Zerodha: జెరోధా ఏఎంసీ ఏర్పాటుకు సెబీ ఆమోదం.. భారీగా పెరగనున్న కాంపిటిషన్..

ఈ మధ్య మ్యూచువల్ ఫండ్ బిజినెస్ లోకి వస్తున్నట్లు రిలయన్స్ ప్రకటించింది. తాజాగా స్టాక్ మార్కెట్ ఇన్వెస్ట్‌మెంట్‌లో సూపర్‌స్టార్ బ్రోకరేజ్ సంస్థగా ఉన్న Zerodha కూడా మ్యూచువల్ ఫండ్ హౌస్ ప్రారంభించనుంది. జెరోధా మ్యూచువల్ ఫండ్ ఇన్వెస్ట్‌మెంట్ సేవలను అందించడానికి నెలల తరబడి ప్రయత్నిస్తుండగా, మార్కెట్ నియంత్రణ సంస్థ సెబీ జెరోధా AMC ఏర్పాటు చేసుకోవడానికి అనుమతి ఇచ్చింది. కొద్ది రోజుల క్రితమే బజాజ్, ఎంజిల్ వన్ కూడా మ్యూచువల్ ఫండ్ హౌస్ లు ప్రారంభించాయి.

దీంతో అసెట్ మేనేజ్ మెంట్ కంపెనీల్లో పోటీ పెరగనుంది. ఇప్పటికే ఈ బిజినెస్ లో పెద్ద కంపెనీలు ఉన్నాయి. ఎస్బీఐ ఏఎంసీ, హెచ్ డిఎఫ్ సీ ఏఎంసీ, నిప్పాన్ ఇండియా, టాటా ఏఎంసీలు ఉన్నాయి. ఇప్పుడు జియోతో పాటు జెరోధా కూడా ఈ బిస్ నెస్ లోకి రానుంది. అసెట్ మేనేజ్‌మెంట్ కంపెనీని స్థాపించడానికి జెరోధా లైసెన్స్‌ను సెబీ ఆమోదించిందని కంపెనీ చీఫ్ ఎగ్జిక్యూటివ్ ఆఫీసర్ నితిన్ కామత్ తెలిపారు. AMC లైసెన్స్ అనేది కస్టమర్ల (ప్రజలు) నుంచి పెట్టుబడిని సేకరించడానికి.. స్టాక్‌లు, ప్రభుత్వ బాండ్‌లు, రియల్ ఎస్టేట్ మొదలైన ఆస్తులలో పెట్టుబడి పెట్టడానికి ఒక లైసెన్స్.

ఈ పరిస్థితిలో, Zerodha తన కొత్త Zerodha AMC వ్యాపారాన్ని కూటమిలో ఏర్పాటు చేయాలని యోచిస్తోంది. Zerodha Smallcase భాగస్వామ్యంతో తన స్వంత డబ్బుతో AMC వ్యాపారాన్ని ప్రారంభించేందుకు సిద్ధంగా ఉన్నట్లు తెలుస్తోంది. Zerodha AMC బిజినెస్ హెడ్‌గా కూడా విశాల్ జైన్ నియమితులయ్యారు. ఇతనికి ETF పరిశ్రమలో చాలా సంవత్సరాల అనుభవం ఉంది. అతను Zerodhaలో చేరడానికి ముందు 5 సంవత్సరాలు నిప్పాన్ ఇండియా మ్యూచువల్ ఫండ్‌లో పనిచేశాడు. Zerodha AMC త్వరలో తన సొంత మ్యూచువల్ ఫండ్ పథకాలను ప్రకటించనుంది.

3 కంపెనీలు వరుసగా AMC విభాగంలోకి ప్రవేశిస్తాయి సచిన్ బన్సాల్ నవీ ఎస్సెల్ మ్యూచువల్ ఫండ్‌ను కొనుగోలు చేయడం ద్వారా AMC లైసెన్స్‌ను పొందింది. అదేవిధంగా, ఇండియాబుల్స్ AMC కొనుగోలుతో గ్రో AMC వ్యాపారంలోకి ప్రవేశిస్తోంది. ఇది కాకుండా, ముకేష్ అంబానీకి చెందిన జియో ఫైనాన్షియల్ సర్వీసెస్ ఇప్పుడు అమెరికాకు చెందిన బ్లాక్‌రాక్‌తో కలిసి JIO BLACKROCK అనే కంపెనీని ప్రారంభించడం ద్వారా AMC వ్యాపారంలోకి ప్రవేశిస్తోంది.