సెప్టెంబర్‌లో బ్యాంకులు 14 రోజులు బంద్.. రాష్ట్రాల వారీగా పూర్తి హాలిడే లిస్ట్ ఇదే..

September 2026 Bank Holiday List: సెప్టెంబర్ నెలలో అనేక జాతీయ, ప్రాంతీయ పండుగలు రానుండటంతో దేశవ్యాప్తంగా వివిధ రాష్ట్రాల్లో బ్యాంకులకు పలు రోజులు సెలవులు ఉండనున్నాయి. రిజర్వ్ బ్యాంక్ ఆఫ్ ఇండియా (RBI) విడుదల చేసిన సెలవుల క్యాలెండర్ ప్రకారం.. వివిధ నగరాలు, రాష్ట్రాలను బట్టి ఈ మూసివేత దినాలు వేర్వేరుగా ఉంటాయి. అందువల్ల బ్యాంకింగ్ పనుల కోసం వెళ్లే వినియోగదారులు తమ స్థానిక శాఖల సెలవు వివరాలను ముందే సరిచూసుకోవడం అవసరం.

ఒక ప్రాంతంలో బ్యాంకులు మూసివేసి ఉన్నంత మాత్రాన దేశవ్యాప్తంగా సేవలు నిలిచిపోవని, అలాగే సాధారణ సెలవులైన అన్ని ఆదివారాలు, నెలలోని రెండవ, నాల్గవ శనివారాల్లో కూడా బ్యాంకులు పనిచేయవని స్పష్టం చేశారు. రిజర్వు బ్యాంక్ ఆఫ్ ఇండియా (RBI) నిబంధనల ప్రకారం ప్రతినెలలో వచ్చే అన్ని ఆదివారాలు, అలాగే రెండవ, నాల్గవ శనివారాలు బ్యాంకులకు సాధారణ వారాంతపు సెలవు దినాలుగా వర్తిస్తాయి.

ఈ క్రమంలో రాబోయే సెప్టెంబర్ నెలలో నాలుగు ఆదివారాలు మరియు రెండు శనివారాలు కలుపుకొని మొత్తం 6 రోజులు వారాంతపు సెలవులుగా రానున్నాయి. వీటితో పాటు వివిధ జాతీయ, ప్రాంతీయ పండుగ సెలవులు తోడవడంతో సెప్టెంబర్ నెలలో మొత్తం బ్యాంకు సెలవుల సంఖ్య 14 రోజులకు చేరింది.

Also Read

మార్కెట్ సెలవు రోజున మీ SIP డబ్బులు కట్ అయ్యాయా? ఆందోళన వద్దు, అసలు విషయం ఇదే!

సెప్టెంబర్ నెల వారాంతపు సెలవుల వివరాలు:
సెప్టెంబర్ 6: మొదటి ఆదివారం

సెప్టెంబర్ 12: రెండవ శనివారం

సెప్టెంబర్ 13: రెండవ ఆదివారం

సెప్టెంబర్ 20: మూడవ ఆదివారం

సెప్టెంబర్ 26: నాల్గవ శనివారం

సెప్టెంబర్ 27: నాల్గవ ఆదివారం

సెప్టెంబర్ నెల బ్యాంకు సెలవుల వివరాలు:

సెప్టెంబర్ 4 (జన్మాష్టమి): తెలంగాణ, ఆంధ్రప్రదేశ్, తమిళనాడు, కేరళ, కర్ణాటక, గుజరాత్, ఒడిశా, రాజస్థాన్, ఉత్తరప్రదేశ్, పశ్చిమ బెంగాల్, బీహార్, మధ్యప్రదేశ్ తదితర రాష్ట్రాల్లో మూసివేత.
సెప్టెంబర్ 11: జైపూర్ మున్సిపల్ కార్పొరేషన్ ఎన్నికల కారణంగా రాజస్థాన్‌లో బ్యాంకులకు సెలవు.
సెప్టెంబర్ 12: శ్రీమంత శంకరదేవుని తిరుభావ తిథి సందర్భంగా అస్సాంలో మూసివేత.
సెప్టెంబర్ 14 (వినాయక చతుర్థి): ఆంధ్రప్రదేశ్, తెలంగాణ, మహారాష్ట్ర, కర్ణాటక, తమిళనాడు, గుజరాత్, ఒడిశా, గోవాలలో బ్యాంకులు మూసివేయబడతాయి.
సెప్టెంబర్ 15: సంవత్సరి, నువాఖై, గణేష్ చతుర్థి రెండవ రోజు సందర్భంగా గుజరాత్, ఒడిశా, గోవాలలో సెలవు.
సెప్టెంబర్ 21: శ్రీమంత శంకరదేవ్ జయంతి, శ్రీ నారాయణ గురు సమాధి దినోత్సవం సందర్భంగా అస్సాం, కేరళలలో మూసివేత.
సెప్టెంబర్ 22 (కర్మ పూజ): జార్ఖండ్‌లో బ్యాంకు శాఖలకు సెలవు.
సెప్టెంబర్ 23: మహారాజా హరి సింగ్ జీ జన్మదినోత్సవం సందర్భంగా జమ్మూ కాశ్మీర్‌లో బ్యాంకులు మూసివేత.
సెప్టెంబర్ 25 (ఇంద్రజాతర): సిక్కింలో బ్యాంకులకు సెలవు.

డిజిటల్ బ్యాంకింగ్ సేవలు అందుబాటులోనే... బ్యాంకు శాఖలు మూసివేసినప్పటికీ, వినియోగదారులకు సాంప్రదాయ బ్యాంకింగ్ సేవలకు ఇబ్బంది కలగకుండా డిజిటల్ నెట్‌వర్క్ అందుబాటులో ఉంటుంది. ఏటీఎం (ATM), యూపీఐ (UPI), ఇంటర్నెట్ బ్యాంకింగ్, మొబైల్ బ్యాంకింగ్ వంటి సేవలు యథావిధిగా పనిచేస్తాయి. బ్యాంకులు నిర్వహించే ముందస్తు సాంకేతిక లేదా సిస్టమ్ అప్‌డేషన్ సమయంలో మాత్రమే ఈ సేవలకు స్వల్ప అంతరాయం కలగవచ్చు. దరఖాస్తులు సమర్పించడం, ఖాతాల ధృవీకరణ, నగదు లేదా డాక్యుమెంట్ల ప్రత్యక్ష సమర్పణ వంటి నేరుగా బ్యాంకర్ సహాయం కావలసిన పనులు సెలవు రోజుల్లో సాధ్యపడవు.