IndiaFirst IPO: ఇండియాఫస్ట్ ఐపీఓకు ఆమోదం తెలిపిన సెబీ..

ఇండియాఫస్ట్ లైఫ్ ఇన్సూరెన్స్ ప్రారంభ పబ్లిక్ ఆఫరింగ్ (ఐపిఓ) ద్వారా నిధులను సేకరించడానికి క్యాపిటల్ మార్కెట్స్ రెగ్యులేటర్ సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా (సెబి) ఆమోదం తెలిపింది. ఈ కంపెనీకి బ్యాంక్ ఆఫ్ బరోడా మద్దతు ఉంది. ఈ కంపెనీ గత ఏడాది అక్టోబర్‌లో IPO ప్రారంభించడానికి సెబీకి డ్రాఫ్ట్ రెడ్ హెర్రింగ్ ప్రాస్పెక్టస్ (DRHP) ను దాఖలు చేసింది.

రూ.500 కోట్లు

DRHP ప్రకారం, పబ్లిక్ ఇష్యూలో రూ.500 కోట్ల వరకు విలువైన ఈక్విటీ షేర్ల తాజా ఇష్యూ, ప్రమోటర్, ఇతర విక్రయించే వాటాదారుల ద్వారా 141,299,422 ఈక్విటీ షేర్ల ఆఫర్ ఫర్ సేల్ (OFS) ఉంటుందని తెలిపింది. బ్యాంక్ ఆఫ్ బరోడా దాదాపు 89,015,734 ఈక్విటీ షేర్లను విక్రయించనుంది. కార్మెల్ పాయింట్ ఇన్వెస్ట్‌మెంట్స్ 39,227,273 ఈక్విటీ షేర్లను, 13,056,415 ఈక్విటీ షేర్లను యూనియన్ బ్యాంక్ ఆఫ్ ఇండియా విక్రయించనుంది.

65 శాతం

దేశంలోని మూడో అతిపెద్ద PSU బ్యాంకు అయిన BoBకు ఇండియాఫస్ట్ లో 65 శాతం వాటా ఉంది. తర్వాత వార్‌బర్గ్ పింకస్ అనుబంధ కార్మెల్ పాయింట్ ఇన్వెస్ట్‌మెంట్స్ ఇండియా 26 శాతం, యూనియన్ బ్యాంక్ ఆఫ్ ఇండియా 9 శాతం వాటాను కలిగి ఉన్నాయి. లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC), గో డిజిట్ తర్వాత, ఇండియాఫస్ట్ లైఫ్ IPOను తేవడానికి గత ఏడాది అక్టోబర్ 21న సెబీకి డ్రాఫ్ట్ పేపర్‌లను దాఖలు చేసిన మూడో బీమా కంపెనీగా నిలిచింది.

ICICI సెక్యూరిటీస్

ICICI సెక్యూరిటీస్, ఆంబిట్, BNP పారిబాస్, BOB క్యాపిటల్ మార్కెట్స్, HSBC సెక్యూరిటీస్ అండ్ క్యాపిటల్ మార్కెట్స్ (ఇండియా), జెఫరీస్ ఇండియా, JM ఫైనాన్షియల్ బుక్-రన్నింగ్ లీడ్ మేనేజర్‌లు, KFin టెక్నాలజీస్ ఈ ఆఫర్‌కు రిజిస్ట్రార్‌గా ఉన్నాయి. బ్యాంక్ ఆఫ్ బరోడా ప్రమోట్ చేసిన ఇండియాఫస్ట్ లైఫ్ ఇన్సూరెన్స్ కంపెనీ ప్రైవేట్ లైఫ్ ఇన్సూరెన్స్ ప్లేయర్. ముంబైకి చెందిన కంపెనీ 2022 ఆర్థిక సంవత్సరంలో కొత్త వ్యాపార IRP పరంగా వేగంగా అభివృద్ధి చెందుతోందన్న ప్రైవేట్ జీవిత బీమా సంస్థల్లో ఒకటిగా ఉంది.