భారీ నష్టాల్లో ముగిసిన మార్కెట్లు: 15,750 పాయింట్ల దిగువకు నిఫ్టీ

ముంబై: దేశీయ స్టాక్ మార్కెట్లు మంగళవారం నష్టాల్లో ముగిశాయి. ఉదయం నష్టాల్లోనే ప్రారంభమైన సూచీలు ఏ దశలోను కోలుకోలేదు. చివరకు సెన్సెక్స్ 185 పాయింట్లు, నిఫ్టీ 66 పాయింట్ల నష్టాల్లో ముగిసింది. ఉదయం ఊగిసలాట మధ్య ట్రేడింగ్ ప్రారంభించింది. ఆసియా మార్కెట్లు నష్టపోవడంతో సూచీలు కోలుకోలేకపోయాయి. కేంద్ర ప్రభుత్వం సోమవారం నాడు ప్రకటించిన ఆర్థిక ప్యాకేజీ మార్కెట్లలో ఉత్సాహం నింపలేకపోయింది. కేంద్ర ఆర్థికమంత్రి నిర్మలా సీతారామన్ నిన్న టూరిజం, హెల్త్ రంగానికి భారీ ప్రోత్సాహకాలు ప్రకటించిన విషయం తెలిసిందే.

నష్టాల్లో మార్కెట్లు

మెటల్, బ్యాంకింగ్, ఆటో సహా వివిధ రంగాలు అమ్మకాల ఒత్తిడిని ఎదుర్కొన్నాయి. సెన్సెక్స్ చివరకు 185.93 (0.35%) పాయింట్లు నష్టపోయి 52,549.66 పాయింట్ల వద్ద ముగిసింది. నిఫ్టీ 66.25 (0.42%) పాయింట్లు నష్టపోయి 15,748.45 పాయింట్ల వద్ద ట్రేడ్ అయింది. సెన్సెక్స్ 52,795.76 పాయింట్ల వద్ద ప్రారంభమై, 52,816.42 పాయింట్ల వద్ద గరిష్టాన్ని, 52,477.77 పాయింట్ల వద్ద కనిష్టాన్ని తాకింది. నిఫ్టీ 15,807.50 పాయింట్ల వద్ద ప్రారంభమై, 15,835.90 పాయింట్ల వద్ద గరిష్టాన్ని, 15,724.05 పాయింట్ల వద్ద కనిష్టాన్ని తాకింది.

టాప్ గెయినర్స్, లూజర్స్

మధ్యాహ్నం సమయానికి నేటి టాప్ గెయినర్స్ జాబితాలో పవర్ గ్రిడ్ కార్పోరేషన్ 1.79 శాతం, సిప్లా 1.72 శాతం, HUL 1.31 శాతం, ఎన్టీపీసీ 1.25 శాతం, దివిస్ ల్యాబ్స్ 0.97 శాతం లాభపడ్డాయి.

టాప్ లూజర్స్ జాబితాలో ఐవోసీ 2.44 శాతం, ONGC 1.41 శాతం, హిండాల్కో 2.11 శాతం, కోల్ ఇండియా 1.83 శాతం, కొటక్ మహీంద్రా 1.57 శాతం నష్టపోయాయి.

మధ్యాహ్నం సమయానికి నేటి మోస్ట్ యాక్టివ్ స్టాక్స్‌లో HDFC లైఫ్, కొటక్ మహీంద్రా, రిలయన్స్, టాటా స్టీల్, HDFC బ్యాంకు ఉన్నాయి.

రంగాలవారీగా...

నిఫ్టీ 50 స్టాక్స్ 0.42 శాతం, నిఫ్టీ మిడ్ క్యాప్ 0.61 శాతం నష్టపోయాయి. నిఫ్టీ ఆటో 0.25 శాతం, నిఫ్టీ బ్యాంకు 0.99 శాతం, నిఫ్టీ ఎనర్జీ 0.05 శాతం, నిఫ్టీ ఫైనాన్షియల్ సర్వీసెస్ 0.73 శాతం, నిఫ్టీ ఐటీ 0.28 శాతం, నిఫ్టీ మీడియా 0.67 శాతం, నిఫ్టీ మెటల్ 1.22 శాతం, నిఫ్టీ పీఎస్‌యూ బ్యాంకు 1.48 శాతం, నిఫ్టీ రియాల్టీ 0.36 శాతం, నిఫ్టీ ప్రయివేటు బ్యాంకు 1.03 శాతం నష్టపోయాయి. నిఫ్టీ ఎఫ్ఎంసీజీ 0.50 శాతం, నిఫ్టీ ఫార్మా 0.58 శాతం లాభపడ్డాయి.