For Quick Alerts
ALLOW NOTIFICATIONS  
For Daily Alerts

భారీ లాభాల్లో స్టాక్ మార్కెట్లు: 50,000 దిశగా సెన్సెక్స్, 15,000కు సమీపంలో నిఫ్టీ

|

ముంబై: దేశీయ స్టాక్ మార్కెట్లు సోమవారం (మే 10) భారీ లాభాల్లో ప్రారంభం అయ్యాయి. ఉదయం లాభాల్లోనే ప్రారంభమై మార్కెట్లు ఆ తర్వాత అంతకంతకూ ఎగిశాయి. సెన్సెక్స్ 50,000 పాయింట్ల దిశగా వెళ్తుండగా, నిఫ్టీ 15,000 పాయింట్లకు 50 పాయింట్ల దూరంలో ఉంది. అమెరికా మార్కెట్లు శుక్రవారం లాభాల్లో ముగిశాయి. ఆసియా మార్కెట్లు సానుకూలంగా కనిపిస్తున్నాయి.

మరోవైపు దేశవ్యాప్త లాక్‌డౌన్ ఉండదని కేంద్ర ప్రభుత్వం ఇప్పటికే స్పష్టం చేసింది. విదేశీ మారక నిల్వలు భారీగా పెరిగాయి. ఇవి సూచీలకు అండగా నిలిచాయి. అదే సమయంలో భారీ స్థాయిలో పెరుగుతున్న కరోనా కేసులు, మెజారిటీ రాష్ట్రాల్లో లాక్‌డౌన్, అంతర్జాతీయ సంస్థలు భారత జీడీపీ అంచనాల్లో కోత విధించడం వంటి అంశాలు ఇన్వెస్టర్ల సెంటిమెంటుపై ప్రభావం చూపించవచ్చు.

కరోనా సెకండ్ వేవ్: బ్యాంకు డిపాజిట్ పరిమితి పెంచాలి, మరో ఉద్దీపన కావాలి

సూచీలు జంప్

సూచీలు జంప్

సెన్సెక్స్ ఉదయం 49,496.05 పాయింట్ల వద్ద ప్రారంభమై, 49,617.47 పాయింట్ల వద్ద గరిష్టాన్ని, 49,412.05 పాయింట్ల వద్ద కనిష్టాన్ని తాకింది. మధ్యాహ్నం గం.1.46 సమయానికి సెన్సెక్స్ 342.30 (0.70%) పాయింట్లు ఎగిసి 49,548 పాయింట్ల వద్ద ట్రేడ్ అయింది. నిఫ్టీ 14,928.25 పాయింట్ల వద్ద ప్రారంభమై, 14,965.25 పాయింట్ల వద్ద గరిష్టాన్ని, 14,892.50 పాయింట్ల వద్ద కనిష్టాన్ని తాకింది. మధ్యాహ్నం గం.1.48 సమయానికి నిఫ్టీ +123.80 (0.84%) పాయింట్లు ఎగిసి 14,947 పాయింట్ల వద్ద ట్రేడ్ అయింది.

టాప్ గెయినర్స్, లూజర్స్

టాప్ గెయినర్స్, లూజర్స్

నేటి మధ్యాహ్నం సమయానికి టాప్ గెయినర్స్ జాబితాలో కోల్ ఇండియా 5.52 శాతం, యూపీఎల్ 5.41 శాతం, హిండాల్కో 5.05 శాతం, లార్సన్ 3.67 శాతం, ఐవోసీ 3.59 శాతం లాభాల్లో ఉన్నాయి.

టాప్ లూజర్స్ జాబితాలో అల్ట్రా టెక్ సిమెంట్ 1.96 శాతం, శ్రీసిమెంట్స్ 1.94 శాతం, బ్రిటానియా 1.21 శాతం, ఇన్ఫోసిస్ 0.81 శాతం, హీరో మోటో కార్ప్ 0.76 శాతం నష్టపోయాయి.

మోస్ట్ యాక్టివ్ స్టాక్స్‌లో టాటా స్టీల్, హిండాల్కో, ఎస్బీఐ, డాక్టర్ రెడ్డీస్ ల్యాబ్స్, టాటా మోటార్స్ ఉన్నాయి.

రంగాలవారీగా...

రంగాలవారీగా...

నిఫ్టీ 50 స్టాక్స్ 0.86 శాతం, నిఫ్టీ మిడ్ క్యాప్ 1.17 శాతం లాభపడింది. నిఫ్టీ ఆటో 1.11 శాతం, నిఫ్టీ బ్యాంకు 0.79 శాతం, నిఫ్టీ ఎనర్జీ 1.17 శాతం, నిఫ్టీ ఫైనాన్షియల్ సర్వీసెస్ 0.89 శాతం, నిఫ్టీ ఎఫ్ఎంసీజీ 0.36 శాతం, నిఫ్టీ ఐటీ 0.01 శాతం, నిఫ్టీ మీడియా 2.05 శాతం, నిఫ్టీ మెటల్ 2.74 శాతం, నిఫ్టీ ఫార్మా 2.97 శాతం, నిఫ్టీ పీఎస్‌యూ బ్యాంకు 1.68 శాతం, నిఫ్టీ రియాల్టీ 1.01 శాతం, నిఫ్టీ ప్రయివేటు బ్యాంకు 0.75 శాతం లాభపడ్డాయి.

English summary

Sensex gains, Nifty above 14,900 as pharma, metal stocks rally

Pharma, metal, energy and PSU Bank indices rose 1-3 percent. BSE Midcap and Smallcap indices gained nearly a percent each.
Story first published: Monday, May 10, 2021, 14:27 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X