భారీగా దిగజారిన రూపాయి, ఆ తర్వాత తొలిసారి 74కు పడిపోయిన వ్యాల్యూ

డాలరు మారకంతో భారత కరెన్సీ రూపాయి విలువ రోజు రోజుకు పడిపోతోంది. గురువారం రూపాయి 73.32 వద్ద క్లోజ్ అయింది. ఉదయం రూ.72.90 వద్ద ట్రేడింగ్ ప్రారంభించింది. ఆ తర్వాత భారీగా నష్టపోయి చివరకు 73.32 వద్ద ముగిసింది. శుక్రవారం రూపాయి మరింత దిగజారింది. ప్రారంభంలో భారత ఈక్విటీ మార్కెట్లు నష్టాల్లో ప్రారంభమైన తర్వాత రూపాయి 74కు పడిపోయింది.

అక్టోబర్ 2018 తర్వాత రూపాయి తొలిసారి అమెరికా డాలర్ మారకంతో భారీగా దిగజారింది. కరోనా వైరస్ కారణంగా గత కొద్ది రోజులుగా భారత, అంతర్జాతీయ మార్కెట్లు తీవ్ర నష్టాల్లో ఉన్న విషయం తెలిసిందే. ఇప్పుడు రూపాయి ఏకంగా 74కు చేరుకుంది.

డొమెస్టిక్ కరెన్సీ రూ.73.90 వద్ద ట్రేడింగ్‌ను ప్రారంభించింది. ఆ తర్వాత కాసేపటికి రూ.74.04 వద్దకు పడిపోయింది. 30 అక్టోబర్ 2018 నాటికి దిగజారింది. 3 సెప్టెంబర్ 2019 నుండి రూపాయి 1.01 శాతం మేర పడిపోయింది. అంతకుముందు సెషన్‌లో రూపాయి 73.32 వద్ద క్లోజ్ అింది.