Multibagger Stock: బ్రేకుల్లేని రాకెట్ స్టాక్.. ఇన్వెస్టర్లను కోటీశ్వరులు చేసింది..

Multibagger Stock: స్మాల్ క్యాప్ షేర్లు చాపకింద నీరులా దీర్ఘకాలంలో మంచి రాబడులను ఇన్వెస్టర్లకు అందిస్తున్నాయి. మంచి రీసెర్చ్ చేసి సరైన కంపెనీల్లో పెట్టుబడులు పెట్టి ఓపికగా నిరీక్షించిన ఇన్వెస్టర్లు ఇప్పుడు మంచి రాబడులను రిటర్న్స్ రూపంలో అందుకుంటున్నారు.

సాధారణంగా ఇన్వెస్టర్లు స్మాల్ క్యాప్ కంపెనీల్లో పెట్టుబడులు పెట్టడం ఎక్కువ రిస్క్ తో కూడుకున్నది. అయినప్పటికీ రెమిడియం లైఫ్‌కేర్ లిమిటెడ్ స్టాక్ మాత్రం ఇన్వెస్టర్లకు ఊహించని రాబడులను అందించింది. గడచిన ఐదేళ్ల కాలంలో ఏకంగా 16,000% కంటే ఎక్కువ బంపర్ రాబడిని అందించింది. మల్టీబ్యాగర్ రాబడులతో ఇన్వెస్టర్లను మిలియనీర్లుగా మార్చేసింది ఈ స్టాక్.

ఈరోజు ఉదయం 11.07 గంటల సమయంలో Remedium Lifecare Ltd స్టాక్ 3.25 శాతం మేర లాభపడి రూ.2,138 వద్ద కొనసాగుతోంది. గత సంవత్సర కాలంగా స్టాక్ పెరుగుతూనే ఉంది. అలాగే గడచిన నెలరోజుల్లో స్టాక్ ఏకంగా 135 శాతానికి పైగా లాభపడింది. ఈ షేర్ 52 వారాల గరిష్ఠ ధర రూ.2,144.90 ఉండగా.. 52 వారాల కనిష్ఠ ధర రూ.134.50గా ఉంది.

5 ఏళ్ల కిందట స్టాక్ ధర రూ.12.60 వద్ద ఉన్నప్పుడు ఎవరైనా ఇన్వెస్టర్ రూ.లక్ష కంపెనీ షేర్లలో పెట్టుబడిగా పెట్టి ఇప్పటి వరకు కొనసాగించి ఉంటే వారు కోటీశ్వరులుగా మారారు. అప్పట్లో రూ.లక్ష పెట్టుబడి ప్రస్తుతం మార్కెట్ విలువ రూ.1.78 కోట్లకు చేరుకుంది. రెమిడియం లైఫ్‌కేర్ షేర్లు ఇంకా పెరుగుతూనే ఉంది. కనీసం ఎవరైనా ఇన్వెస్టర్ ఏడాది కిందట లక్ష రూపాయలు పెట్టుబడిగా పెట్టిఉంటే దాని విలువ రూ.15 లక్షల కంటే ఎక్కువగానే ఉండేది.

Note: పైన అందించిన వివరాలు కేవలం అవగాహన కోసం మాత్రమే. అయితే వీటి ఆధారంగా ఎలాంటి ట్రేడింగ్ నిర్ణయాలు తీసుకోకండి. స్టాక్ మార్కెట్ పెట్టుబడులు నష్టాలతో కూడుకున్నవి. పెట్టుబడి నిర్ణయాలు తీసుకునే ముందు తప్పనిసరిగా మీ ఆర్థిక సలహాదారుడిని సంప్రదించండి.