ఇష్టమొచ్చినట్లు నకిలీ నోట్ల హల్చల్.. కొత్తగా మళ్ళీ.. చుస్కోకపోతే అంతే..

మనం ఏదైనా కొనాలన్న లేదా ట్రాన్సక్షన్ చేసిన రూ.100 నోటు చాలా ఎక్కువగా ఉపయోగిస్తుంటాం. ఎందుకంటే ఇండియాలో అత్యధికంగా చలామణిలో ఉన్న నోటు కూడా రూ.100. ఇంకా బ్యాంకుల్లో డిపాజిట్ నుండి విత్ డ్రా వరకు రూ.100 నోటు ఎక్కువగా కనిపిస్తుంటుంది. అయితే నిన్న మొన్నటి దాకా రూ.500, రూ.200 నోట్లు విచ్చలవిడిగా చలామణిలో అవుతున్నాయి. ప్రభుత్వం వీటిని అరికట్టేందుకు ఎప్పటికప్పుడు చర్యలు తీసుకున్నప్పటికీ కూడా ఎదో ఒక చోటు నుండి పుట్టుకొస్తున్నాయి. అయితే వీటికి సంబంధించి బ్యాంకులు, ప్రభుత్వం, పోలీసులు కూడా ప్రజలను అలర్ట్ చేస్తూ హెచ్చరికలు జారీ చేస్తున్నారు.

అయితే తాజాగా రూ.100 నకిలీ నోట్లు పెరగడంతో సామాన్య ప్రజల్లో భయాందోళన నెలకొంది. 2000 రూపాయల నోట్లను చలామణి నుండి తొలగించిన తర్వాత, ముఖ్యంగా తక్కువ డినామినేషన్‌లో చలామణిలో ఉన్న నకిలీ కరెన్సీల స్థాయి పెరగడంతో ఈ సమస్య వెలుగులోకి వచ్చింది. మనం ఏ చిన్న వస్తువు కొన్న రూ.100 నోట్లు ఎక్కువగా వాడుతుంటాం లేదా చిల్లర రూపంలో మన చేతికి వస్తుంటుంది.

చాలా జాగ్రత్తగా పరిశీలిస్తే తప్ప ఈ నకిలీ నోట్లను మనము గుర్తించలేము. ఎందుకంటే నకిలీ నోట్లను ఏమాత్రం అసలైన వాటికీ తేడా లేకుండా తయారు చేస్తారు. సాధారణ వ్యక్తులు లేదా చదువుకొని వారు అసలు నోటుకి ఇంకా నకిలీ కరెన్సీ మధ్య తేడాను గుర్తించడం కష్టం అవుతుంది. ఈ నకిలీ నోట్లు ప్రజలను ప్రభావితం చేయడమే కాకుండా దేశ ఆర్థిక వ్యవస్థకు భంగం కలిగిస్తాయి ఇంకా ఆర్థిక వ్యవస్థపై ప్రజల నమ్మకాన్ని విచ్ఛిన్నం చేస్తాయి.

నిజమైన నోట్లను గుర్తించడానికి ఆర్బీఐ మార్గదర్శకాలు
భారతీయ రిజర్వ్ బ్యాంక్ అసలైన రూ. 100 నోట్లను గుర్తించడానికి స్పష్టమైన మార్గదర్శకాలతో ముందుకు వచ్చింది.
వాటర్‌మార్క్: మహాత్మా గాంధీ ఫోటో ఇంకా "100" నంబర్ చూపిస్తుంది.
పూల ప్యాట్రన్: వాటర్‌మార్క్ పక్కన నిలువు స్ట్రిప్‌లో గుర్తించదగిన పూల ప్యాట్రన్ ఉంటుంది.
సెక్యూరిటీ స్ట్రిప్: నోట్ కుడి అంచున సెక్యూరిటీ స్ట్రిప్ కనిపిస్తుంది.
నోటును వంచినప్పుడు "RBI, 100" అనే పదాలు స్పష్టంగా కనిపిస్తాయి.

రంగు ఇంకా ఆకృతి: నిజమైన నోటు సులభంగా గుర్తుపట్టొచ్చు. రంగు ద్వారా నకిలీ నోటులో స్వల్ప తేడాలు చూడవచ్చు.
ప్రింటింగ్: మహాత్మా గాంధీ ఫోటోపై ఇంకా నంబర్ల ప్రింటింగ్ చూడండి.
రిజిస్టర్: ఈ నోట్ వెనుక సూర్యకాంతికి "100" అదృశ్య చిత్రాన్ని చూడవచ్చు.

నకిలీ కరెన్సీని ఎదుర్కోవడానికి ప్రయత్నం చేయాలి. చట్టబద్ధమైన నోట్ల భద్రతా లక్షణాల గురించి అవగాహన పెంచాలి. కరెన్సీ నోటుని జాగ్రత్తగా పరిశీలించడం ద్వారా నకిలీ నోట్లను చెలామణిలో చాలా వరకు అరికట్టవచ్చు. టెక్నాలజీని ఉపయోగించడం ద్వారా కూడా దీనిని ఎదుర్కోవచ్చు. నకిలీ నోట్లను మెరుగ్గా గుర్తించడానికి ఇమేజ్ రికగ్నిషన్ అండ్ మెషిన్ లెర్నింగ్ వంటి అధునాతన సాంకేతికతలు ఉపయోగించవచ్చు. RBI మార్గదర్శకాలపై అవగాహన, కరెన్సీని జాగ్రత్తగా పరిశీలించడం, టెక్నాలజీ ద్వారా మనం ఈ ముప్పును అధిగమించవచ్చు. ఇంకా మన ఆర్థిక వ్యవస్థని కాపాడుకోవచ్చు.