కొత్త ఉద్యోగులకు రూ 15,000 ప్రోత్సాహం: PM-VBRY పథకం విశేషాలు

భారతదేశంలో అధికారిక ఉద్యోగాలను పెంచడం, ఉద్యోగ భద్రత కల్పించడం లక్ష్యంగా కేంద్ర ప్రభుత్వం కొత్తగా ప్రారంభించిన ప్రధాన్ మంత్రి విక్సిత్ భారత్ రోజ్‌గార్ యోజన (PM-VBRY) పథకం ఈనెల ఆగస్టు 1 నుంచి దేశవ్యాప్తంగా అమల్లోకి రానుంది. ఈ పథకం ద్వారా కొత్త ఉద్యోగులు మొదటి సారి ఉద్యోగంలోకి అడుగుపెడితే రూ.15,000 ప్రోత్సాహకం లభించనుంది.

ఈ పథకానికి సంబంధించిన సమాచారం సంగారెడ్డి ప్రాంతీయ ప్రావిడెంట్ ఫండ్ కమిషనర్ విశాల్ అగర్వాల్ మీడియాతో మాట్లాడుతూ వెల్లడించారు.

PM-VBRY పథక లక్ష్యం ఏమిటి?
ఈ పథకం ద్వారా కేంద్ర ప్రభుత్వం అధికారిక రంగాల్లో ఉద్యోగాలను పెంచాలని లక్ష్యంగా పెట్టుకుంది. ఉద్యోగంలోకి అడుగుపెట్టే వారికి ఆర్థిక భద్రత కల్పించి, వారికి భవిష్యత్తులో మేలు జరిగేలా చూడటమే ప్రధాన ఉద్దేశం. చిన్న, మధ్య తరహా సంస్థలకు మద్దతు ఇచ్చి, అవి మరిన్ని ఉద్యోగ అవకాశాలు కల్పించేందుకు ప్రోత్సహించబడతాయి. అలాగే, యువతలో నైపుణ్యాలు పెరిగేలా చేసి, దేశ మానవ వనరుల సామర్థ్యాన్ని మెరుగుపరచాలన్నదే ఈ పథకం వెనుక ఉన్న దృక్కోణం. ముఖ్యంగా తయారీ రంగాన్ని (manufacturing sector) ప్రోత్సహించేందుకు ప్రత్యేక దృష్టి పెట్టబడింది.

మొత్తం వ్యయం ఎంత?
కేంద్ర ప్రభుత్వం ఈ పథకానికి రూ.99,446 కోట్లు నాలుగు సంవత్సరాల పాటు ఖర్చు చేయనుంది. దేశవ్యాప్తంగా 3.5 కోట్ల కొత్త ఉద్యోగాలు ఈ పథకం ద్వారా కల్పించాలన్నదే లక్ష్యం.

ఈ పథకంలో రెండు భాగాలుగా ప్రయోజనాలు ఉన్నాయి:
పార్ట్ A - కొత్త ఉద్యోగులకు లాభాలు:
ఆగస్టు 1, 2025 నుండి మొదటి సారి ఉద్యోగంలో చేరిన వారు ఈ భాగానికి అర్హులు. EPFOలో యూనివర్సల్ అకౌంట్ నంబర్ (UAN) ద్వారా నమోదవ్వాలి. అర్హత కలిగిన ఉద్యోగులకు మొత్తం రూ.15,000 ప్రోత్సాహకంగా లభిస్తుంది.

ఇది రెండు విడతల్లో ఇవ్వబడుతుంది:

మొదటి విడత: ఉద్యోగం ప్రారంభించి 6 నెలలు పూర్తి అయిన తర్వాత

రెండవ విడత: ఆర్థిక గ్రహణ సామర్థ్యం (Financial Literacy Programme) పూర్తి చేసిన తర్వాత

ప్రభుత్వ సహాయం మొత్తంలో ఒక భాగం లాక్ చేసిన సేవింగ్ ఖాతాలో జమ చేయబడుతుంది, దీని వల్ల ఉద్యోగులు డబ్బు పొదుపు చేయడం నేర్చుకోవడానికి సహాయం అవుతుంది.

పార్ట్ B - ఉద్యోగాలను కల్పించే సంస్థలకు ప్రోత్సాహకాలు:
సాధారణ రంగాల్లో ఉన్న సంస్థలకు 2 సంవత్సరాల పాటు. తయారీ రంగాల్లో ఉన్న సంస్థలకు 4 సంవత్సరాల పాటు ప్రోత్సాహకాలు ఇవ్వబడతాయి. ఉద్యోగ కల్పనను ప్రోత్సహించేందుకు, సంస్థలకు ప్రభుత్వ సౌకర్యాలు అందించబడతాయి.

తెలంగాణలో EPFO గణాంకాలు (2024-25 ఆర్థిక సంవత్సరం)
1. మొత్తం క్లెయిమ్‌లు పరిష్కరించబడినవి: 31,73,717

2. కాంట్రిబ్యూటరీ సభ్యుల సంఖ్య: 49,29,411

3. నమోదైన సంస్థలు (establishments): 1,34,500

ఎందుకు ఈ పథకం ముఖ్యమైంది?
అసంఘటిత రంగం నుంచి అధికారిక రంగంలోకి వస్తున్న ఉద్యోగులకు ఇది చాలా ఉపయోగకరంగా ఉంటుంది. ఇది ఉద్యోగులను స్థిరమైన జీతం, పింఛన్, ఇతర ప్రభుత్వ లాభాలు లభించే ఉద్యోగాల్లోకి తీసుకురావడంలో సహాయపడుతుంది. యువతలో ఆర్థిక స్థిరత్వాన్ని పెంచుతుంది. చిన్న సంస్థలు కొత్త ఉద్యోగులను తీసుకునేందుకు ఉత్సాహం పొందుతాయి.

PM-VBRY పథకం ద్వారా కొత్త ఉద్యోగులకి ఆదాయం, భద్రత, అభివృద్ధి అవకాశాలు లభించనున్నాయి. ఆగస్టు 1నుంచి దేశవ్యాప్తంగా ఇది ప్రారంభం కానున్నందున, కొత్తగా ఉద్యోగంలోకి అడుగుపెట్టే యువత ఈ అవకాశాన్ని వినియోగించుకోవాలని EPFO అధికారులు సూచిస్తున్నారు.