వరుస నష్టాలకు చెక్, మెటల్ స్టాక్స్ అదరగొట్టాయి

ఫ్లాట్‌గా ముగిసిన మార్కెట్లు

సెన్సెక్స్ నేడు 7.09 పాయింట్లు లేదా 0.01% లాభపడి 49,751.41 పాయింట్ల వద్ద, నిఫ్టీ 32.10 పాయింట్లు లేదా 0.22% లాభపడి 14,707.80 పాయింట్ల వద్ద క్లోజ్ అయింది. 1657 షేర్లు లాభాల్లో, 1213 షేర్లు నష్టాల్లో ముగియగా, 158 షేర్లలో ఎలాంటి మార్పులేదు. సెన్సెక్స్ ఉదయం 49,994.85 పాయింట్ల వద్ద ప్రారంభమై, 50,327.31 పాయింట్ల వద్ద గరిష్టాన్ని తాకి, 49,659.85 పాయింట్ల వద్ద కనిష్టాన్ని తాకింది. డాలర్ మారకంతో రూపాయి 72.46 వద్ద క్లోజ్ అయింది. నేడు రూపాయి 4 పైసలు బలపడింది. క్రితం సెషన్లో 72.50 వద్ద ముగిసింది. నేటి సెషన్లో 72.30-72.47 వద్ద క్లోజ్ అయింది.

టాప్ గెయినర్స్, లూజర్స్

నేటి టాప్ గెయినర్స్ జాబితాలో టాటా స్టీల్ 6.54 శాతం, టాటా మోటార్స్ 6.40 శాతం, ONGC 5.55 శాతం, హిండాల్కో 5.36 శాతం, యూపీఎల్ 4.94 శాతం లాభపడ్డాయి.

టాప్ లూజర్స్ జాబితాలో కొటక్ మహీంద్రా 3.93 శాతం, అదానీ పోర్ట్స్ 1.75 శాతం, మారుతీ సుజుకీ 1.64 శాతం, బజాజ్ ఆటో 1.49 శాతం, దివిస్ ల్యాబ్స్ 1.38 శాతం నష్టపోయాయి.

మోస్ట్ యాక్టివ్ స్టాక్స్‌లో టాటా మోటార్స్, టాటా స్టీల్, రిలయన్స్, ఎస్బీఐ, హిండాల్కో ఉన్నాయి.

రిలయన్స్ ఇండస్ట్రీస్ స్టాక్ ధర నేడు దాదాపు 1 శాతం లాభపడి రూ.2,026 వద్ద ముగిసింది.

రంగాలవారీగా...

నిఫ్టీ 50 సూచీ 0.22 శాతం, నిఫ్టీ మిడ్ క్యాప్ సూచీ 1.46 శాతం లాభపడ్డాయి. నిఫ్టీ ఆటో 0.77 శాతం, నిఫ్టీ ఎనర్జీ 2.08 శాతం, నిఫ్టీ ఎఫ్ఎంసీజీ 0.41 శాతం, నిఫ్టీ ఐటీ 0.17 శాతం, నిఫ్టీ మీడియా 0.15 శాతం, నిఫ్టీ మెటల్ 3.89 శాతం, నిఫ్టీ రియాల్టీ 2.70 శాతం లాభపడ్డాయి.

నిఫ్టీ బ్యాంకు 0.40 శాతం, నిఫ్టీ ఫైనాన్షియల్ సర్వీసెస్ 0.51 శాతం, నిఫ్టీ ఫార్మా 0.02 శాతం, నిఫ్టీ పీఎస్‌యూ బ్యాంకు 0.14 శాతం, నిఫ్టీ ప్రయివేటు బ్యాంకు 0.47 శాతం నష్టపోయాయి.