UPI Payments: అలా చేసే యూపీఐ పేమెంట్లకు ఎలాంటి ఛార్జీలు ఉండవు..!

అక్టోబర్ 15, 2026 నుంచి రూ.2 వేలు దాటిన యూపీఐ పేమెంట్లపై ఎండీఆర్ ఛార్జీలు వసూలు చేయనున్నారు. వ్యాపారులు చేసే కొన్ని యూనిఫైడ్ పేమెంట్ ఇంటర్‌ఫేస్ (UPI) లావాదేవీలకు కొత్త 'మర్చంట్ డిస్కౌంట్ రేట్' (MDR) విధానం వర్తిస్తుంది. MDR ఛార్జీలు ఎంపిక చేసిన వ్యాపారి లావాదేవీలకు మాత్రమే వర్తించనున్నాయి. అయితే కొన్నింటికి ఎండీఆర్ ఛార్జీల నుంచి మినహాయింపు ఇచ్చారు. MDR ఛార్జీల నుంచి మినహాయింపు పొందే కొన్ని లావాదేవీలు పరిశీలించినట్లయితే.. వ్యక్తి-నుంచి-వ్యక్తికి (P2P) చేసే యూపీఐ పేమెంట్లపై ఎలాంటి ఛార్జీ ఉండదు. స్నేహితులు, కుటుంబ సభ్యులకు నేరుగా (వ్యక్తి నుంచి వ్యక్తికి) డబ్బు పంపడం వల్ల ఎలాంటి ఛార్జీలు చెల్లించాల్సిన అవసరం లేదు.

UPI ద్వారా మీ బ్యాంక్ ఖాతాకు నిధులను స్వీకరించడం వల్ల కూడా ఛార్జీలు ఉండవు. వీధి వ్యాపారులతో సహా చిన్న వ్యాపారులు 'పర్సన్-టు-పర్సన్-మర్చంట్' (P2PM) వర్గం కింద UPI QR కోడ్‌ల ద్వారా నెలకు రూ. 1 లక్ష వరకు స్వీకరించే లావాదేవీలపై ఎటువంటి MDR ఉండదు. రూ. 2,000 వరకు జరిగే అన్ని 'పర్సన్-టు-మర్చంట్' (P2M) లావాదేవీలకు MDR నుంచి మినహాయింపు ఉంటుంది.
సాధారణ వ్యాపారుల వద్ద రూ. 2,000 లోపు వస్తువులను కొనడం ఉచితంగానే ఉంటుంది. అయితే రూ. 2,000 దాటితే, 0.4% రుసుమును వ్యాపార సంస్థ చెల్లించాల్సి ఉంటుంది. ఆటో పే లేదా బిల్లు చెల్లింపులను సెటప్ చేయడం MDR ఛార్జీల ఉండవు. ఓటీటీలు, ఇతర బిల్లులు ఆటో పెట్టుకుంటే వాటికి ఛార్జీలు వర్తించవు.

రైల్వేలు, టెలికమ్యూనికేషన్స్, బీమా, ఇంధనం, వ్యవసాయ సంబంధిత వనరుల వంటి అత్యవసర, తక్కువ లాభాల మార్జిన్ ఉన్న రంగాలలో రూ. 2,000 లోపు జరిగే లావాదేవీలకు MDR వర్తించదు.
వ్యాపారులు MDR ఛార్జీలను వినియోగదారులపై వేయకుండా చూసుకోవాలని బ్యాంకులకు సూచించింది కేంద్రం. యూపీఐ అప్లికేషన్ ప్రొవైడర్లు ప్లాట్‌ఫారమ్ ఫీజులు లేదా దాచిన ఛార్జీలను విధించకుండా స్పష్టంగా నిషేధించారు. వ్యక్తులు ఎటువంటి నెలవారీ కోటాలు, పరిమాణ పరిమితులు లేదా ఉచిత UPI లావాదేవీలపై శ్రేణుల వారీ పరిమితులు లేకుండా అపరిమిత ఉచిత వినియోగాన్ని కొనసాగించవచ్చు.

లావాదేవీ స్వభావాన్ని బట్టి, బ్యాంకులు, నేషనల్ పేమెంట్స్ కార్పొరేషన్ ఆఫ్ ఇండియా (NPCI) నిర్దేశించిన రోజువారీ లావాదేవీ పరిమితులు సాధారణంగా రూ. 1 లక్ష నుంచి రూ. 5 లక్షల వరకు ఉంటాయి. సాధారణ వ్యక్తి-నుంచి-వ్యక్తికి (P2P) బదిలీల కోసం UPI రోజువారీ లావాదేవీ పరిమితి రూ. 1 లక్షగా ఉంటుంది. కొత్త వినియోగదారుల విషయంలో ఖాతా తెరిచిన మొదటి 24 గంటల వరకు ఈ పరిమితి రూ. 5,000గా ఉంటుంది. వైద్యం, ఆసుపత్రులకు ఒక్కో లావాదేవీకి రూ. 5 లక్షల వరకు పరిమితి ఉంది. విద్యా సంస్థల్లో ఒక్కో లావాదేవీకి రూ. 5 లక్షల వరకు పరిమితి ఉంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.