షేర్ మార్కెట్లో అల్లకల్లోలం.. 5 నెలల్లో 10వేల పాయింట్లు ఫసక్, ఫ్యూచర్ ట్రెండ్ ఎటు ?

Nifty Sensex Decline Reasons: స్టాక్ మార్కెట్ ప్రస్తుతం చెడు దశలో ఉంది. దీనికి తోడు నిరంతరం ఒత్తిడిలో కొనసాగుతుంది. అయితే పెట్టుబడిదారుల పోర్ట్‌ఫోలియోల వాల్యూ మాత్రం తగ్గుతోంది. గత సంవత్సరం చివరి నెలల నుండి బాంబే స్టాక్ ఎక్స్ఛేంజ్ (BSE) సెన్సెక్స్ అండ్ నేషనల్ స్టాక్ ఎక్స్ఛేంజ్ (NSE) నిఫ్టీ క్షీణతను ఎదుర్కొంటున్నాయి. మెల్లిమెల్లిగా పరిస్థితి మెరుగుపడటానికి బదులుగా మరింత దిగజారుతోంది. గత 5 నెలల్లో సెన్సెక్స్ 10,000 పాయింట్లకు పైగా లాభాలను కోల్పోయింది. నిఫ్టీ దాదాపు 4000 పాయింట్లు కోల్పోయింది.

రేపటి సంకేతాలు ఏమిటి?
గత వారం చివరి ట్రేడింగ్ రోజు అంటే శుక్రవారం మార్కెట్ నష్టాలతో ముగిసింది. ఈ కాలంలో నిఫ్టీ 22800 ముఖ్యమైన స్థాయి కంటే దిగువకు పడిపోయింది, ఇది పెట్టుబడిదారులలో ఆందోళనలను పెంచింది. నిజానికి, నిఫ్టీ ఈ స్థాయి కంటే దిగువకు పడిపోతే క్షీణత మరింత విస్తరించవచ్చని ఇప్పటికే భయపడుతున్నారు. ఇలాంటి పరిస్థితిలో సోమవారం షేర్ మార్కెట్ బాగా పనిచేస్తుందనే ఆశ చాలా తక్కువ. ఇది కాకుండా, అమెరికన్ షేర్ మార్కెట్ కూడా శుక్రవారం క్షీణతను నమోదు చేసింది. ఈ వార్త సోమవారం భారత మార్కెట్‌ను ఒత్తిడిలో ఉంచే అవకాశం ఉంది.

ఇవి మార్కెట్ మూడ్ ని చెడగొట్టాయి.
సెప్టెంబర్ 2024లో BSE సెన్సెక్స్ ఆల్ టైమ్ గరిష్ట స్థాయి 86,000ను తాకింది. అదే సమయంలో నిఫ్టీ 26,300ను తాకింది. ప్రస్తుతం సెన్సెక్స్ 75,311.06 స్థాయికి, నిఫ్టీ 22,795.90 స్థాయికి చేరుకున్నాయి. షేర్ మార్కెట్ ఈ పరిస్థితికి చాల అంశాలు కారణమవుతున్నాయి. ముఖ్యంగా డోనాల్డ్ ట్రంప్ సుంకాల విధానాలు భారత మార్కెట్‌ను తీవ్రంగా ప్రభావితం చేశాయి. ఇది కాకుండా, చాలా కంపెనీల త్రైమాసిక ఫలితాలు అంచనాలకు అనుగుణంగా లేవు. ఇది కూడా షేర్ మార్కెట్‌ను ఒత్తిడిలోకి నెట్టింది. అంతేకాకుండా పెరుగుతున్న ద్రవ్యోల్బణ ఆందోళనలు, లండన్ క్యాష్ గోల్డ్ కాంట్రాక్ట్ డిఫాల్ట్ భయం, US ఫెడ్ రిజర్వ్ వడ్డీ రేట్లను తగ్గించబోమని సూచించడం, విదేశీ పెట్టుబడిదారులకు చైనా పట్ల ఉన్న ప్రేమ కూడా స్టాక్ మార్కెట్లో సునామికి ప్రధాన కారణాలు.

వార్తల సుడిగుండంలో
షేర్ మార్కెట్ పై ఇలాంటి వార్తలు ఒకదాని తర్వాత ఒకటి నిరంతరం వస్తున్నాయి, దీనివల్ల స్టాక్ మార్కెట్ క్షీణత నుండి బయటపడటానికి అవకాశం లేదు. డాలర్‌తో పోలిస్తే భారత రూపాయి బలహీనత గురించి రోజురోజుకూ వార్తలు వస్తూనే ఉన్నాయి. అమెరికా అధ్యక్షుడు డొనాల్డ్ ట్రంప్ దాదాపు ప్రతిరోజూ సుంకాలకు సంబంధించి ఏదో ఒక ప్రకటన చేస్తూ ఉన్నారు. అలాగే విదేశీ పెట్టుబడిదారులు అమ్మకందారులుగా కొనసాగుతున్నారు. ఈ నెలలో ఇప్పటివరకు విదేశీ సంస్థాగత పెట్టుబడిదారులు (FIIలు) భారత ఈక్విటీ మార్కెట్ల నుండి రూ.23,710 కోట్లు ఉపసంహరించుకున్నారు. నిజానికి, FIIలు భారతదేశం నుండి డబ్బును ఉపసంహరించుకుని చైనాలో పెట్టుబడి పెడుతున్నారు, కాబట్టి డోనాల్డ్ ట్రంప్ సుంకాల కారణంగా చైనా మార్కెట్‌కు ఎలాంటి నష్టం జరగలేదు. దీనికి విరుద్ధంగా భారతదేశ మార్కెట్ బలహీనపడుతోంది.

పరిస్థితి ఎప్పుడు మెరుగుపడుతుంది?
షేర్ మార్కెట్ ఎంతటి స్థితికి చేరుకుందంటే, దాని ఖచ్చితమైన అంచనా చాలా కష్టమైంది. ప్రధాని మోదీ అమెరికా పర్యటన తర్వాత మార్కెట్‌లో బూమ్ ఉంటుందని అంచనా వేశారు, కానీ ఆలా జరగలేదు. అయితే, రాబోయే కొద్ది రోజుల్లో షేర్ మార్కెట్ తిరిగి ట్రాక్‌లోకి రాగలదని నిపుణులు విశ్వసిస్తున్నారు. కానీ ప్రస్తుతానికి ఆలా స్పీడ్'తో నడిచే అవకాశం లేదు. అయితే భయాందోళనలో లేదా తొందరపడి షేర్స్ అమ్మకుండా ఉండాలని కూడా ఆయన అంటున్నారు.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.