Penny Stock: రాకెట్ స్టాక్.. లక్ష పెట్టిన వారికి రూ.20 లక్షలు.. కంపెనీకి అప్పు అస్సలు లేదు..

Multibagger Stock: దేశంలో ద్రవ్యోల్బణం, పెట్టుబడులను ఎఫ్ఐఐలు వెనక్కు తీసుకుంటున్న తరుణంలో స్టాక్ మార్కెట్లు భారీ పతనాన్ని చూస్తున్నాయి. కానీ.. ఈ క్రమంలో బీఎస్ఈలో లిస్ట్ అయిన S&T కార్పొరేషన్ లిమిటెడ్ స్టాక్ మాత్రం తన ఇన్వెస్టర్లకు మల్టీబ్యాగర్ రాబడులను అందించింది. గడచిన ఏడాది కాలంలో ఈ స్టాక్ తన ఇన్వెస్టర్లకు 1500 శాతానికి పైగా రాబడిని అందించింది. బలహీనమైన మార్కెట్లలోనూ బలంగా పైకి లేచింది. వరుసగా 30 ట్రేడింగ్ సెషన్‌లలో షేర్ ధర పెరిగింది. మార్కెట్ల దిశకు వ్యతిరేకంగా ప్రయాణించి తన ఇన్వెస్టర్లకు మంచి రిటర్న్స్ అందించింది ఈ పెన్సీ స్టాక్.

ST కార్పొరేషన్ లిమిటెడ్ షేర్ ధర హిస్టరీ:

ST కార్పొరేషన్ షేర్లు జూన్ 29, 2021న రూ.13.45 నుంచి జూలై 01 నాటికి రూ. 271.30కి చేరుకుంది. అయితే షేర్ అప్పర్ సర్క్యూట్ లో లాక్ అయి ఉంది. ఈ షేర్ నిరంతరం పెరుదుతూనే ఉంది. 2022లో ఇప్పటి వరకూ షేర్ దాదాపు 900 శాతం వరకు రాబడిని అందించింది. సంవత్సరం క్రితం ఈ స్టాక్ లో ఎవరైనా లక్షరూపాయలు ఇన్వెస్ట్ చేసి ఉంటే.. దాని విలువ ఇప్పుడు రూ.20 లక్షలకు పైగానే అయి ఉండేది.

మల్టీబ్యాగర్ రిటర్న్స్:

గత 6 నెలల్లో.. అంటే స్టాక్ 27 డిసెంబర్ 2021 నాటికి రూ.20.80గా ఉన్న స్టాక్.. ఇప్పటి వరకూ 950 శాతం వరకు రాబడిని అందించింది. ఇదే సమయంలో నిఫ్టీ ఇండెక్స్ పడిపోయింది. ఈ కాలంలో షేర్ మార్కెట్ కంటే మంచి పనితీరును కనబరిచింది. మల్టీబ్యాగర్ పెన్నీ స్టాక్ మార్కెట్లు పడిపోతున్నప్పటికీ లాభపడుతూనే ఉంది.

స్టాక్ గురించి కీలక అంశాలు:

ST కార్పొరేషన్ స్మాల్ క్యాప్ కంపెనీ మార్కెట్ క్యాప్ దాదాపు రూ. 135 కోట్లకు పైగానే ఉంది. ఈ సంస్థ టెక్స్‌టైల్, నిర్మాణ రంగాల్లో వ్యాపారాలను నిర్వహిస్తోంది. వాల్యూ రీసెర్చ్ అండ్ స్క్రీనర్ నుంచి వచ్చిన డేటా ప్రకారం.. కంపెనీకి ఎలాంటి అప్పులేదు. స్టాక్ నిరంతరం పెరగటానికి ఇది ఒక ప్రధాన కారణం కావచ్చని తెలుస్తోంది. ఈ స్టాక్ 52 వారాల గరిష్ఠ ధర రూ.271.30 గా ఉండగా.. షేర్ కనిష్ఠ ధర రూ.14.05గా ఉంది.

అత్యధికందా ప్రమోటర్లకు వాటా:

ప్రస్తుతం షేర్ తన గరిష్ఠ ధర వద్ద ట్రేడ్ అవుతోంది. పైగా ఈ కంపెనీకి స్ట్రెన్త్స్ ఎక్కువగా ఉన్నాయి. ప్రస్తుతం ఈ స్టాక్ 5 రోజులు, 20-రోజులు, 50-రోజులు, 100-రోజులు, 200-రోజుల మూవింగ్ యావరేజ్‌ల కంటే ఎక్కువగా రేటుకు ట్రేడ్ అవుతోంది. రూ.10 ఫేస్ వ్యాల్యూ ఉన్న ఈ స్టాక్ బుక్ విలువ రూ.20.40గా ఉంది. మార్చి 2022 నాటికి.. కంపెనీలో పబ్లిక్ షేర్‌హోల్డింగ్ 27.48 శాతం, ప్రమోటర్ల హోల్డింగ్ 72.52 శాతంగా ఉంది.