Stock Market: నష్టాల్లో ముగిసిన సెన్సెక్స్, నిఫ్టీ.. అసలు మార్కెట్లకు ఏమైంది..?

Market Closing: నిన్నటి భారీ నష్టాల నుంచి తేరుకుని లాభాల్లో ప్రయాణాన్ని ప్రారంభించాయి ఉదయం దేశీయ స్టాక్ మార్కెట్లు. అయితే ముందుగా సాగేందుకు అంతర్జాతీయ మార్కెట్ల నుంచి సానుకూల పరిణామాలు కనిపించక పోవటంతో కొద్ది సేపటికే లాభాలు ఆవిరయ్యాయి. ప్రధానంగా రియల్టీ రంగంలోని కంపెనీలు లాభపడ్డాయి.

మార్కెట్ల క్లోజింగ్ సమయంలో కీలక సూచీలను గమనిస్తే.. సెన్సెక్స్ 184 పాయింట్లను కోల్పోయింది. ఇదే సమయంలో నిఫ్టీ 46 పాయింట్లను నష్టపోగా బ్యాంక్ నిఫ్టీ సూచీ మాత్రం 2 పాయింట్ల లాభంలో ప్రయాణాన్ని ముగించింది. అయితే నిఫ్టీ మిడ్ క్యాప్ మాత్రం 234 పాయింట్ల లాభంతో దుమ్మురేపింది. అలాగే డాలర్ బలహీన పడటంతో బంగారం ధరలు అంతర్జాతీయ మార్కెట్లలో పెరిగాయి.

అంతర్జాతీయ మార్కెట్లను పరిశీలిస్తే టోక్యో షేర్లు వరుసగా ఎనిమిదో రోజు లాభాల్లో ముగిశాయి. నిక్కీ 225 ఇండెక్స్ 0.51 శాతం లేదా 144.05 పాయింట్లు పెరిగి 28,658 వద్ద ముగిసింది. విస్తృత TOPICS ఇండెక్స్ 0.69 శాతం లేదా 13.92 పాయింట్లు పెరిగి 2,040కి చేరుకుంది.

మార్కెట్లు క్లోజింగ్ సమయానికి దివీస్ ల్యాబ్, హెచ్సీఎల్ టెక్, సిప్లా, ఇండస్ ఇండ్ బ్యాంక్, నెస్లే, విప్రో, డాక్టర్ రెడ్డీస్, ఐషర్ మోటార్స్, కోల్ ఇండియా, సన్ ఫార్మా, మారుతీ, హిందాల్కొ, ఏషియన్ పెయింట్స్, యూపీఎల్, టాటా స్టీల్, ఎల్ టి, ఎన్టీపీసీ, ఎస్బీఐ, ఇన్ఫోసిస్, టాటా మోటార్స్ కంపెనీల షేర్లు లాభాల్లో ముగిసి టాప్ గెయినర్స్ గా నిలిచాయి. ఈ క్రమంలో టాటా మోటార్స్ షేర్లు 8 నెలల గరిష్ఠాన్ని తాకాయి.

ఇదే క్రమంలో ఎన్ఎస్ఈ సూచీలో పవర్ గ్రిడ్, అల్ట్రాటెక్ సిమెంట్, అదానీ ఎంటర్ ప్రైజెస్, అపోలో హాస్పిటల్స్, టైటాన్, అదానీ పోర్ట్స్, రిలయన్స్, బ్రిటానియా, బజాజ్ ఆటో, హీరో మోటార్స్, గ్రాసిమ్, టాటా కన్జూమర్, బజాజ్ ఫైనాన్స్, మహీంద్రా అండ్ మహీంద్రా, ఐసీఐసీఐ బ్యాంక్, హిందుస్థాన్ యూనీలివర్, హెచ్డీఎఫ్సీ, టెక్ మహీంద్రా, బజాజ్ ఫిన్ సర్వ్, ఐటీసీ కంపెనీల షేర్లు నష్టాల్లో తమ ప్రయాణాన్ని ముగించి టాప్ లూజర్స్ గా నిలిచాయి.