Stock Market: సెన్సెక్స్ రికార్డుల మోత.. రోజుకో రికార్డుతో ముందుకు.. దలాల్ స్ట్రీట్ జోరు

Stock Market: గతవారం జోరును దేశీయ స్టాక్ మార్కెట్లు ఈ వారం సైతం కొనసాగిస్తున్నాయి. ఈ క్రమంలో బెంచ్ మార్క్ సూచీ తన రికార్డులను తానే బద్దలు కొడుతోంది. ఈరోజు ఇంట్రాడేలో సరికొత్త జీవితకాల గరిష్ఠమైన 62,700 మార్కును తాకింది. అమెరికా మార్కెట్లతో సంబంధం లేకుండా దేశీయ సూచీలు వరుగా ఈ వారం రెండోరోజు సైతం దూకుడును కొనసాగిస్తున్నాయి.

మార్కెట్ సూచీలు..

ఉదయం 11.33 గంటల సమయంలో సెన్సెక్స్ సూచీ 278 పాయింట్లు, నిఫ్టీ సూచీ 83 పాయింట్లు, బ్యాంక్ నిఫ్టీ 171 పాయింట్లు లాభాల్లో కొనసాగుతున్నాయి. ఈ క్రమంలో నిఫ్టీ మిడ్ క్యాప్ మాత్రం 70 పాయింట్ల నష్టంలో కొనసాగుతోంది. అంతర్జాతీయ మార్కెట్లు నష్టాల్లో ప్రతికూలంగా కొనసాగుతున్నప్పటికీ భారత మార్కెట్లు మాత్రం సానుకూలంగా ఉంది. విదేశీ మదుపరులు సైతం ప్రస్తుత తరుణంలో భారత మార్కెట్లలో పెట్టుబడులు పెట్టేందుకు మక్కువ చూపుతున్నారు.

టాప్ గెయినర్స్..

హిందుస్థాన్ యూనిలివర్, నెస్లే, హిందాల్కొ, హీరోమోటొకార్ప్, బ్రిటానియా, టాటా స్టీల్, జేఎస్ డబ్ల్యూ స్టీల్, ఐటీసీ, సిప్లా, టైటాన్, డాక్టర్ రెడ్డీస్, ఐసీఐసీఐ బ్యాంక్, హెచ్సీఎల్ టెక్, అపోలో హాస్పిటల్స్ తో పాటు మరిన్ని కంపెనీల షేర్లు టాప్ గెయినర్స్ గా కొనసాగుతున్నాయి.

టాప్ లూజర్స్..

ఎల్అండ్ టీ, ఇండస్ ఇండ్ బ్యాంక్, బీపీసీఎల్, బజాజ్ ఫిన్ సర్వ్, కోల్ ఇండియా, పవర్ గ్రిడ్, యూపీఎల్, ఏషియన్ పెయింట్స్, అదానీ ఎంటర్ ప్రైజెస్, హెచ్డీఎఫ్సీ లైఫ్, ఎన్టీపీసీ, రిలయన్స్ కంపెనీలు నష్టాల్లో కొనసాగుతూ ఎన్ఎస్ఈ సూచీలో టాప్ లూజర్స్ గా కొనసాగుతున్నాయి.