ఆల్ టైమ్ కనిష్టానికి రూపాయి, డాలర్ మారకంతో 77.71 వద్ద క్లోజ్

అమెరికా డాలర్ మారకంతో భారత కరెన్సీ రూపాయి భారీగా పతనమైంది. రూపాయి అంతకంతకూ క్షీణిస్తోంది. గ్లోబల్ మార్కెట్‌లో డాలర్‌కు వ్యాల్యూ అనూహ్యంగా డిమాండ్ నెలకొనడంతో రూపాయి వ్యాల్యూ చారిత్రక కనిష్టానికి జారుకుంది. డాలర్ మారకంతో రూపాయి గత సెషన్‌లో 17 పైసలు తగ్గి 77.71 వద్ద ముగిసింది.

రూపాయి బలహీనపడటానికి పలు కారణాలు ఉన్నాయి. దేశీయ ఈక్విటీలు తగ్గడం, భారీగా పెరిగిన క్రూడాయిల్ ధరలు, విదేశీ పెట్టుబడులు వెనక్కి మరలడం వంటి కారణాలు రూపాయి పతనానికి కారణంగా మారాయి. ఫారెక్స్ ఔట్ ఫ్లో కూడా రూపాయి పైన ప్రభావం చూపిస్తున్నాయి.

క్రితం సెషన్‌లో ఇంటర్‌బ్యాంక్ ఫారెన్ ఎక్స్చేంజ్ మార్కెట్‌లో రూపాయి 77.65 వద్ద ప్రారంభం కాగా, చివరకు 17 పైసలు క్షీణించి 77.71 వద్ద ముగిసింది. ఈ సెషన్‌లో ఇంట్రాడేలో రూపాయి 77.71 వద్ద కనిష్టాన్ని, 77.62 వద్ద గరిష్టాన్ని తాకింది. సోమవారం డాలర్ మారకంతో రూపాయి 77.54 వద్ద ముగిసింది. నిన్న 17 పైసలు క్షీణించింది. సిక్స్ బాస్కెట్ కరెన్సీలో డాలర్ ఇండెక్స్ క్రితం సెషన్‌లో 0.5 శాతం ఎగిసి 101.92 వద్ద ట్రేడ్ అయింది.