సెన్సెక్స్, నిఫ్టీ సరికొత్త రికార్డ్, రూ.2000 దాటిన రిలయన్స్: అన్ని రంగాలు అదర్స్

ముంబై: స్టాక్ మార్కెట్లు సోమవారం (డిసెంబర్ 28) భారీ లాభాల్లో ప్రారంభం అయ్యాయి. సెన్సెక్స్ ఉదయం 47,200 పాయింట్లకు పైగా ఓపెన్ అయింది. ఆ కాసేపటికి 47,300ను తాకింది. నిఫ్టీ 13,800కు పైన ట్రేడ్ అయింది. అమెరికా ప్యాకేజీ, అంతర్జాతీయ మార్కెట్ల సానుకూలత నేపథ్యంలో ఆసియా మార్కెట్లు, భారత సూచీలు మంచి లాభాల్లో ఉన్నాయి. హాంగ్‌కాంగ్, కోస్పి, జకర్తా, సింగపూర్, జపాన్ నిక్కీ స్టాక్స్ లాభాల్లో ఉన్నాయి. గత వారం బీఎస్ఈ సెన్సెక్స్ 12.85 శాతం లేదా 0.02 శాతం ఎగిసింది. శుక్రవారం మార్కెట్‌కు సెలవు రోజు. మొత్తం నాలుగు రోజులు మార్కెట్లు నడిచాయి.

మార్కెట్లు జంప్

ఆటో, బ్యాంక్, మెటల్, ఇన్ఫ్రా స్టాక్స్ భారీగా ఎగిసిపడటంతో సూచీలు పైపైకి చేరాయి. ఉదయం గం.9.16 సమయానికి సెన్సెక్స్ 314.32 పాయింట్లు (0.67%) లాభపడి 47287.86 పాయింట్ల వద్ద, నిఫ్టీ 94.50 పాయింట్లు (0.69%) ఎగిసి 13843.80 పాయింట్ల వద్ద క్లోజ్ అయింది.

1213 షేర్లు లాభాల్లో, 228 షేర్లు నష్టాల్లో ప్రారంభం కాగా, 77 షేర్లలో ఎలాంటి మార్పులేదు. ఉదయం గం.11 సమయానికి సెన్సెక్స్ 260 పాయింట్లు ఎగిసింది. నిఫ్టీ ఓ సమయంలో 13,860ను తాకింది. డాలర్ మారకంతో రూపాయి 73.52 వద్ద ఫ్లాట్‌గా ప్రారంభమైంది. గత వారం 73.54 వద్ద క్లోజ్ అయింది. డొమెస్టిక్ ఈక్విటీ మార్కెట్లో కొనుగోళ్లు కనిపించాయి.

టాప్ గెయినర్స్, లూజర్స్

నేటి టాప్ గెయినర్స్ జాబితాలో టాటా మోటార్స్ 3.89 శాతం, JSW స్టీల్ 2.62 శాతం, SBI లైఫ్ ఇన్సురెన్స్ 2.33 శాతం, HDFC లైఫ్ 2.24 శాతం, అదానీ పోర్ట్స్ 2.06 శాతం లాభాల్లో ఉన్నాయి.

టాప్ లూజర్స్ జాబితాలో HUL 0.42 శాతం, HCL టెక్ 0.26 శాతం, ఐచర్ మోటార్స్ 0.18 శాతం, బ్రిటానియా 0.22 శాతం, HDFC 0.05 శాతం నష్టపోయాయి.

నేటి మోస్ట్ యాక్టివ్ స్టాక్స్‌లో రిలయన్స్, టాటా మోటార్స్, బజాజ్ ఫైనాన్స్, ఎస్బీఐ, భారతీ ఎయిర్‌టెల్ ఉన్నాయి.

రంగాలవారీగా

రంగాలవారీగా నిఫ్టీ 50 స్టాక్స్ 0.58 శాతం, నిఫ్టీ మిడ్ క్యాప్ 1.35 శాతం లాభపడ్డాయి. నిఫ్టీ ఆటో 0.94 శాతం, నిఫ్టీ బ్యాంకు 1.03 శాతం, నిఫ్టీ ఎనర్జీ 0.64 శాతం, నిఫ్టీ ఫైనాన్షియల్ సర్వీసెస్ 0.85 శాతం, నిఫ్టీ ఎఫ్ఎంసీజీ 0.14 శాతం, నిఫ్టీ ఐటీ 0.14 శాతం, నిఫ్టీ మీడియా 0.89 శాతం, నిఫ్టీ మెటల్ 1.61 శాతం, నిఫ్టీ ఫార్మా 0.03 శాతం, నిఫ్టీ పీఎస్‌యూ బ్యాంకు 1.53 శాతం, నిఫ్టీ రియాల్టీ 3.02 శాతం, నిఫ్టీ ప్రయివేటు 1.15 శాతం లాభపడ్డాయి.