బంగారంతో సరికొత్త గేమ్ మొదలుపెట్టిన రష్యా.. గురి చూసిన కొట్టిన దెబ్బకి ప్రపంచ దేశాలు విలవిల..

అంతర్జాతీయంగా బంగారం ధరలు రికార్డు స్థాయికి చేరుకుని మళ్లీ కిందకు దిగివచ్చాయి. ఈ నేపథ్యంలో పసడి ధరలు ఎప్పుడు ఎలా ఉంటాయో పెట్టుబడిదారులకు అంతు చిక్కడం లేదు. మొన్నటిదాకా భారీగా పడిన బంగారం ధరలు మళ్లీ పైకి ఎగబాకుతున్నాయి. గత మూడు రొజుల నుంచి బంగారం ధరలు పెరుగుతున్నాయి. అంతర్జాతీయంగా పరిస్థితులు ఉద్రిక్తకరంగా మారడంతో ఇన్వెస్టర్లు కూడా అలర్ట్ అవుతున్నారు. ఇక ప్రపంచ దేశాలు కూడా అప్రమత్తంగా ఉంటున్నాయి. తాజాగా రష్యా ఈ అవకాశాన్ని బాగా వినియోగించుకుంది.

ప్రపంచవ్యాప్తంగా బంగారం ధరలు రికార్డు స్థాయికి చేరిన వేళ.. Russia తన బంగారు వ్యూహాన్ని చాకచక్యంగా మార్చుకుంది. సాధారణంగా బంగారాన్ని భారీగా కొనుగోలు చేసే దేశంగా గుర్తింపు పొందిన రష్యా, ఈసారి మాత్రం ధరల ఎగసిపోతున్న అవకాశాన్ని ఉపయోగించుకుని భారీగా బంగారాన్ని విక్రయించి బిలియన్ల డాలర్ల నగదును సమీకరించింది. ఈ నిర్ణయం ఇప్పుడు ప్రపంచ బంగారు మార్కెట్లలో చర్చనీయాంశంగా మారింది.

జనవరి నెలలో Russian Central Bank తన నిల్వల నుంచి సుమారు 3 లక్షల ఔన్సుల బంగారాన్ని విక్రయించింది. ఇది అక్టోబర్ తర్వాత రష్యా బంగారు నిల్వలు తగ్గిన మొదటి సందర్భంగా చెప్పుకోవచ్చు. జనవరిలో బంగారం సగటు ధర ఔన్సుకు దాదాపు 4,700 డాలర్లుగా ఉండగా, కొన్ని దశల్లో అది 5,600 డాలర్ల వరకు చేరింది. ఈ పెరిగిన ధరల నేపథ్యంలో రష్యా ఈ అమ్మకాల ద్వారా 1.41 బిలియన్ డాలర్ల నుంచి 1.68 బిలియన్ డాలర్ల వరకు ఆదాయం పొందినట్లు అంచనా వేయబడుతోంది.

ఇక్కడ ఆసక్తికరమైన విషయం ఏమిటంటే.. బంగారాన్ని విక్రయించినప్పటికీ రష్యా మొత్తం బంగారు నిల్వల విలువ ఏ మాత్రం తగ్గలేదు. ఇది గణనీయంగా పెరిగింది. అమ్మకాల అనంతరం కూడా రష్యా వద్ద ఉన్న బంగారం నిల్వలు సుమారు 74.5 మిలియన్ ఔన్సులుగా ఉన్నాయి. ధరల భారీ పెరుగుదల కారణంగా జనవరిలోనే రష్యా బంగారు నిల్వల మొత్తం విలువ దాదాపు 23 శాతం పెరిగి 402.7 బిలియన్ డాలర్లకు చేరుకుంది.

గతంలో రష్యా ప్రపంచంలోనే అతిపెద్ద Gold కొనుగోలుదారులలో ఒకటిగా ఉండేది. అయితే 2022 తర్వాత దాని కొనుగోళ్లు స్పష్టంగా మందగించాయి. ప్రస్తుతం రష్యా అనుసరిస్తున్న వ్యూహం భిన్నంగా ఉంది. అధిక ధరల సమయంలో కొంత బంగారాన్ని విక్రయించి నగదును సమీకరించడం.. అదే సమయంలో పెద్ద మొత్తంలో నిల్వలను కొనసాగించడం. దీని ద్వారా తన విదేశీ మారకద్రవ్య నిల్వలను సమతుల్యం చేయాలనే లక్ష్యంతో ముందుకెళ్తోంది.

ఇదే సమయంలో రష్యా దృష్టి ఆసియా మార్కెట్లవైపు మళ్లుతోందన్న సంకేతాలు కూడా కనిపిస్తున్నాయి. నివేదికల ప్రకారం Chinaకు రష్యా నుంచి వెళ్లే విలువైన లోహాల ఎగుమతులు వేగంగా పెరిగాయి.2025 తొలి అర్ధభాగంలో చైనాకు ఎగుమతి అయిన Gold, వెండి వంటి లోహాల విలువ దాదాపు రెట్టింపు కావడం గమనార్హం. ఇది పశ్చిమ దేశాలకంటే ఆసియా మార్కెట్లపై రష్యా ఆధారపడుతున్నట్లు సూచిస్తోంది.

కొనసాగుతున్న బంగారం ధరల ర్యాలీ .. ఈ రోజు పెరుగుదల ఎంతో తెలుసా.. ఫిబ్రవరి 25, బుధవారం పసిడి ధరలు ఇవే..

ప్రపంచ స్థాయిలో చూస్తే.. భౌగోళిక రాజకీయ ఉద్రిక్తతలు, వాణిజ్య వివాదాలు, కేంద్ర బ్యాంకుల కొనుగోళ్లు కలిసి బంగారానికి బలమైన మద్దతు ఇస్తున్నాయి. గత 12 నెలల్లోనే స్పాట్ బంగారం ధరలు సుమారు 43 శాతం పెరగడం దీనికి నిదర్శనం. ఇది రష్యా వంటి పెద్ద బంగారు ఉత్పత్తిదారులకు స్పష్టమైన లాభాన్ని అందిస్తోంది.

దేశీయంగా కూడా రష్యాలో బంగారం డిమాండ్ బలంగానే ఉంది. గత ఏడాది రష్యన్ వినియోగదారులు రికార్డు స్థాయిలో 75.6 టన్నుల బంగారాన్ని కొనుగోలు చేశారు. ఇది దేశ వార్షిక ఉత్పత్తిలో దాదాపు 25 శాతానికి సమానం. పొదుపు విలువను కాపాడుకునే సురక్షిత మార్గంగా ప్రజలు బంగారాన్ని చూస్తున్నారని ఇది సూచిస్తోంది.

బంగారంతో పాటు పల్లాడియం, ప్లాటినం వంటి లోహాల ధరలు కూడా పెరుగుతుండటంతో, రష్యాలోని ప్రధాన మైనింగ్ కంపెనీల ఆదాయాలు బలపడుతున్నాయి. ప్రపంచంలో రెండవ అతిపెద్ద బంగారం ఉత్పత్తిదారుగా ఉన్న రష్యా.. చేసే ప్రతి కొనుగోలు లేదా విక్రయం గ్లోబల్ మార్కెట్ సెంటిమెంట్‌పై ప్రభావం చూపుతోంది. అధిక ధరల సమయంలో అమ్మకాలు జరగడం చూస్తే, ఇతర దేశాలు కూడా తమ నిల్వల నిర్వహణలో ఇదే మార్గాన్ని అనుసరించే అవకాశముందని మార్కెట్ నిపుణులు అంచనా వేస్తున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.