కుప్పకూలిన స్టాక్ మార్కెట్: సెన్సెక్స్ 900 పాయింట్ల డౌన్

ముంబై: దేశీయ స్టాక్ మార్కెట్లు గురువారం(అక్టోబర్ 15) భారీ లాభాల్లో కూరుకుపోయాయి. ఉదయం స్వల్ప నష్టాలతో ప్రారంభమైన మార్కెట్లు, ఆ తర్వాత కుప్పకూలాయి. దాదాపు అన్ని రంగాల షేర్లు భారీ నష్టాల్లో కూరుకుపోయాయి. ఈ రోజు పదిహేను కంపెనీలు త్రైమాసిక ఫలితాలను ప్రకటించనున్నాయి. ఇందులో మైండ్ ట్రీ, సౌత్ ఇండియన్ బ్యాంకు వంటివి ఉన్నాయి. అంతర్జాతీయ పరిణామాలు మార్కెట్లపై తీవ్ర ప్రభావం చూపాయి. దీంతో ఉదయం స్వల్ప నష్టాలతో ప్రారంభమైన మార్కెట్లు, సాయంత్రానికి కుప్పకూలాయి.

మధ్యాహ్నం గం.2.46 సమయానికి సెన్సెక్స్ 900 పాయింట్లకు పైగా నష్టపోయి 39,900 దిగువకు వచ్చింది. ఇటీవల వరుసగా పది రోజుల పాటు మార్కెట్లు లాభాల్లో ట్రేడ్ అయ్యాయి. నేడు అంతర్జాతీయ పరిణామాల నేపథ్యంలో అనూహ్యంగా కుప్పకూలాయి. రిలయన్స్ వంటి దిగ్గజ సంస్థలు మొదలు అన్ని కంపెనీల స్టాక్స్ నష్టపోయాయి. ఉదయం స్వల్ప నష్టాల్లో ప్రారంభమైన మార్కెట్లు ఏ దశలోను కోలుకున్నట్లుగా కనిపించలేదు. సాయంత్రానికి నష్టం అంతకంతకూ పెరిగింది.