హైదరాబాద్ ఎయిర్‌పోర్ట్ రైడ్ ఒక్క 35 కిమీకి రూ. 5,000... ప్రయాణికులు షాక్‌కి గురి!

హైదరాబాద్ ఎయిర్‌పోర్ట్‌కు వెళ్లే క్యాబ్ రేట్లు ఇప్పుడు కొత్త చర్చకు దారి తీస్తున్నాయి. ఉదయం వేళల్లో ప్రయాణించే వాళ్ల నుంచి డ్రైవర్లు అధికంగా డబ్బు వసూల్ చేస్తున్నారని ఒక యూజర్ రెడిట్‌లో షేర్ చేసిన అనుభవం వైరల్ అవుతోంది.

ఆ వ్యక్తి తెలిపిన వివరాల ప్రకారం, ఉదయం 4 గంటలకు క్యాబ్ బుక్ చేసుకున్నారు. 7 గంటలకు విమానం ఉండడంతో ముందుగానే బయలుదేరేందుకు సిద్ధమయ్యారు. కానీ డ్రైవర్ ఫోన్ చేసి గమ్యస్థానం ఎయిర్‌పోర్ట్ అని తెలిసిన వెంటనే "అయితే కొంచెం అదనంగా ఇవ్వాలి" అని అడిగాడట. యూజర్ మాత్రం "యాప్‌లో చూపిన రేటుకే చెల్లిస్తాను" అని చెప్పాడు.

అయితే డ్రైవర్ రూట్ సమస్యలు ఉన్నాయని, ఆలస్యం అవుతుందని చెప్పి చివరికి రూ. 5,000 డిమాండ్ చేశాడు! యూజర్ తిరస్కరించాక, మరికొందరు డ్రైవర్లు కూడా రూ. 2,000 నుండి రూ. 6,000 వరకు రేట్లు చెబుతున్నారని తెలిపాడు. చివరికి స్నేహితుడి సహాయంతో ఎయిర్‌పోర్ట్‌కు వెళ్లాల్సి వచ్చిందట. పోస్ట్ చివర్లో ఆ వ్యక్తి "ఇలాంటి అనుభవం ఇంకెవరైనా ఎదుర్కొన్నారా? లేక డ్రైవర్లు తెల్లవారుజామున ప్రయాణించే వాళ్లను ఉపయోగించుకుంటున్నారా?" అని ప్రశ్నించాడు.

రెడిట్‌లో పెద్ద చర్చ ఉదయాన్నే హైదరాబాద్ విమానాశ్రయానికి వెళ్ళడానికి విపరీతమైన క్యాబ్ ధరలు ఎదుర్కొంటున్న ఎవరైనా? అనే టైటిల్‌తో వచ్చిన ఈ పోస్ట్‌కి వందలాది యూజర్లు స్పందించారు. చాలామంది కూడా ఇలాంటి అనుభవమే ఎదుర్కొన్నామని చెప్పారు. ఒకరు "ఇది పూర్తిగా లోభం" అని వ్యాఖ్యానించగా, మరొకరు "స్కామ్ లాంటిదే ఇది" అన్నారు. కొందరు "అలాంటి రైడ్‌లను వెంటనే క్యాన్సిల్ చేసి కొత్త బుకింగ్ చేసుకోవాలి" అని సూచించారు.

ఇంకొందరు "ఉదయం ట్రాఫిక్ కూడా ఉండదు, ఇంత పెద్ద మొత్తాన్ని అడగడం అన్యాయం" అని చెప్పారు. మరికొందరు MakeMyTrip వంటి ప్రత్యామ్నాయ ఎయిర్‌పోర్ట్ క్యాబ్ సర్వీసులు ఉపయోగించడం మంచిదని సూచించారు. ఇంకా కొంతమంది యూజర్లు "డ్రైవర్లు గ్రూప్ చాట్స్‌లో మాట్లాడుకొని, కలిసి రేట్లు పెంచేస్తున్నారు" అని కూడా ఆరోపించారు. చాలామంది ఈ వ్యవహారంపై క్యాబ్ కంపెనీలు లేదా ట్రాన్స్‌పోర్ట్ అధికారులు దృష్టి సారించాలని కోరుతున్నారు.

హైదరాబాద్ ఎయిర్‌పోర్ట్ క్యాబ్ రేట్లపై వచ్చే సమస్యలు ఎక్కువగా ఉదయం 4-7 గంటల మధ్య లేదా రాత్రి 11-1 గంటల వంటి అసాధారణ సమయాల్లో వస్తున్నాయి. ఈ స్లాట్స్‌లో ట్రాఫిక్ తక్కువగా ఉండడంతో, సాధారణంగా క్యాబ్ ధరలు తక్కువ ఉండాలి. కానీ ఈ సమయంలో డ్రైవర్లు అధిక ఛార్జీలు వసూల్ చేయడం ఎక్కువగా జరుగుతుందని ప్రయాణికులు ఫిర్యాదు చేస్తున్నారు. రెడ్డిట్, ట్విట్టర్ లాంటి సోషల్ మీడియా ప్లాట్‌ఫారమ్‌లలో ఈ సమస్యపై పెద్ద చర్చలున్నాయి. కొన్ని సందర్భాల్లో, ఒకే రూట్‌కి అనేక డ్రైవర్లు కలిసి రేట్లను పెంచి ప్రయాణీకులపై అదనపు డబ్బు వసూల్ చేస్తున్నారనే ఆరోపణలు కూడా వినిపిస్తున్నాయి.

ఈ సమస్యను ఎదుర్కోవడానికి ప్రయాణికులు కొన్ని సహజ పరిష్కారాలు పాటించవచ్చు. ముందుగా, బుక్ చేసుకునే ముందు ఓలా, ఉబర్, మేక్‌ మై ట్రిప్ వంటి మల్టీ-ప్లాట్‌ఫామ్ రేట్లు చెకింగ్ చేయడం మంచిది. అలాగే, ఎయిర్‌పోర్ట్ రైడ్‌లను ముందుగానే బుక్ చేసుకోవడం, లేదా ప్రత్యామ్నాయ క్యాబ్ సర్వీసులు ఉపయోగించడం సౌకర్యాన్ని మరియు ఖర్చు నియంత్రణను అందిస్తుంది. ఇవి పాటించడం వల్ల, అన్‌ఫెయిర్ రేటింగ్ సమస్యలను తగ్గించడంలో సహాయపడుతుంది మరియు ప్రయాణికులకు సురక్షితం, సులభంగా ప్రయాణించే అవకాశం కల్పిస్తుంది.