కరోనా: బ్యాంకు ఖాతాదారుల సేవల కోసం ఎస్బీఐ ప్రత్యేక నెంబర్

కరోనా మహమ్మారి వ్యాప్తిని నిరోధించేందుకు బ్యాంకులు అనేక చర్యలు చేపడుతున్నాయి. ఇప్పటికే ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా (SBI) తమ ఉద్యోగులకు ఎక్కడి నుండి అయినా పని చేసే వెసులుబాటును కల్పించింది. ఉద్యోగులు, కస్టమర్ల రక్షణ కోసం పలుచర్యలు చేపడుతోంది. బ్యాంకుల్లో అవసరమైన ప్రత్యేక ఏర్పాట్లు చేశారు.

బ్యాంకు ఖాతాదారులు సామాజిక దూరం పాటించేలా చర్యలు తీసుకోవడంతో పాటు శానిటైజర్లను అందుబాటులో ఉంచారు. రద్దీ అధికంగా ఉండే శాఖల్లో థర్మల్ స్కానర్లు ఏర్పాటు చేశారు. సిబ్బందికి పీపీఈ కిట్స్ సమకూర్చారు. కరోనా వ్యాప్తిస్తుండటంతో కస్టమర్లకు కూడా సూచనలు చేస్తున్నారు.

సాధ్యమైనంత వరకు ఆన్ లైన్ సేవలు ఉపయోగించుకోవాలని సూచిస్తోంది ఎస్బీఐ. తప్పనిసరి అయితేనే తమ బ్యాంకు శాఖలకి రావాలని ఖాతాదారులను కోరుతోంది. ఎస్బీఐ యోనో యాప్‌ను కూడా వినియోగించుకోవచ్చునని చెబుతోంది. బ్యాంకు బ్యాలెన్స్, మినీ స్టేట్‌మెంట్, ఏటీఎం కార్డులు బ్లాక్ చేయడం, కొత్త పిన్ నెంబర్ వంటి సేవలకు ప్రత్యేక మొబైల్ నెంబర్‌ను అందుబాటులోకి తెచ్చినట్లు హైదరాబాద్ సర్కిల్ చీఫ్ మేనేజర్ తెలిపారు. ఈ సేవల కోసం 09223488888కు తొలుత ఖాతా నెంబర్‌ను మెసేజ్ ద్వారా పంపి రిజిస్టర్ చేసుకోవాలన్నారు.