SBIలో అతి తక్కువకే ఆటో, గోల్డ్, పర్సనల్, హోమ్ లోన్: వడ్డీ ఎంత ఉందంటే?

ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా నుండి హోమ్ లోన్ లేదా కారు లోన్ లేదా పర్సనల్ లోన్ తీసుకునే వారికి శుభవార్త. వివిధ అవసరాలకోసం రుణాలు తీసుకునేవారికి తక్కువ వడ్డీరేటుకు అందిస్తోంది. ఎస్బీఐ నుండి హోమ్ లోన్, గోల్డ్ లోన్, కారు లోన్, విదేశాలలో విద్య కోసం ఎడ్యుకేషన్ లోన్ వంటివి పొందవచ్చు.

ఎస్బీఐ నుండి రుణం తీసుకోవాలని భావించేవారు యోనో యాప్ ప్లాట్ ఫామ్ ద్వారా కూడా దరఖాస్తు చేసుకోవచ్చు. హోంలోన్ తీసుకునే వారికి వడ్డీరేటు 6.7 శాతం, కొత్త కారు కోసం లోన్ తీసుకునే వారికి 7.5 శాతం వడ్డీ రేటు, బంగారంపై రుణం తీసుకునే వారికి కూడా వడ్డీ రేటు 7.5 శాతంగా ఉంది. ఎడ్యుకేషన్ లోన్ 9.3 శాతం ఉంది.

కొంతమంది కస్టమర్లకు ప్రీ-అప్రూవ్డ్ రుణాలు కూడా అందిస్తోంది. పర్సనల్ లోన్ పైన 9.6 శాతం వడ్డీ రేటు ఉంది. సిబిల్ స్కోర్ ప్రాతిపదికన పొందే రుణం పైన వడ్డీ రేట్లు మారే అవకాశాలు ఉంటాయి. కొత్త ఇంటి కోసం రుణాలు తీసుకునే వారికి ఇది వర్తిస్తుంది.