SBI ఫిక్స్డ్ డిపాజిట్ వడ్డీ రేట్లు తగ్గింపు, కొత్త వడ్డీ చెక్ చేసుకోండి

ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా ఫిక్స్డ్ డిపాజిట్లపై వడ్డీ రేట్లను తగ్గించింది. టర్మ్ డిపాజిట్లపై వడ్డీ రేటును తగ్గించింది. ఏడాది నుంచి పదేళ్ల కాల పరిమితి ఉండే టర్మ్ డిపాజిట్లపై వడ్డీ రేట్లను 6.25% శాతం నుంచి 6.10% తగ్గించింది.

జనవరి 10వ తేదీ నుంచే ఈ తగ్గింపు అమల్లోకి వచ్చింది. అయితే సీనియర్ సిటిజన్ల డిపాజిట్లపై మాత్రం అదనంగా మరో అర శాతం వడ్డీ రేటు చెల్లించనున్నట్టు తెలిపింది. రూ.2 కోట్ల కంటే తక్కువ ఉండే డిపాజిట్లకే ఈ కొత్త వడ్డీ రేట్లు వర్తిస్తాయి. దీర్ఘకాల స్థిర డిపాజిట్లపై జనవరి 10 నుంచి అమలులోకి వచ్చేలా 15 బేసిస్ పాయింట్ల వరకు కోత వేసింది.

7 రోజుల నుంచి 45 రోజులకు 4.50%
46 రోజుల నుంచి 179 రోజులకు 5.50%
180 రోజుల నుంచి 210 రోజులకు 5.80%
211 రోజుల నుంచి 1 సంవత్సరం లోపు 5.80%
1 సంవత్సరం నుంచి 2 ఏళ్ల లోపు 6.10%
2 ఏళ్ల నుంచి 3 సంవత్సరాల లోపు 6.10%
3 ఏళ్ల నుంచి 5 సంవత్సరాల లోపు 6.10%
5 ఏళ్ల నుంచి 10 సంవత్సరాల వరకు 6.10%
సీనియర్ సిటిజన్లకు అదనంగా అర శాతం అధికంగా వడ్డీ రేటు చెల్లిస్తారు. సీనియర్ సిటిజన్లకు డిపాజి్లపై వడ్డీ రేటు పదేళ్ల వరకు 6.6 శాతం లభిస్తుంది.