టాప్ 10లోని ఏడు కంపెనీల మార్కెట్ క్యాప్ రూ.1.14 లక్షల కోట్లు డౌన్

స్టాక్ మార్కెట్ గత కొద్ది రోజులుగా తీవ్ర ఊగిసలాటలో ఉంది. గత వారం టాప్ 10 కంపెనీల్లోని ఏడు కంపెనీల మార్కెట్ క్యాపిటలైజేషన్ రూ.1,14,201.53 కోట్లు క్షీణించింది. భారీగా నష్టపోయిన వాటిలో హిందూస్తాన్ యూనీలీవర్ (HUL), HDFC బ్యాంకు, HDFC భారీగా నష్టపోయిన వాటిలో ఉన్నాయి. బీఎస్ఈ 30 సెన్సెక్స్ గతవారం 501 పాయింట్లు లేదా 0.86 శాతం నష్టపోయింది.

HDFC బ్యాంకు, ఐసీఐసీఐ బ్యాంకు, హిందూస్తాన్ యూనీలీవర్, స్టేట్ బ్యాంక్ ఆఫ్ ఇండియా, బజాజ్ ఫైనాన్స్, HDFC, భారతీ ఎయిర్‌టెల్ మార్కెట్ క్యాపిటలైజేషన్ తగ్గింది. కేవలం రిలయన్స్ ఇండస్ట్రీస్, టాటా కన్సల్టెన్సీ సర్వీసెస్, ఇన్ఫోసిస్ మార్కెట్ క్యాప్ మాత్రమే పెరిగింది.

హిందూస్తాన్ యూనీలీవర్ మార్కెట్ క్యాపిటలైజేషన్ రూ.34,785.7 కోట్లు క్షీణించి రూ.4,59,121.88 కోట్లకు పడిపోయింది. HDFC బ్యాంకు మార్కెట్ క్యాప్ రూ.26,891.57 కోట్లు తగ్గి రూ.7,93,855.60 కోట్లుగా ఉంది. HDFC బ్యాంకు మార్కెట్ క్యాప్ రూ.20,348.29 కోట్లు క్షీణించి రూ.4,17,511.38 కోట్లకు తగ్గింది.

భారీగా నష్టపోయిన వాటిలో ఐసీఐసీఐ బ్యాంకు రూ.14,372.87 కోట్లు క్షీణించి రూ.4,85,801.96 కోట్లకు, ఎస్బీఐ రూ.10,174.05 కోట్లు తగ్గి రూ.4,37,618.33 కోట్లకు క్షీణించింది. భారతీ ఎయిర్‌టెల్ మార్కెట ్క్యాప్ రూ.7,441.7 కోట్లు తగ్గి రూ.3,89,522.03 కోట్లకు క్షీణించింది. బజాజ్ ఫైనాన్స్ మార్కెట్ క్యాప్ రూ.187.35 కోట్లు తగ్గి రూ.4,22,138.56 కోట్లకు తగ్గింది.