టీసీఎస్ ఉద్యోగులకు చేదు వార్త.. కంపెనీకి రూ.53,185 కోట్లు నష్టం.. జీతాల పెంపు ఉంటుందా ?

టాటా గ్రూప్ ఐటీ విభాగం టాటా కన్సల్టెన్సీ సర్వీసెస్ (TCS) ఇటీవల కొత్త విధానాలు, జీతాల పెంపుదల గురించి అప్ డేట్ అందించింది. భారతదేశపు అతిపెద్ద ఐటీ కంపెనీ అయిన టిసిఎస్ మార్చి 2025లో కంపెనీ ఉద్యోగులకు వార్షిక జీతాల పెంపుదలను విడుదల చేయనుంది. ఈ పెంపు వచ్చే ఏప్రిల్ నుండి ఉద్యోగులకు అమలు చేస్తుంది.

అయితే గత వారం ట్రేడింగ్‌లో TCS పెద్ద దెబ్బను ఎదుర్కొంది, దింతో మార్కెట్ విలువ రూ.53,185.89 కోట్లు తగ్గి రూ.13.7 లక్షల కోట్లకు చేరుకుంది. ఇది ఉద్యోగులకు చేదు వార్తను అందించింది. గత వారం నుండి టాప్ 10 అత్యంత విలువైన కంపెనీల మొత్తం మార్కెట్ విలువ రూ.1,65,784.9 కోట్లకు తగ్గడంతో, ఒకే కంపెనీకి ఇది అతిపెద్ద నష్టం. ముఖేష్ అంబానీకి చెందిన రిలయన్స్ ఇండస్ట్రీస్ తర్వాత టాటా గ్రూప్‌కు చెందిన TCS రెండవ అత్యంత విలువైన కంపెనీ.

స్టాక్ మార్కెట్లలోని అస్థిర ధోరణులకు అనుగుణంగా టాటా కన్సల్టెన్సీ సర్వీసెస్ భారీ క్షీణతను చవిచూసింది. అదే సమయంలో భారతి ఎయిర్‌టెల్ కూడా భారీ క్షీణతను ఎదుర్కొంది. దీని మార్కెట్ క్యాపిటలైజేషన్ రూ.44,407.77 కోట్లు తగ్గి రూ.9.3 లక్షల కోట్లకు చేరుకుంది. గత వారం బాంబే స్టాక్ ఎక్స్ఛేంజ్ సూచీ సెన్సెక్స్ 628.15 పాయింట్లు పడిపోయింది. దీనికి తోడు నేషనల్ స్టాక్ ఎక్స్ఛేంజ్ సూచీ నిఫ్టీ 133.35 పాయింట్లు పడిపోయింది.

ప్రస్తుతం రిలయన్స్ ఇండస్ట్రీస్ అత్యంత విలువైన కంపెనీగా కొనసాగుతోంది. ఆ తర్వాతి స్థానాల్లో టీసీఎస్, హెచ్‌డీఎఫ్‌సీ బ్యాంక్, భారతీ ఎయిర్‌టెల్, ఐసీఐసీఐ బ్యాంక్, ఇన్ఫోసిస్, స్టేట్ బ్యాంక్ ఆఫ్ ఇండియా, హిందుస్తాన్ యూనిలీవర్, బజాజ్ ఫైనాన్స్, ఐటీసీ ఉన్నాయి. గత వారం, TCS షేర్లు కేవలం 5 రోజుల్లోనే (ఫిబ్రవరి 17-21) 2.82 శాతం పడిపోయాయి, దీనితో ఈ వారం దాని మార్కెట్ క్యాపిటలైజేషన్ రూ.53,185.89 కోట్లకు తగ్గింది, కంపెనీ ప్రస్తుత మార్కెట్ క్యాపిటలైజేషన్ రూ.13,69,717.48 కోట్లకు చేరుకుంది.

అంతేకాకుండా, TCSతో సహా టాప్ 10 అత్యంత విలువైన ఎనిమిది కంపెనీల మార్కెట్ విలువ కలిపి రూ.1,65,784.9 కోట్లు కోల్పోయింది. దీనికి విరుద్ధంగా ముఖేష్ అంబానీకి చెందిన రిలయన్స్ ఇండస్ట్రీస్ మార్కెట్ క్యాపిటలైజేషన్ రూ.14,547.3 కోట్లు పెరిగి రూ.16,61,369.42 కోట్లకు చేరుకుంది. 2024 ప్రారంభంలో ప్రవేశపెట్టిన రిటర్న్-టు-ఆఫీస్ (RTO) విధానానికి అనుగుణంగా TCS జీతం పెంపుదల, వేరియబుల్ పేను కలిపిందని నివేదించబడింది.

ఇక TCS షేరు ధర ఫిబ్రవరి 21న జరిగిన చివరి ట్రేడింగ్‌లో 0.28% పెరిగి రూ.3,789.90 వద్ద ముగిసింది. స్టాక్ మార్కెట్లలోని అస్థిరత కారణంగా TCS మార్కెట్ వాల్యూ భారీగా తగ్గింది, ఇది దాని మార్కెట్ క్యాపిటలైజేషన్‌ను ప్రభావితం చేసింది. మరోవైపు, ఇన్ఫోసిస్ మార్కెట్ విలువ రూ.17,086.61 కోట్లు తగ్గి రూ.7,53,700.15 కోట్లకు చేరుకుంది.