QIB గరిష్ట వాటా 12.56 రెట్లు సబ్‌స్క్రిప్షన్‌ పొందింది. దీని తర్వాత NII కేటగిరీ 7.24 రెట్లు సబ్‌స్క్రిప్షన్‌ను పొందగా, రిల్‌టైల్ విభాగం 4.27 రెట్లు సబ్‌స్క్రిప్షన్‌ను పొందింది.