లాభాల నుండి భారీ నష్టాల్లోకి: 9,000 లోపుకు నిఫ్టీ, సెన్సెక్స్ 3ఏళ్ల కనిష్టానికి

భారత స్టాక్ మార్కెట్లు మంగళవారం మరోసారి భారీ నష్టాల్ని చవిచూశాయి. గత వారంలో సోమ, గురువారం, నిన్న సోమవారం ఊహించని నష్టాలు ఎదుర్కొన్న మార్కెట్లు మంగళవారం కాస్త లాభాల్లోకి వచ్చేలా కనిపించాయి. తొలుత నష్టాల్లోనే ప్రారంభమైనప్పటికీ, కాసేపటికి లాభాల్లోకి వచ్చి ఓ సమయంలో 500 పాయింట్ల లాభాలను చూశాయి. కానీ చివరి గంటలో మళ్లీ నష్టాల్లోకి జారుకున్నాయి.

బ్యాంకులు, ఐటీ షేర్లు అమ్మకాల ఒత్తిడికి లోనయ్యాయి. దీంతో నిఫ్టీ 9,000 మార్క్ తక్కువగా పడిపోయింది. సెన్సెక్స్ ఈ రోజు భారీ హైతో పోలిస్తే 1400 పాయింట్లు దిగజారి 34 నెలల కనిష్టానికి చేరుకుంది. మార్కెట్ క్లోజ్ అయ్యే సమయానికి నిఫ్టీ50.. 230.35 పాయింట్లు (2.50 శాతం) నష్టపోయి 8,967 పాయింట్ల వద్ద క్లోజ్ అయింది. సెన్సెక్స్ 810.98 పాయింట్ల (2.58 శాతం) నష్టంతో 30,579.09 వద్ద ముగిసింది. నిఫ్టీ బ్యాంకు 946 పాయింట్లు (4.09 శాతం) నష్టపోయి 22,155 వద్ద క్లోజ్ అయింది.

మార్కెట్ క్రాష్: భారీ నష్టాల్లో మార్కెట్లు

టాప్ 5 గెయినర్స్ జాబితాలో యస్ బ్యాంకు (58 శాతం), ఐచర్ మోటార్స్ (3.44 శాతం), హీరో మోటో కార్ప్ (3.23 శాతం), హెచ్‌యూఎల్ (3.20 శాతం), ఏషియన్ పేయింట్స్ (2.86 శాతం) ఉండగా, టాప్ 5 లూజర్స్ జాబితాలో జీఎంటర్టైన్మెంట్, ఇండస్ ఇండ్ బ్యాంకు, ఐసీఐసీ ఐ బ్యాంకు, భారతీ ఇన్ఫ్రాటెల్, యూపీఎల్ ఉన్నాయి.