రికార్డ్ స్థాయిలో నష్టపోయిన రూపాయి: అనూహ్యంగా పుంజుకున్న మార్కెట్లు

డాలరుతో రూపాయి మారకం విలువ గురువారం 74.50తో రికార్డ్ హైకి చేరుకుంది. ఇంతకుముందు 2018 అక్టోబర్ నెలలో ఉన్న రూ.74.48ని క్రాస్ చేసింది. కరోనా వైరస్, చమురు ధరల యుద్ధం కారణంగా అంతర్జాతీయ మార్కెట్లు కుప్పకూలుతున్నాయి. రూపాయి ఆ తర్వాత కోలుకొని 74.03 వద్ద ట్రేడ్ అయింది. దీంతో అమ్మకాలు జోరందుకున్నాయి. భారత్ సహా అంతటా కౌంటర్‌లలో సేల్స్ పెరిగాయి. దీంతో మార్కెట్ నష్టపోతోంది.

అంతకుముందు రూపాయి గత సెషన్ క్లోజింగ్ 74.23 కంటే 17 పైసలు నష్టపోయి 74.40 వద్ద ట్రేడింగ్ ప్రారంభమైంది. ఆ తర్వాత రికార్డ్ హైకి చేరుకుంది. గురువారం రూపాయి 56 పైసలు క్షీణించి 74.23 వద్ద ముగిసి 17 నెలల కనిష్టానికి చేరుకుంది.

కాగా, శుక్రవారం స్టాక్ మార్కెట్లు భారీ నష్టాల్లో ట్రేడింగ్ ప్రారంభించిన విషయం తెలిసిందే. సెన్సెక్స్ దాదాపు 3,000కు పైగా పాయింట్ల నష్టంతో, సెన్సెక్స్ 900 పాయింట్లకు పైగా నష్టంతో ప్రారంభమైంది. ఆ తర్వాత కాసేపటికి మార్కెట్లు స్వల్పంగా కోలుకున్నాయి. నిఫ్టీ లోయర్ సర్క్యులేట్‌కు చేరుకోవడంతో ట్రేడింగ్ కాసేపు నిలిచిపోయింది. అయితే ఆ తర్వాత మార్కెట్లు పుంజుకున్నాయి. మధ్యాహ్నం గం.1 సమయానికి సెన్సెక్స్ 1,588.78 (4.85%)పాయింట్లు లాభపడి 34,366.92, నిఫ్టీ 467.05 (4.87%) పాయింట్లు లాభపడి 10,057.20 వద్ద ట్రేడ్ అయింది.