SGB:సావరిన్ గోల్డ్ బాండ్స్ లో పెట్టుబడి పెడితే గ్రాముకు రూ.50 డిస్కౌంట్..

2022-23కి సంబంధించిన రెండో సావరిన్ గోల్డ్ బాండ్ స్కీమ్ ఆగస్టు 22న ప్రారంభం అవుతుంది. ఈ గోల్డ్ బాండ్‌ల కోసం దరఖాస్తుల స్వీకరణ గడువు ఆగస్టు 26 ముగుస్తుంది. ఈ పథకం ఇష్యూ ధరను గ్రాముకు రూ.5,197గా శుక్రవారం RBI ప్రకటించింది. చెల్లింపు ఆన్‌లైన్‌లో చేసినట్లయితే, RBI ఒక్కో గ్రాముకు రూ.50 తగ్గింపును అందిస్తోంది.

8 సంవత్సరాలు
ఈ స్కీమ్ పదవీకాలం ఎనిమిది సంవత్సరాలు ఉంటుంది. 5వ సంవత్సరాల తర్వాత రిడెంప్షన్ చేసుకోవచ్చు. కేంద్రం తరఫున ఆర్‌బీఐ ఈ బాండ్లను జారీ చేస్తుంది. బ్యాంకులు, స్టాక్‌ హోల్డింగ్‌ కార్పొరేషన్‌ ఆఫ్‌ ఇండియా(ఎస్‌హెచ్‌సీఐఎల్‌), ఎంపిక చేసిన పోస్టాఫీసులు, ఎన్‌ఎస్‌ఈ, బీఎస్‌ఈలలో ఈ బాండ్లను అమ్ముతారు.సబ్‌స్క్రిప్షన్ గరిష్ట పరిమితి ఒక వ్యక్తికి 4 కేజీలుగా నిర్ణయించారు. ట్రస్ట్‌ల కోసం 20 కేజీలు గరిష్ట పరిమితిగా నిర్ణయించారు.