SBI Card: ఎస్‎బీఐ కార్డ్ పండుగ ఆఫర్లు.. 27.5% వరకు క్యాష్‎బ్యాక్.. పూర్తి వివరాలు..

SBI Card: ప్రస్తుతం దేశంలో పండుగల సీజన్ నడుస్తోంది. దీంతో చాలా మంది షాపింగ్ మెుదలు పెట్టారు. దీంతో ఎస్‎బీఐ కార్డ్ తన వినియోగదారులకు బోలెడన్ని ఆఫర్లతో ముందుకొచ్చింది.

పండుగల సీజన్ 2023 సందర్భంగా దేశంలోని తన కార్డు హోల్డర్లకు అనేక అద్భుతమైన ఆఫర్లను ఎస్‎బీఐ తీసుకొచ్చింది. సుమారు 2200 మర్చంట్ ఫండెడ్, క్యాష్‎బ్యాక్ ఆఫర్లను తెచ్చింది. ఇవి ఆన్‌లైన్‌తో పాటు టైర్-2, టైర్-3 నగరాలతో సహా ప్రముఖ నగరాల్లో సెల్లర్ల నుంచి అందుకోవచ్చని వెల్లడించింది. కన్జూమర్ ఎలక్ట్రానిక్స్, మొబైల్స్, ల్యాప్‎టాప్స్, ఫ్యాషన్, ఫర్నీచర్, ఆభరణాలు సహా ఇతర క్యాటగిరీల్లో అనేక ఈఎంఐ ఫోకస్డ్ ఆఫర్లను సెస్‎బీఐ కార్డ్ అందుబాటులోకి తీసుకొచ్చింది.

వినియోగదారుల కోసం 600లకు పైగా జాతీయ స్థాయి ఆఫర్లు, 1500 వరకు స్థానిక ఆఫర్లను నవంబర్ 15, 2023 వరకు చెల్లుబాటు అయ్యేలా ప్రవేశపెట్టింది. ఈ పండుగ ఆఫర్ లో భాగంగా 2700 పైగా నగరాలలోని ఎస్‎బీఐ కార్డ్ వినియోగదారులు ఫ్లిప్‌కార్ట్, అమెజాన్, మింత్రా, రిలయన్స్ రీటెయిల్ గ్రూప్, వెస్ట్‎సైట్, పాంటలూన్స్, మ్యాక్స్, తనిష్క్, టీబీజెడ్ వంటి వివిధ భాగస్వామ్య బ్రాండ్లలో 27.5% వరకు క్యాష్‎బ్యాక్, తక్షణ డిస్కౌంట్లను పొందొచ్చు. అలాగే సాంసంగ్, ఎల్‎జీ, సోనీ, ఓప్పో, వివో, పానసోనిక్, వర్ల్‎పూల్, బాష్, ఐఎఫ్‎బీ, హెచ్‎పీ, డెల్ తో పాటు మరెన్నో బ్లాండ్ల ఎలక్ట్రానిక్స్ పై ప్రత్యేక ఆఫర్లను అందుబాటులోకి తీసుకొచ్చింది.

కస్టమర్ ఓరియెంటెడ్ సేవలను అందించే బ్లాండుగా వారి అనుభవాన్ని పెంచటంపై ఎక్కువగా దృష్టి సారించినట్లు ఎస్‎బీఐ కార్డ్ ఎండీ, సీఈవో అభిజీత్ చక్రవర్తి పేర్కొన్నారు. షాపింగ్ అనుభవాన్ని మరింత ప్రతిఫలాన్ని అందించేవిగా ఉండేలా చూస్తున్నట్లు తెలిపారు. దీనికి ఎస్‎బిఐ కార్డ్ పండుగ ఆఫర్ 2023 ఒక గొప్ప ఉదాహరణ అని అన్నారు. ఈ పండుగ సీజన్లో తమ కార్డులపై షాపింగ్ చేసే కస్టమర్ల సంతోషాన్ని, సంబరాలను తమ ఆఫర్లు మరింత పెంచుతాయని ఆశిస్తున్నట్లు ఆయన పేర్కొన్నారు. పండుగ ఆఫర్లకు సంబంధించిన మరిన్ని వివరాలను తెలుసుకునేందుకు www.sbicard.com/festive సందర్శించండి.