ఆర్‌బీఐ కొత్త గవర్నర్ గురించి మీకు తెలియని విషయం ఇదే.. ఐఎఎస్ నుండి ఇలా..

తాజాగా రిజర్వ్ బ్యాంక్ ఆఫ్ ఇండియా కొత్త గవర్నర్‌ను ప్రకటించిన సంగతి మీకు తెలిసిందే. అయితే కొత్త గవర్నర్‌గా ఎవరు బాధ్యతలు చెప్పట్టారు అనేదానికంటే అసలు ఎవరు ఈ కొత్త గవర్నర్‌ అనే సందేహం చాల మందికి ఉండే ఉంటుంది. అతను ఎవరో కాదు సంజయ్ మల్హోత్రా, 11 డిసెంబర్ బుధవారం రోజున ఆర్బిఐ (రిజర్వ్ బ్యాంక్ ఆఫ్ ఇండియా) 26వ గవర్నర్‌గా బాధ్యతలు స్వీకరించారు. వచ్చే మూడేళ్లపాటు ఆయన ఈ పదవిలో కొనసాగుతారు. భారతీయ బ్యాంకింగ్ అండ్ ఆర్థిక వ్యవస్థను బలోపేతం చేయడానికి ఆర్బిఐ గవర్నర్‌గా అతని నియామకం కీలకమైనదిగా పరిగణిస్తున్నారు. ప్రస్తుత గవర్నర్ శక్తికాంత దాస్ స్థానంలో ఆయన నియమితులయ్యారు. శక్తికాంత దాస్ పదవీకాలాన్ని పొడిగించరాదని కేంద్ర ప్రభుత్వం నిర్ణయించింది. అయితే 2018లో ఆర్‌బీఐ గవర్నర్‌గా శక్తికాంత దాస్ బాధ్యతలు చేపట్టారు. సంజయ్ మల్హోత్రా 1990 రాజస్థాన్ కేడర్ బ్యాచ్‌కి చెందిన ఇండియన్ అడ్మినిస్ట్రేటివ్ సర్వీస్ అధికారి. కాన్పూర్‌లోని ఇండియన్ ఇన్‌స్టిట్యూట్ ఆఫ్ టెక్నాలజీ నుండి కంప్యూటర్ సైన్స్‌లో ఇంజినీరింగ్ పట్టా పొందారు. ఇంకా ప్రిన్స్టన్ యూనివర్సిటీ ఆఫ్ అమెరికా నుండి పబ్లిక్ పాలసీలో మాస్టర్స్ డిగ్రీ పొందాడు.

ఆర్‌బీఐలో సెక్రటరీగా
ఆర్‌బీఐ 26వ గవర్నర్‌గా సంజయ్ మల్హోత్రాను నియమించాలనే నిర్ణయానికి కేంద్ర కేబినెట్ నియామకాల కమిటీ గ్రీన్ సిగ్నల్ ఇచ్చింది. నార్త్ బ్లాక్ (భారత ఆర్థిక మంత్రిత్వ శాఖ ఆఫీస్) నుండి నేరుగా వచ్చిన దువ్వూరి సుబ్బారావు తర్వాత సంజయ్ మల్హోత్రా మొదటి ఆర్‌బిఐ గవర్నర్‌గా ఉంటారు. సంజయ్ మల్హోత్రా ఫైనాన్స్, టాక్సేషన్ అండ్ ఐటిలో ఎక్స్పర్ట్, ఇంతకుముందు రిజర్వ్ బ్యాంక్ ఆఫ్ ఇండియా కార్యదర్శిగా అతను పనిచేశారు. అలాగే సంజయ్ మల్హోత్రా ఇన్ఫర్మేషన్ టెక్నాలజీ అండ్ మైనింగ్ వంటి రంగాలలో నాయకత్వం వహించాడు.

సంజయ్ మల్హోత్రా ముందు ఎన్నో సవాళ్లు
ఎన్నో సవాళ్ల మధ్య సంజయ్ మల్హోత్రా గవర్నర్‌గా పదవీకాలం ప్రారంభమైంది. ఆర్థిక వృద్ధిని ప్రోత్సహించడం, ద్రవ్యోల్బణాన్ని అదుపులో ఉంచడం ఇంకా మారకం రేటును స్థిరంగా ఉంచడం వంటివి ఇందులో ఉన్నాయి. మరోపక్క దేశంలో ఆర్థిక సవాళ్లు పెరుగుతున్నాయి. జూలై-సెప్టెంబర్ త్రైమాసికంలో రిటైల్ ద్రవ్యోల్బణం 6.2 శాతానికి చేరుకోగా, జిడిపి వృద్ధి 5.4 శాతానికి తగ్గింది. డిసెంబర్‌లో RBI 2024-25 ద్రవ్యోల్బణ అంచనాను 4.5% నుండి 4.8%కి పెంచింది ఇంకా వృద్ధి అంచనాను 7% నుండి 6.6%కి తగ్గించింది. దీనితో పాటు RBI గత రెండేళ్లుగా రెపో రేటును 6.5% వద్ద స్థిరంగా కొనసాగించింది.