SBI ఫిక్స్డ్ డిపాజిట్లపై వడ్డీ రేట్ల కోత

ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా(SBI) ఫిక్స్డ్ డిపాజిట్లపై (FD) వడ్డీ రేట్లను సవరించింది. సెప్టెంబర్ 10వ తేదీ నుండి ఎస్బీఐ సీనియర్ సిటిజన్లకు 5.40 శాతం, ఇతర కస్టమర్లకు 4.90 శాతానికి తగ్గించింది. రూ.2 కోట్ల ఫిక్స్డ్ డిపాజిట్ పైన ఏడాది నుండి రెండేళ్ల మెచ్యూరిటీపై వడ్డీ రేట్లు తగ్గించింది.

8 కంపెనీల మార్కెట్ క్యాప్ రూ.1.57 లక్షల కోట్లు డౌన్, ఇన్ఫోసిస్, హెచ్‌సీఎల్ జూమ్

సవరించిన రేట్లతో వారం రోజుల నుండి 45 రోజుల లోపు ఫిక్స్డ్ డిపాజిట్స్ పైన వడ్డీ రేటు 2.9శాతానికి దిగి వచ్చింది. 46 రోజుల నుంచి 179 రోజుల డిపాజిట్స్ పైన 3.9 శాతానికి, 180 రోజుల నుంచి ఏడాది లోపు డిపాజిట్స్ పైన 4.4 శాతం వడ్డీని ఆఫర్ చేస్తోంది. ఏడాది నుండి రెండేళ్ల లోపు డిపాజిట్స్ పైన 4.9 శాతం, 2 ఏళ్ల నుండి 3 ఏళ్ల లోపు 5.1 శాతం, 3 ఏళ్ళ నుండి 5 ఏళ్లలోపు ఫిక్స్డ్ డిపాజిట్లపై వడ్డీ రేటు 5.3 శాతానికి తగ్గించింది. అయిదేళ్ల నుండి 10 ఏళ్ల ఫిక్స్డ్ డిపాజిట్లపై వడ్డీ రేటు 5.4 శాతంగా ఉంటుంది.

సీనియర్ సిటిజన్లకు డిపాజిట్లపై వడ్డీ రేటును ఇతర కస్టమర్లతో పోలిస్తే 50 బేసిస్ పాయింట్లు ఎక్కవగా ఉంటాయి. సీనియర్ సిటిజన్లకు 7 రోజుల నుండి 45 రోజులకు వడ్డీ రేటు 3.4 శాతం, 46 రోజుల నుండి 179 రోజుల కాలపరిమితిపై 4.4 శాతానికి, 180 రోజుల నుండి ఏడాది కాలపరిమితిపై 4.9 శాతం, ఏడాది నుండి రెండేళ్ళ కాలపరిమితిపై 5.4 శాతం, రెండేళ్ల నుండి మూడేళ్ల లోపు కాలపరిమితిపై 5.6 శాతం, మూడేళ్ల నుండి ఐదేళ్ల కాలపరిమితిపై 5.8 శాతం, 5 ఏళ్ల కాలపరిమితి నుండి పదేళ్ల కాలపరిమితిపై 6.2 శాతం వడ్డీ రేట్లు వర్తిస్తాయి.