Mehul Choksi: మెహుల్ చోక్సీపై రెడ్ కార్నర్ నోటిస్ తొలగింపు..

ఆర్థిక నేరగాడిగా ఆరోపణలు ఎదుర్కొంటున్న మెహుల్ చోక్సీకి సంబంధించి ఓ వార్త కలకలం రేపుతోంది. ఇంటర్ పోల్ రెడ్ కార్నర్ నోటీసు లిస్ట్ నుంచి చోక్సీ పేరును తొలగించడంతో అతను మన దేశానికి రావడం అసాధ్యంగా మారే అవకాశం ఉంది. మెహుల్ చోక్సీని ఇండియాకు తీసుకురావాలని దర్యాప్తు సంస్థలు చేస్తున్న ప్రయత్నాలు ఫలించే అవకాశం లేదు. మెహుల్ చోక్సీపై 2018 డిసెంబర్ లో రెడ్ కార్నర్ నోటిస్ జారీ చేశారు.

వ్యాపారిగా ఉన్నా మెహుల్ చోక్సీ పంజాబ్ నేషనల్ బ్యాంకు నుంచి రూ. 13 వేల కోట్ల రుణం తీసుకుని ఎగవేశారు. ఆ తర్వాత దేశం విడిచి పారిపోయాడు. అప్పటి నుంచి అతన్ని మన దేశం తీసుకురావాలని దర్యాప్తు సంస్థలు ప్రయత్నిస్తున్నాయి. లియోన్-హెడ్‌క్వార్టర్డ్ ఏజెన్సీకి చోక్సి అప్పీల్‌ మేరకే చోక్సీ పేరును రెడ్ లిస్ట్‌లో చేర్చిన నాలుగేళ్ల తర్వాత ఇంటర్‌పోల్ తాజా నిర్ణయం తీసుకున్నట్టు సమాచారం. ఉదయం 8 గంటల నాటికి, మొత్తం రెడ్ నోటీసుల సంఖ్య 7023గా ఉంది.

మెహుల్ చోక్సీపై రెడ్ కార్నర్ నోటిస్ తొలగించడంపై కాంగ్రెస్ తప్పుబట్టింది. ప్రభుత్వ నిర్లక్ష్యంగా కారణంగా ఇది జరిగిందని ఆరోపించారు. కాగా ఇంటర్‌పోల్‌లో 195 దేశాలు ఉన్నాయి. పంజాబ్ నేషనల్ బ్యాంక్ కుంభకోణంలో నిందితుడిగా ఉన్న వ్యాపారి నీరవ్ మోడీకి మెహుల్ చోక్సీ దగ్గరి బంధువు. ఈ కుంభకోణం బయటకు రావడంతో నీరవ్ మోడీ, పాటు మెహుల్ చోక్సీ విదేశాలకు పారిపోయారు.