పెప్సీకో బ్రాండ్ అంబాసిడర్‌గా సల్మాన్ ఖాన్, ఎన్ని కోట్ల ఒప్పందమంటే?

పెప్సీకో బ్రాండ్ అంబాసిడర్‍‌గా బాలీవుడ్ నటుడు సల్మాన్ ఖాన్ కనిపిస్తారు. ఈ మేరకు ఈ కూల్ డ్రింక్ దిగ్గజం... బాలీవుడ్ కండలవీరుడితో ఒప్పందం చేసుకుంది. ఈ మేరకు మంగళవారం ఓ ప్రకటనలో తెలిపింది. పెప్సీ కార్పోనేటెడ్ డ్రింక్స్ ప్రచారానికి ఆయన కొత్త. 2020లో 360 డిగ్రీ వాణిజ్య ప్రకటనలో నటిస్తారు. 2019లో పెప్సీ ప్రారంభించిన స్వాగ్ థీమ్ ప్రచారాన్ని ఈ వాణిజ్య ప్రకటన ముందుకు తీసుకెళ్లనుంది.

బాలీవుడ్ సూపర్ స్టార్ సల్మాన్ ఖాన్‌తో ఒప్పందం చేసుకున్నందుకు సంతోషంగా ఉందని, గత ఏడాదిగా పెప్సీ బ్రాండ్ స్వాగ్ థీమ్‌తో ప్రచారం చేపట్టిందని, సల్మాన్ రాకతో 2020లో స్వాగ్ థీమ్ ప్రచారం మరింత ఉత్సాహంగా ఉండనుందని పెప్సికో ప్రతినిధి పేర్కొన్నట్లుగా ఇంగ్లీష్ మీడియాలో వార్తలు వచ్చాయి.

సల్మాన్ ఖాన్ నటించిన దబాంగ్ 3 విడుదలకు సిద్ధమైన సమయంలో పెప్సీతో ఒప్పందం జరిగింది. సల్మాన్ ఖాన్ గతంలో యాపీ ఫిజ్, 2016 వరకు థమ్సప్‌కు బ్రాండ్ అంబాసిడర్‌గా ఉన్నారు. కాగా, ఇది రెండేళ్ల డీల్. ఈ డీల్‌కు గాను రూ.15 కోట్లుగా తెలుస్తోందని వార్తలు వస్తున్నాయి.