Stock Market: రోజంతా ఒడిదొడుకుల్లో మార్కెట్లు.. నష్టాల్లో ముగిసిన Sensex, Nifty..

Market Closing: ఉదయం స్వల్ప లాభాలతో ఫ్లాట్ ప్రారంభంతో మెుదలైన దేశీయ స్టాక్ మార్కెట్లు చివరికి నష్టాల్లో రోజును ముగించాయి. ప్రధానంగా ఐటీ కంపెనీల క్యూ2 ఫలితాలు వెలువడనున్న క్రమంలో ఇన్వెస్టర్లు అప్రమత్తంగా వ్యవహరించారు.

మార్కెట్లు ముగిసే సమయంలో బెంచ్ మార్క్ సూచీ సెన్సెక్స్ 65 పాయింట్ల నష్టంలో ఉండగా.. మరో కీలక సూచీ నిఫ్టీ 17 పాయింట్ల మేర కోల్పోయింది. ఇదే క్రమంలో నిఫ్టీ బ్యాంక్ సూచీ 82 పాయింట్లు, నిఫ్టీ మిడ్ క్యాప్ సూచీ 69 పాయింట్ల లాభంతో ట్రేడింగ్ ముగించాయి. ప్రధానంగా స్మాల్ అండ్ మిడ్ క్యాప్ సూచీలు లాభపడ్డాయి. ఆందోళనల నేపథ్యంలో మార్కెట్లో పెద్దగా మెుమెంటం కనిపించలేదు.

ఎన్ఎస్ఈలో బీపీసీఎల్, మారుతీ, కోల్ ఇండియా, పవర్ గ్రిడ్, గ్రాసిమ్, బజాజ్ ఆటో, జేఎస్డబ్ల్యూ స్టీల్, ఎన్టీపీసీ, మహీంద్రా అండ్ మహీంద్రా, హెచ్డీఎఫ్సీ లైఫ్, టాటా స్టీల్, అదానీ ఎంటర్ ప్రైజెస్, ఓఎన్జీసీ, ఐటీసీ, ఎస్బీఐ లైఫ్, హెచ్డీఎఫ్సీ బ్యాంక్, టాటా మోటార్స్, టాటా కన్జూమర్, ఐషర్ మోటార్స్, అల్ట్రాటెక్ సిమెంట్స్ కంపెనీల షేర్లు లాభాలతో ప్రయాణాన్ని ముగించి టాప్ గెయినర్లుగా నిలిచాయి.

ఇదే క్రమంలో ఇన్ఫోసిస్, టెక్ మహీంద్రా, అపోలో హాస్పిటల్స్, టీసీఎస్, హెచ్సీఎల్ టెక్, ఎల్ టిఐఎమ్, యూపీఎల్, సిప్లా, విప్రో, బజాజ్ ఫైనాన్స్, డాక్టర్ రెడ్డీస్, హీరో మోటార్స్, ఎస్బీఐ, కోటక్ బ్యాంక్, నెస్లే, బజాజ్ ఫిన్ సర్వ్, ఎల్ టి, భారతీ ఎయిర్ టెల్, యాక్సిస్ బ్యాంక్, అదానీ పోర్ట్స్ కంపెనీల షేర్లు నష్టాలతో టాప్ లూజర్లుగా తమ ప్రయాణాన్ని ముగించాయి.