For Quick Alerts
ALLOW NOTIFICATIONS  
For Daily Alerts

రిలయన్స్ కీలక ప్రకటన: యూకే BPతో జాయింట్ వెంచర్, 80,000 మందికి ఉద్యోగాలు

|

ముంబై:ముఖేష్ అంబానీ నేతృత్వంలోని రిలయన్స్ ఇండస్ట్రీస్ దూసుకెళ్తోంది. ఇప్పటికే డిజిటల్ విభాగం జియో ప్లాట్‌ఫాంలోకి పెద్ద ఎత్తున పెట్టుబడులు వచ్చాయి. ఈ పెట్టుబడులకు ముందే రిలయన్స్ సంస్థ.. యూకేకు చెందిన బీపీ, సౌదీ అరేబియాకు చెందిన సౌదీ ఆరామ్‌కోతో చమురు సహా వివిధ రంగాల పెట్టుబడులపై చర్చలు జరుపుతోంది. తాజాగా రిలయన్స్-బీపీ మధ్య అతి కీలకమైన డీల్ కుదిరింది. ఈ రెండు సంస్థలు కలిసి ఫ్యూయల్, మొబిలిటీలో జాయింట్ వెంచర్‌ను ప్రారంభిస్తున్నాయి. ఈ మేరకు గురువారం ప్రకటన చేశాయి.

49 శాతం వాటాతో జాయింట్ వెంచర్

49 శాతం వాటాతో జాయింట్ వెంచర్

రిలయన్స్ ఇండస్ట్రీస్ చేతిలో 51 శాతం ఉండేలా ఓ జాయింట్ వెంచర్ కోసం ప్లాన్ చేస్తున్నట్లు ఈ సంస్థ గత ఏడాది ఆగస్ట్ నెలలోనే ప్రకటించింది. దాదాపు ఏడాది తర్వాత రిలయన్స్-బీపీ మధ్య జాయింట్ వెంచర్ ఒప్పందంకుదిరింది. ఇందులో రిలయన్స్ వాటా 51 శాతం, బీపీ వాటా 49 శాతంగా ఉంటుంది. RILకు 1 బిలియన్ డాలర్లు (రూ.7వేల కోట్లకు పైగా) చెల్లించిన బీపీ 49 శాతం వాటాను దక్కించుకుంది.

80,000 మందికి ఉద్యోగ, ఉపాధి అవకాశాలు

80,000 మందికి ఉద్యోగ, ఉపాధి అవకాశాలు

ఈ జాయింట్ వెంచర్ రిలయన్స్ బీపీ మొబిలిటీ లిమిటెడ్ (RBML). జియో-బీపీ బ్రాండ్ ఆధ్వర్యంలో ఉంటాయి. ప్రస్తుతం 1400 ఫ్యూయల్ స్టేషన్స్ ఉండగా వీటిని 5,500కు పెంచాలని ఈ జాయింట్ వెంచర్ లక్ష్యంగా పెట్టుకుంది. ఇప్పుడు ఉన్న ఉద్యోగుల కంటే నాలుగు రెట్లు ఉపాధి, ఉద్యోగ అవకాశాలు లభిస్తాయి. దీని వల్ల ప్రస్తుతం ఉన్న 20,000 ఎంప్లాయిమెంట్ 80,000 వేలకు చేరుకుంటుందని తెలిపింది. ప్రస్తుతం రిలయన్స్ పెట్రోల్ పంప్స్, విమాన టర్బైన్ ఫ్యూయల్ నెట్ వర్క్‌లో బీపీ భాగస్వామ్యం కానుంది.

జియో-బీపీ

జియో-బీపీ

ఇప్పుటికే ఉన్న అవుట్ లెట్స్ సహా ఇక నుండి ఇవి జియో-బీపీగా మారుతాయి. ఈ జాయింట్ వెంచర్ రానున్న కొన్నేళ్లలో తమ సేవలను 30 నుండి 45 విమానాశ్రయాలకు పెంచాలని నిర్ణయించాయి. కర్బన పదార్థాల వినియోగం తగ్గించాలని కూడా RBML నిర్ణయించింది. డిజిటల్, టెక్నాలజీ సహకారంతో కస్టమర్లకు పరిశుభ్ర, సరసమైన సేవలు అందిస్తామని పేర్కొంది. తక్కువ ఉద్గారాలను అందించే ఫ్యూయల్స్, ఎలక్ట్రిక్ వెహికిల్ చార్జింగ్స్ వంటివి అందించాలని జేవీ ఆకాంక్షను వ్యక్తం చేసింది. జియో-బీపీ బ్రాండ్ భారత చమురు, మొబిలిటీ రంగంలో లీడర్‌గా ఎదగాలని భావిస్తోంది.

English summary

RIL and BP launch fuel and mobility JV, BP pays $1 billion for 49% stake

UK’s BP has paid Reliance Industries $1 billion for 49% stake in a fuel retail joint venture, closing a transaction the two companies announced last year.
Story first published: Thursday, July 9, 2020, 20:50 [IST]
Company Search
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more