సెన్సెక్స్ U టర్న్, భారీ నష్టాల్లో స్టాక్ మార్కెట్లు: బ్యాంకింగ్, మెటల్ అదుర్స్

ముంబై: దేశీయ స్టాక్ మార్కెట్లు గురువారం (18 ఫిబ్రవరి) మందకోడిగా ప్రారంభమయ్యాయి. ఆ తర్వాత నష్టాల్లోకి వెళ్లాయి. అయితే కొన్ని రంగాలు భారీ లాభాల్లో ఉన్నాయి. పీఎస్‌యూ బ్యాంకింగ్ సూచీ 4 శాతం లాభపడగా, మెటల్, ఐటీ, ఎనర్జీ సూచీలు 1 శాతం చొప్పున లాభపడ్డాయి. బైబ్యాక్ ఆమోదం నేపథ్యంలో గెయిల్ స్టాక్స్ 7 శాతం వరకు లాభపడ్డాయి. ఓఎన్జీసీ స్టాక్స్ 6.5 శాతం ఎగిశాయి.

సెన్సెక్స్ నిన్న కూడా భారీ నష్టాల్లో ముగిసింది. బడ్జెట్ అనంతరం వరుసగా లాభపడిన మార్కెట్లు, మధ్యలో రెండు మూడు సెషన్లలో దాదాపు స్థిరంగా ఉన్నాయి. నిన్న 400 పాయింట్లు నష్టపోయింది. ఇక, డాలర్ మారకంతో రూపాయి 72.76 వద్ద ట్రేడ్ అయింది. నిన్న 72.75 వద్ద క్లోజ్ అయింది.

400 పాయింట్లు డౌన్

సెన్సెక్స్ ఉదయం గం.9.16 సమయానికి 12.92 పాయింట్లు లేదా 0.02 శాతం నష్టపోయి 51,690.91 పాయింట్ల వద్ద, నిఫ్టీ 2.20 పాయింట్లు లేదా 0.01% క్షీణించి 15,206.70 పాయింట్ల వద్ద ట్రేడ్ అయింది. 862 షేర్లు లాభాల్లో, 346 నష్టాల్లో ప్రారంభం కాగా 61 షేర్లలో ఎలాంటి మార్పులేదు.

మధ్యాహ్నం గం.12.28 సమయానికి సెన్సెక్స్ 400 పాయింట్లు క్షీణించి 51,305 పాయిట్ల వద్ద ట్రేడ్ అయింది. నిఫ్టీ 92 పాయింట్లు క్షీణించి 15,117 పాయింట్ల వద్ ట్రేడ్ అయింది.

టాప్ గెయినర్స్, లూజర్స్

నేటి టాప్ గెయినర్స్ జాబితాలో గెయిల్ 7.74 శాతం, ONGC 7.58 శాతం,

IOC 4.00 శాతం, కోల్ ఇండియా 2.74 శాతం, ఏషియన్ పేయింట్స్ 2.68 శాతం లాభపడ్డాయి.

టాప్ లూజర్స్ జాబితాలోICICI బ్యాంకు 2.79 శాతం, కొటక్ మహీంద్రా బ్యాంకు 2.34 శాతం, HDFC 2.24 శాతం, శ్రీసిమెంట్స్ 2.27 శాతం, బజాజ్ ఫైనాన్స్ 2.18 శాతం నష్టపోయాయి.

మోస్ట్ యాక్టివ్ స్టాక్స్‌లో ఎస్బీఐ, గెయిల్, రిలయన్స్, ఐసీఐసీఐ బ్యాంకు, యాక్సిస్ బ్యాంకు ఉన్నాయి.

రిలయన్స్ ఇండస్ట్రీస్ స్టాక్ నేడు మరో 0.25 శాతం లాభపడి రూ.2,088 వద్ద ట్రేడ్ అయింది.

రంగాలవారీగా...

నిఫ్టీ 50 స్టాక్స్ 0.57 శాతం నష్టపోగా, నిఫ్టీ మిడ్ క్యాప్ 0.37 శాతం లాభపడ్డాయి.

రంగాలవారీగా చూస్తే నిఫ్టీ ఎనర్జీ 2.24 శాతం, నిఫ్టీ ఐటీ 0.44శాతం, నిఫ్టీ మెటల్ 1.21 శాతం, నిఫ్టీ పీఎస్‌యూ బ్యాంకు 5.47 శాతం లాభపడ్డాయి.

నిఫ్టీ ఆటో 0.93 శాతం, నిఫ్టీ బ్యాంకు 1.00 శాతం, నిఫ్టీ ఫైనాన్షియల్ సర్వీసెస్ 1.40 శాతం, నిఫ్టీ ఎఫ్ఎంసీజీ 0.23 శాతం, నిఫ్టీ మీడియా 0.45 శాతం, నిఫ్టీ ఫార్మా 0.46 శాతం, నిఫ్టీ రియాల్టీ 0.20 శాతం, నిఫ్టీ ప్రయివేటు బ్యాంకు 1.29 శాతం నష్టపోయాయి.