ఒక్క రాత్రిలో కోటీశ్వరులు అయిపోయిన Oracle బెంగళూరు టెకీలు

ఎప్పుడైనా "ఒక్కటే రోజులో మీ సంపద కోట్లు చేరే అవకాశం వస్తుందని" ఊహించారా? బెంగళూరు టెకీ యువతకు ఇది ఇప్పుడు వాస్తవం అయ్యింది. ఒరాకిల్ కంపెనీ తాజాగా AI క్లౌడ్ సేవలలో భారీ డీల్స్ ప్రకటించడం వల్ల, షేర్ ధర 36% పెరిగి, కొంతమందిని ఒక్క రాత్రిలో కోటీశ్వరులుగా మార్చింది.

ఒరాకిల్ కంపెనీ వ్యవస్థాపకుడు ల్యారీ ఎలిసన్ ఈ AI బూమ్ కారణంగా కొన్ని గంటల పాటు ప్రపంచంలో అత్యంత ధనిక వ్యక్తిగా మారారు. తాత్కాలికంగా టెస్లా సీఈవో ఎలాన్ మస్క్ ను అధిగమించి, ఒరాకిల్ స్టాక్ విలువ పెరగడం వల్ల ఎలిసన్ సంపద కూడా భారీగా పెరిగింది.

కానీ అసలు విషయం ఏమిటంటే ... ఒరాకిల్లో పని చేసే యువ టెక్సీస్ కి సంబంధించినది. బెంగళూరులో కొంత మంది యువ ఉద్యోగులు RSUs (పరిమిత స్టాక్ యూనిట్లు) వల్ల రాత్రి కి రాత్రి కోటీశ్వరులయ్యారు. సులభంగా చెప్పాలంటే, RSU అంటే "భవిష్యత్తులో కంపెనీ షేర్లను ఇస్తాం" అనే హామీ, కానీ కొంత కాలం కంపెనీలో ఉండాలి లేదా పనితీరు లక్ష్యాలను చేరుకోవాలి అనే షరతులు ఉంటాయి.

ఒక యువ ఉద్యోగి తన ఆనందాన్ని బ్లైండ్ యాప్‌లో ఇలా వ్యక్తం చేశారు "Holy S$$$, నేడు నేను కోటీశ్వరుడినే అయ్యాను!". "ఫిబ్రవరిలో ఒరాకిల్ నుండి లేఅఫ్ అయ్యాను, కానీ టర్మినేషన్‌కి ముందు తిరిగి రీహైర్ అయ్యి, నా స్టాక్స్ నీ కాపాడుకున్నాను. ఇప్పుడు, కంపెనీ ఆర్ధిక ఫలితాల తర్వాత, జీవితంలో మొదటిసారిగా కోటీశ్వరుడిగా మారాను! చాలా ఆనందంగా ఉంది."

ఎకనామిక్ టైమ్స్ తెలిపినట్లుగా, ఒరాకిల్ లో కేవలం రెండు సంవత్సరాల కెరీర్ ఉన్న యువ టెక్సీస్ కూడా ఈ లాభాన్ని పొందారు. ERP దిగ్గజంలో ఇటీవల లేఅఫ్స్ వల్ల వచ్చిన దుఃఖాన్ని ఈ AI బూమ్ తొలగించింది. ఒరాకిల్ ఇప్పుడు ట్రిలియన్ డాలర్ మార్కెట్ క్యాప్ లక్ష్యానికి చేరుకునేందుకు కృషి చేస్తోంది, స్టాక్ ర్యాలీ కారణంగా కొంతమంది యువ ఉద్యోగులు ఒక్కసారిగా కోటీశ్వరులయ్యారు.

ఉదాహరణకి, 2022లో ఒరాకిల్ బెంగళూరు ఆఫీసులో చేరిన ఒక 25 ఏళ్ల BTech గ్రాడ్యుయేట్, స్టాక్ ధర చరిత్రాత్మకంగా పెరగడంతో ఇప్పుడు రూ. 1.5 కోట్లు విలువైన ఆస్తి కలిగి ఉన్నాడు. ఈ సంపద ఎక్కువ భాగం కంపెనీ షేర్లలో ఉండటం వల్ల వచ్చే రెండు సంవత్సరాల్లో ఈ షేర్లను లిక్విడేట్ చేయవచ్చు.

మరొక 22 ఏళ్ల ఉద్యోగి, 2024 ఇంజినీరింగ్ బ్యాచ్ నుండి చేరి, వార్షిక జీతం రూ. 60 లక్షలు + RSUs రూ. 60 లక్షల విలువలో మూడు సంవత్సరాల్లో vest అవ్వడంతో ఉద్యోగం ప్రారంభించారు. ఇప్పుడు ఈ RSUs విలువ రూ. 1.25 కోట్లు చేరి, 2027 వరకు రూ. 2 కోట్లు దాటే అవకాశం ఉంది.

సెప్టెంబర్ 10, ఒరాకిల్ అనేక బిలియన్ల డాలర్ AI క్లౌడ్ డీల్స్ ప్రకటించింది. స్టాక్ ధర ఒక్క రోజులో 36% పెరిగి 1992 తర్వాత అత్యధిక ఒక రోజు లాభం సాధించింది. కంపెనీ మార్కెట్ క్యాప్ $933 బిలియన్ దాటింది. ర్యాలీ అంత పెద్దది, ఒరాకిల్ సహ వ్యవస్థాపకుడు ల్యారీ ఎలిసన్ తాత్కాలికంగా ఎలాన్ మస్క్‌ను మించిన ప్రపంచంలో అత్యంత ధనిక వ్యక్తిగా మారారు.

కాబట్టి, ఒరాకిల్ AI బూమ్ కేవలం కంపెనీ వ్యవస్థాపకుని మాత్రమే కాక, బెంగళూరు యువ techiesని కూడా ఒక్క రాత్రిలో కోటీశ్వరులుగా మార్చి పెద్ద సక్సెస్ స్టోరీగా నిలిచింది.