మరోసారి సెన్సెక్స్, నిఫ్టీ మళ్లీ సరికొత్త రికార్డ్: రిలయన్స్ రూ.2,000 క్రాస్

ముంబై: దేశీయ స్టాక్ మార్కెట్లు మంగళవారం (డిసెంబర్ 8) లాభాల్లో ప్రారంభమయ్యాయి. ఉదయం గం.9.16 సమయానికి సెన్సెక్స్ 52.69 పాయింట్లు (0.12%) లాభపడి 45,479.66 వద్ద, నిఫ్టీ 18.70 పాయింట్లు (0.14%) ఎగిసి 13374.50 పాయింట్ల వద్ద ప్రారంభమైంది. 1144 షేర్లు లాభాల్లో, 251 షేర్లు నష్టాల్లో ప్రారంభమయ్యాయి. 44 షేర్లలో ఎలాంటి మార్పులేదు. డాలర్ మారకంతో రూపాయి 8 పైసలు ఎగిసి రూ.73.82 వద్ద ప్రారంభమైంది. అంతకుముందు సెషన్‌లో 73.90 వద్ద ముగిసింది.

46వేల దిశగా సెన్సెక్స్, నిఫ్టీ 13,400 వైపు

సూచీలు నేడు మరోసారి సరికొత్త రికార్డును తాకాయి. కరోనా కేసులు తగ్గి, ఆర్థిక కార్యకలాపాలు పెరుగుతుండటం, కంపెనీలు ఆశాజనక ఫలితాలు ప్రకటిస్తుండటంతో సూచీలు గత నెల రోజులుగా కొత్త గరిష్టాలను తాకుతున్నాయి. నవంబర్ ప్రారంభ వారంలో 42వేల మార్కును తాకిన సెన్సెక్స్ నెల రోజుల్లోనే తిరిగి 45వేలను దాటి, 46వేల మార్కు దిశగా పయనిస్తోంది. ఆటో, ఫైనాన్షియల్ స్టాక్స్ వల్ల నేడు సూచీలు ఎగిశాయి.

ఉదయం గం.10.30 సమయానికి సెన్సెక్స్ 283 పాయింట్లు లాభపడి 45,710 వద్ద ట్రేడ్ అయింది. సెన్సెక్స్ 46,000 దిశగా సాగుతోంది. నిఫ్టీ 13,375 పాయింట్లను తాకింది. 13,400 దిశగా పయనిస్తోంది.

రిలయన్స్ రూ.2000 క్రాస్

నేటి టాప్ గెయినర్స్ జాబితాలో అల్ట్రా టెక్ సిమెంట్ 2.72 శాతం, రిలయన్స్ 2.49 శాతం, HCL టెక్ 2.02 శాతం, యూపీఎల్ 1.92 శాతం, మారుతీ సుజుకీ 1.51 శాతం లాభపడ్డాయి.

టాప్ గెయినర్స్ జాబితాలో సన్ ఫార్మా 1.43 శాతం, కోల్ ఇండియా 1.39 శాతం, ఇండస్ఇండ్ బ్యాంకు 1.27 శాతం, టెక్ మహీంద్రా 0.99 శాతం, JSW స్టీల్ 0.99 శాతం నష్టపోయాయి.

మోస్ట్ యాక్టివ్ స్టాక్స్‌లో రిలయన్స్, మారుతీ సుజుకీ, ఎస్బీఐ, హెచ్‌డీఎఫ్‌సీ, ఇన్ఫోసిస్ ఉన్నాయి.

రిలయన్స్ ఇండస్ట్రీస్ స్టాక్ 2.55 శాతం పెరిగి రూ.2,008 వద్ద ట్రేడ్ అయింది. చాలా రోజుల తర్వాత రిలయన్స్ స్టాక్ రూ.2000 క్రాస్ చేసింది.

ఏ రంగం ఎంత

నిఫ్టీ 50 స్టాక్స్ 0.51 శాతం, నిప్టీ మిడ్ క్యాప్ సూచీ 0.31 శాతం లాభపడ్డాయి. నిఫ్టీ ఆటో 0.30 శాతం, నిఫ్టీ ఎనర్జీ 0.68 శాతం, నిఫ్టీ ఫైనాన్షియల్ సర్వీసెస్ 0.15 శాతం, నిఫ్టీ ఎఫ్ఎంసీజీ 0.17 శాతం, నిఫ్టీ ఐటీ 0.54 శాతం, నిఫ్టీ మీడియా 0.01 శాతం, నిఫ్టీ బ్యాంకు 1.92 శాతం, నిఫ్టీ రియాల్టీ 1.01 శాతం లాభపడ్డాయి.

నిఫ్టీ మెటల్ 1.11 శాతం, నిఫ్టీ ఫార్మా 0.55 శాతం, నిఫ్టీ ప్రయివేటు బ్యాంకు 0.10 శాతం నష్టపోయాయి.